Numeri 28:6 - সান্তালী বাইবেল

⁶ Noa do jao hilokʼ reakʼ jeredokʼ samaṅokʼakʼ kana one okaṭakʼ do sinại burure bandhaolen. Noa do seṅgelteakʼ mitʼṭen samaṅokʼakʼ kana one ona reakʼ jut so do Probhu Isore kusiyakʼkan.

Numeri 28:6 Iomraidhean Croise

2 Bõsbudạ 2:4

Ńitokʼ iń do ińren Probhu Isor lạgitʼ mitʼṭecʼ oṛakʼ benao lạgitʼ ar uni ńutumte ona samaṅ lạgitʼ iń sapṛao akana, jemon uni samaṅre jut so mosolako jeredokʼ, ar jaoge samaṅokʼakʼ reakʼ piṭhạ hõ jemon sajao akae tahen ar dinạm hilokʼ setakʼ ar ạyupʼ jokhecʼ, jirạukʼ mãhã hilokʼre, ambas ńutre ar aboren Probhu Isor niṭakatʼ judạ judạ porobre jeredokʼ samaṅokʼ reakʼ porobiń porob daṛeakʼ. Ar niạko palon do Israelko lạgitʼ mitʼṭecʼ jaejug reakʼ niạm kana.

2 Bõsbudạ 31:3

Ar Probhu Isorakʼ ạn-ạrire cetʼ leka olakan onkage setakʼ ar ạyupʼ reakʼ jeredokʼ samaṅokʼakʼ lạgitʼ ar jirạukʼ mãhã, ambas ńut ar niṭakatʼ porob oktere jeredokʼ samaṅokʼakʼ lạgitʼ raj do acʼakʼ sompotti khone dankeda.

Esra 3:4

Ona tayom onko do sostor reakʼ katha leka Chạuni porobko porobena ar niạm lekate dinạm hilokʼ reakʼ niṭakatʼ lekha leka jeredokʼ samaṅokʼakʼko samaṅetʼ tahẽkana.

Sereńko 50:8

Janwar dãṛẽ iạte do bạń dusiyetʼmea; amakʼ jeredokʼ samaṅokʼakʼ ma coṅ jaoge iń samaṅre menakʼtam.

Exodus 24:18

Ar Mose do rakapʼ rakapʼte ona rimil bhitriteye boloyena. Uni do pongel siń ar pongel ńindạ ona bururegeye tahẽyena.

Exodus 31:18

Sinại buru cetanre Mose ṭhen niạko kathae roṛ mucạtʼketʼ khan Probhu Isor do goha reakʼ barea dhiri cạktiye emadea. Isor do noakin dhiri cạktire acʼakʼ kạṭupʼte hukume olleda.

Jeheskel 46:14

Ona chaḍa niạ sãote din hilokʼ setakʼre apeakʼ anaj samaṅokʼakʼ jinis hõ emokʼ hoyokʼtapea; onare tahena pe keji holoṅ ar onare sipiy lạgitʼ mitʼ liṭar barsae mõṛẽgel gram sunum. Noa do Probhu Isor ńutumte anaj samaṅokʼakʼ reakʼ porob reakʼ mitʼṭecʼ niạm kana.

Jeheskel 46:15

Nonkage jao hilokʼ jeredokʼ samaṅokʼakʼ lạgitʼ setakʼre bheḍa hopon ar anaj samaṅokʼakʼ lạgitʼ holoṅ ar sunum hõ emokʼ hoyokʼa.

Levitikus 27:34

Probhu Isor do sinại burure Mose hotete noako hukumge Israelko lạgitʼe emlena.

Levitikus 6:9

“Aron ar uniren hoponkom baḍae ocokoa, jeredokʼ samaṅokʼakʼ reakʼ niạm do nonka leka hoyokʼa. Ona samaṅokʼakʼ jinis do goṭa ńindạ ar setakʼ hạbicʼ pinḍ reakʼ seṅgel cetanre tahena, ar pinḍ reakʼ seṅgel do jol akaege dohokakʼ hoyokʼa.

Amos 5:25

“E Israelren hoṛko, pongel bochor hahaṅkarrepe tahẽkanre ape do cetʼ iń ńutumte jãhãn janwar se eṭakʼ jiniskope samaṅ ạdiń tahẽkana?

Numeri 28:5

Ona sãote jomakʼ samaṅokʼakʼ lạgitʼ mitʼ keji irạl sae gram holoṅ hõ ạgui hoyokʼtapea. Noa holoṅ sãote mitʼ liṭar jạitun reakʼ koṭecʼ oḍok sunum hõ lagaokʼa.

Numeri 28:7

Mimitʼ bheḍa sãote ạguakʼ mitʼ liṭar bubulakʼte coḍor samaṅokʼakʼ do samaṅ hoyokʼa. Sonot tạmbu reakʼ racare Probhu Isor ńutumte noa coḍor samaṅakʼ samaṅ hoyokʼa.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.