Numeri 28:5 - সান্তালী বাইবেল

⁵ Ona sãote jomakʼ samaṅokʼakʼ lạgitʼ mitʼ keji irạl sae gram holoṅ hõ ạgui hoyokʼtapea. Noa holoṅ sãote mitʼ liṭar jạitun reakʼ koṭecʼ oḍok sunum hõ lagaokʼa.

Numeri 28:5 Iomraidhean Croise

Exodus 16:36

Mitʼ Omor soṅakʼ do hoyokʼ kana mitʼ keji irạlsae gram.

Jeheskel 46:14

Ona chaḍa niạ sãote din hilokʼ setakʼre apeakʼ anaj samaṅokʼakʼ jinis hõ emokʼ hoyokʼtapea; onare tahena pe keji holoṅ ar onare sipiy lạgitʼ mitʼ liṭar barsae mõṛẽgel gram sunum. Noa do Probhu Isor ńutumte anaj samaṅokʼakʼ reakʼ porob reakʼ mitʼṭecʼ niạm kana.

Levitikus 2:1

“Jãhãege Probhu Isor ńutumte jomakʼ samaṅokʼakʼe samaṅ khan uni do mĩhĩ holoṅteye onkaema. Uni do ona cetanre sunum dulkate onare kundurui dohoya ar Aronren hoponko ṭhen, metakʼme naekeko ṭhene idiya. Ar naeke do ona sunum sudhạ mitʼ cuputʼ holoṅe locaea ar kunduru do jotogeye hataoa ar jotowakʼ samaṅ baṅkate eken niạkoge pinḍ cetanreye jereda. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Numeri 28:4

Unkin modren mitʼṭen bheḍa hopon do setakʼ jokhecʼpe samaṅea ar eṭagicʼ do cando hạsur tayom.

Numeri 28:6

Noa do jao hilokʼ reakʼ jeredokʼ samaṅokʼakʼ kana one okaṭakʼ do sinại burure bandhaolen. Noa do seṅgelteakʼ mitʼṭen samaṅokʼakʼ kana one ona reakʼ jut so do Probhu Isore kusiyakʼkan.

Numeri 7:13

Uniyakʼ sandes do jomakʼ samaṅokʼakʼ lạgitʼ sunumte sipiyakʼ holoṅ ar mitʼ keji pesae gram ojon reakʼ mitʼṭecʼ rupạ thạri ar eae sae gram ojon rupạ reakʼ mitʼṭecʼ bạṭi;