Numeri 3:41 - সান্তালী বাইবেল

⁴¹ Israelkoren sanam pạhil herel hoponko bodolte Liwiko ar Israelkoren mĩhũ-merom hoponko bodolte Liwikoren pạhil mĩhũ-merom hoponko do ińren menteko lekhakʼa. Ar iń kangeạń Probhu Isor do.”

Numeri 3:41 Iomraidhean Croise

Numeri 18:15

Probhu Isor ṭhenko samaṅokʼ mimitʼ pạhil koṛa hoponko do amrenko hoyokʼa. Baṅ doe manwakan ar baṅ doe janwarkan. Manwaren pạhil koṛa hoponko do khạṭigem chaḍaokoa ar besapha janwarren pạhil ạnḍiạ hoponko hõm chaḍaokoa.

Numeri 3:12

“Israelkoren pạhil koṛa hopon bodolte iń do Israelko tala khon Liwikogeń bachao akawana. Liwiko do ińren kanako,

Numeri 3:13

ente Israelkoren sanam pạhil koṛa hopon doko ińren kana. Misor disạmre pạhil koṛa hopon gocʼko jokhecʼ Israelko talare mitʼke mitʼ pạhil koṛa hopon do iń lạgitʼgeń begar dohoakatʼkoa- ar ona do manwakoge cetʼ ar janwarkoge baṅ cetʼ. Onko do ińren kanako; ar iń doń Probhu Isor kana.”

Numeri 3:42

Probhu Isorakʼ hukum leka Mose do Israelko talare pạhil janam akan nonkan sanam herel hoponkoe lekhaketʼkoa.

Numeri 3:45

“Am do Israelkoren sanam pạhil herel hoponko bodolte Liwiko ar Israelkoren pạhil mĩhũ-merom hopon bodolte Liwikoren pạhil mĩhũ-merom hopon mente lekhako hoyokʼa. Liwiko do ińren kanako; ar iń kangeạń Probhu Isor do.

Numeri 8:16

Sanam Israelko tala khon nokoge purạte ińrenko hoyokʼa, ar okoeren hõko baṅkana. Mimitʼ Israel maejiukoren pạhil koṛa hoponko bodolte iń do Liwikogeń hatao akawana.

Mathae 20:28

Manwa Hopon do sapʼsor ocokʼ do bae hecʼakana, bickom sapʼsosor lạgitʼge, ar ạḍi utạr hoṛko bodolte chaḍaokʼ reakʼ dam menkate acʼakʼ jiwi emokʼgeye hecʼakana.”

1Timothi 2:6

Uni do sanam manwako chaḍaoko reakʼ dam lekate acʼakʼ jiwigeye emena. Isore ṭhik dohoakatʼ oktere ona reaṅ goha do em akana,