Numeri 29:17 - সান্তালী বাইবেল

¹⁷ “Porob reakʼ dosar hilokʼ do barea ḍaṅgra, barea bheḍa ar gelpon goṭen mitʼ bochor umerren bheḍa hopon samaṅko hoyokʼa. Noko do niphuṭ utạr hoyokʼ jạruṛtakoa.

Numeri 29:17 Iomraidhean Croise

Sereńko 40:6

Am do janwar dãṛẽ hõ bam khojkana, ar jeredokʼ samaṅokʼakʼ ar kại ńutumte dãṛẽ hõ bam khojkana; menkhan amakʼ katha ańjom lạgitʼ luturem emakawạdińa.

Sereńko 69:31

Daṅgra ar dereń ar khurạ seletʼ damkom dãṛẽ khon Probhu Isorge bạ̃ṛtiń kusi ocoyea.

Exodus 12:5

Uni hopon do merom boda se bhiḍi pal khon bachao akade mitʼ bochorren mitʼṭen bheḍa hoponge. Uniyakʼ hoṛmore jãhãn khũt alo baṛe tahentae ma.

Jesaea 1:11

Probhu Isore meneda, “Aperen jãhãn teṅgenokʼko do baṅ jạruṛạńạ. Bheḍa ar lodgopʼ posao janwarkoakʼ itil reakʼ jeredokʼ samaṅokʼakʼ iń do bạń hạ̃sakʼ kana; ḍaṅgra, bheḍa ar meromakʼ mãyãm hõ bạń kusiyakʼ kana.

Hosea 6:6

Iń do pạtiạrgeń khojkana dãṛẽ do baṅ; jeredokʼ samaṅokʼakʼ khon Isorge jemon mońjteko baḍaeye onageń khojkana.

Levitikus 23:36

Ar inạ eae din reakʼ dinạm hilokʼ Probhu Isor ńutumte seṅgelteakʼ samaṅokʼakʼ samaṅ hoyokʼtapea. Ona tayom irạlakʼ din do sonot jarwakʼpe hoeocoya ar Probhu Isor ńutumte seṅgelteakʼ samaṅokʼakʼpe samaṅa. Noa mucạtʼ din do porob reakʼ maraṅ jarwakʼ hoyokʼtapea; enhilokʼ do cetʼge alope kạmiya.

Numeri 29:13

Probhu Isore kusiyakʼ jut so lekate seṅgelteakʼ mitʼṭecʼ samaṅokʼakʼpe samaṅa. Ona lạgitʼ gelpe goṭen ḍaṅgra, barea bheḍa ar gelpon goṭen mitʼ bochor umerren bheḍa hoponkote mitʼṭecʼ jeredokʼ samaṅokʼakʼpe samaṅa. Ar noko joto do niphuṭ utạrkoko hoyokʼma.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Ibriko 8:13

Isor do noa bondobos nãwãteye lại sodorketʼte lahateakʼ bondobos do mareakʼ menteye okoḍa ocokeda. Ar okaṭakʼ marege ar sedae reakʼ kana mente nosṭo cabakʼkan ona do usạrage danaṅokʼa.