Numeri 28:3 - সান্তালী বাইবেল

³ Uni do noako hukumako lạgitʼ hõe metadea, “Seṅgelteakʼ samaṅokʼakʼ lạgitʼ Probhu Isor samaṅre din hilokʼ reakʼ jeredokʼ samaṅokʼakʼ lạgitʼ aperen mitʼ bochor umerren barea niphuṭ utạr bheḍa hopon ạgukin hoyokʼtapea.

Numeri 28:3 Iomraidhean Croise

1 Bõsbudạ 16:40

Niạ reakʼ monsubạ do tahẽkana okaṭakʼ ạn-ạri Probhu Isor do Israelkoe em akawatʼko ar oka ol tahẽkan ona lekage jemon Probhu Isor ńutumte jeredokʼakʼ samaṅokʼakʼko samaṅ daṛeakʼ.

2 Bõsbudạ 8:13

Moseyakʼ hukum leka jirạukʼ mãhãre, ambasre ar bochorre pea porob, metakʼme bin khạmiyanakʼ piṭhạ porobre, eae hapta reakʼ porobre, ar ḍera porobre- onako din reakʼ niạm lekate samaṅokʼakʼ porobko porobokʼ kan tahẽkana.

Esra 3:5

Ona tayom khon onko do dinạm hilokʼ reakʼ jeredokʼ samaṅokʼakʼ, ambas ńindạ reakʼ jeredokʼ samaṅokʼakʼ, Probhu Isor ńutumte niṭakatʼ porob reakʼ jeredokʼ samaṅokʼakʼ ar apnarakʼ kusite ạguakʼ jeredokʼ samaṅokʼakʼ samaṅko ehopʼena.

Daniel 11:31

Uni ṭhen khon kol ocoakan lạṛhại phạdko doko hijukʼa ar sonot ṭhạ̃i, ar aotan gaṛko bhonḍa ar din hilokʼ reakʼ samaṅokʼakʼko caba ocoya. Ona tayom onko do jarkharakʼ ujạṛakʼgeko bạisại oṭokakʼa.

Daniel 12:11

Ar din hilokʼ reakʼ samaṅokʼakʼ do enhilokʼ khon bond ocokʼa ar ujạṛ utạrakʼ jinisko bạisạu dohokʼa ar enhilokʼ khon mitʼ hajar barsae aregel din do purạukʼa.

Daniel 8:11

Ar acʼtetʼ do onko ipilren mạlik soman kanae menteye udukʼena. Uni ńutumte din hilokʼ reakʼ samaṅokʼakʼ porob uni doe bondkeda ar koejoṅ oṛakʼ hõe besonotkeda.

Daniel 8:13

Ona tayom mitʼṭen serma goḍet do katha roroṛkaniń ańjomkedea ar armitʼṭen sonot serma goḍet do uniye kulikedea, “Niạ dorsonre oka udukʼen ona do ar tinạkʼ din hạbicʼ calakʼa? Ar tin hạbicʼ din hilokʼ reakʼ samaṅokʼakʼ porob bodolte ujạṛakʼ kại reakʼ jinis do tahena? Ar tinạkʼ din koejoṅ oṛakʼ ar ipilko do jaṅgateko lebetʼ gańjao ocokʼa?”

Levitikus 3:5

Onako do pinḍ reakʼ jolokʼkan sahan cetanre one okare jeredokʼ samaṅokʼakʼ jolokʼkan ona cetanre Aronren hoponko do onako jeretʼ cabaya. Noa do seṅgelteakʼ mitʼṭen samaṅokʼakʼ kana, one ona reakʼ jut so Probhu Isor doe kusiyakʼkan.

Levitikus 6:9

“Aron ar uniren hoponkom baḍae ocokoa, jeredokʼ samaṅokʼakʼ reakʼ niạm do nonka leka hoyokʼa. Ona samaṅokʼakʼ jinis do goṭa ńindạ ar setakʼ hạbicʼ pinḍ reakʼ seṅgel cetanre tahena, ar pinḍ reakʼ seṅgel do jol akaege dohokakʼ hoyokʼa.

