Numeri 3:9 - সান্তালী বাইবেল

⁹ Liwiko do Aron ar uniren hoponkom emakoa. Israelko tala khon noko do Aronakʼ tirem jimạkoa.

Numeri 3:9 Iomraidhean Croise

1 Bõsbudạ 15:2

Inạ tayom uni doe menkeda, “Isorakʼ sinduk do Liwiko chaḍa ar okoe hõ jemon aloko gokʼ bhạriại ente Probhu Isorakʼ sinduk gokʼ idi ar jaejug hạbicʼ uniyakʼ sewae lạgitʼ Probhu Isor do onkogeye bachao akawana.”

1 Bõsbudạ 6:33

Niạ sewa kạmire okoe hoṛko ar onkoren okoeko bõskoko bahal ocolen onko doko hoyokʼkana: Kohatrenko modre do gaenaha Hemone tahẽkana. Hemon do Joelren hopone tahẽkana, ar Joel do Samuelren hopon,

Esra 2:43

Koejoṅ oṛakʼren sapʼsosorko doko hoyokʼkana: Sipha, Hasupha ar Tabotren hoponko;

Esra 6:18

Moseyakʼ puthire cetʼleka olakan onkage Jerusalemre Isorakʼ sewa kạmi lạgitʼ naekeko ar liwiko do judạ judạ dolreko bahal ocoyena.

Numeri 16:9

Ape lạgitʼ do cetʼ onage baṅ ḍhera je, Israelkoren Isor do somajren eṭakʼ hoṛko khon acʼ ṭhene begar ạguakatʼpea jemon Probhu Isorakʼ sekʼwa tạmburepe kạmi ar somajren hoṛko sapʼsorako lạgitʼ onko samaṅrepe teṅgo daṛeakʼ?

Numeri 18:2

Amren hapṛamkoren khũṭko khon eṭakʼ sanam Liwikom ạgukoa, jemon onko do am sãote goha tạmbu samaṅre sapʼdapʼ kạmire am ar amren hoponko goṛo daṛeape.

Numeri 3:8

Onko do ńapamokʼ tạmbu reakʼ asbab reakʼko ńel juta ar sekʼwa tạmbure Israelkoakʼ dạyik leka sapʼdapʼ reakʼko kạmi ma.

Numeri 8:14

Nonkate Israelko khon Liwikom begarkoa, ar onate onko do ińrenko hoyokʼa.

Numeri 8:16

Sanam Israelko tala khon nokoge purạte ińrenko hoyokʼa, ar okoeren hõko baṅkana. Mimitʼ Israel maejiukoren pạhil koṛa hoponko bodolte iń do Liwikogeń hatao akawana.

Numeri 8:18

Pạhilreko janam akan onko sanam Israel hoponko bodolte ńitokʼ iń do Liwikoń ataṅ akatʼkoa.

Numeri 8:19

Israelko talare noko do Aron ar uniren hoponkoń dan akawatʼkoa, jemon onko do Israelko secʼ khon ńapamokʼ tạmbure onkoakʼ kại ńutumte puruchun reakʼko kạmi. Ar jemon Israelko sonot ṭhạ̃i ṭhenko senlenre hõ jãhãn muskil alo hoyokʼtako.”

Ephesiko lạgitʼ Pạul Apostolakʼ ciṭhi 4:11

Unige adom do apostolko, adom do nạbiko, adom do bhage sombat porcarko ar adom do sapʼdapʼko ar cecetʼko menkateye bahalketʼkoa.

Ephesiko lạgitʼ Pạul Apostolakʼ ciṭhi 4:8

Onatege sonot sostorreye meneda, Uni do sermateye rakapʼenre, lạṛhại kạidikoe kạidi idiketʼkoa, ar manwako aema dane ematʼkoa.