Amos 4:4

“Ape do Betheltepe calakʼa arpe ghạṭa; Gilgalte senkate arhõ bạ̃ṛtipe ghạṭa. Din hilokʼ setakʼ reakʼ samaṅokʼakʼ jinisko ar pepe din hilokʼre apeakʼ gel hạṭiń reakʼ mitʼ hạṭiń jiniskope idiyetʼkana.

Numeri 28:10

Ar din hilokʼ jeredokʼ samaṅokʼakʼ ar ona sãoteakʼ coḍor samaṅokʼakʼ chaḍa mimitʼ jirạukʼ mãhãre niạ jeredokʼ samaṅokʼakʼge samaṅ hoyokʼa.

Numeri 28:15

Jaoge jeredokʼ samaṅokʼakʼ ar ona sãoteakʼ coḍorokʼ samaṅokʼakʼ chaḍa mitʼṭen merom boda hõ kại ńutumte samaṅe hoyokʼa.

Numeri 28:23

Setakʼ jokhecʼ jaoge jeredokʼ samaṅokʼ chaḍa noako samaṅokʼakʼ hõ samaṅ hoyokʼa.

Numeri 28:24

Nonkage eae din hạbicʼ din hilokʼge Probhu Isor kusi ocoye reakʼ jut so lekate noako jomakʼte seṅgelteakʼ samaṅokʼakʼ mente samaṅ hoyokʼa. Ar jaoge okaṭakʼ jeredokʼ samaṅokʼakʼ ar ona sãoteakʼ coḍorokʼ samaṅokʼakʼ menakʼ ona hõ samaṅ hoyokʼa.

Numeri 28:31

Noako samaṅokʼakʼ ar ona sãoteakʼ coḍor samaṅokʼakʼ sãote jaoge jeredokʼ samaṅokʼakʼ ar ona sãoteakʼ jomakʼ samaṅokʼakʼ hõ samaṅ hoyokʼtapea. Ar onko joto janwarge jemon niphuṭ utạrko tahen.

Numeri 28:4

Unkin modren mitʼṭen bheḍa hopon do setakʼ jokhecʼpe samaṅea ar eṭagicʼ do cando hạsur tayom.

Numeri 29:11

Kại reakʼ puruchun lạgitʼ kại ńutumte samaṅokʼakʼ ar jaoge jeredokʼ samaṅokʼakʼ sãote jomakʼ samaṅokʼakʼ ar noako sãoteakʼ coḍor samaṅokʼakʼ chaḍa arhõ mitʼṭen kại ńutumte samaṅokʼakʼ lạgitʼ mitʼṭen merom boda hõ samaṅe hoyokʼa.

Numeri 29:16

Jaoge jeredokʼ samaṅokʼ ar ona sãoteakʼ jomakʼ samaṅokʼakʼ ar coḍor samaṅokʼakʼ chaḍa kại ńutumte samaṅe lạgitʼ mitʼṭen merom boda hõ samaṅe hoyokʼa.

Numeri 29:6

Mimitʼ cando ar mimitʼ dinre niṭ akatʼ jeredokʼ samaṅokʼakʼ, ona sãote jomakʼ samaṅokʼakʼ ar coḍor samaṅokʼakʼ chaḍa noa samaṅokʼakʼko hõ samaṅ hoyokʼa. Noako do Probhu Isor ńutumte seṅgelteakʼ samaṅokʼakʼ kana one ona reakʼ jut so do Probhu Isore kusiyakʼkan.

Johan 1:29

Dosar hilokʼ Johan do Jisu acʼ ṭhen hijukʼkane ńelkede khane menkeda, “Hạni ńelepe Isorren Bheḍa Hopon, one uni manwakoakʼ sanam kạiye gokʼ idiyetʼkan.

Ibriko 9:6

Nonkate jotowakʼ benao sạtkate naekeko do jaoge tạmbu reakʼ pạhilakʼ jaegare bolokate Isorakʼko dewa sewayetʼkan tahẽkana.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.