Numeri 28:26 - সান্তালী বাইবেল

²⁶ “Eae hapta reakʼ porob dinre, metakʼme pạhilre rakabokʼ phosol samaṅokʼ hilokʼ tinre Probhu Isor ńutumte nãwã phosolpe samaṅa enhilokʼ do mitʼṭecʼ sonot ńapamokʼ sabhape hoeocoya ar enhilokʼ do jãhãnakʼ cetʼge alope kạmiya.

Numeri 28:26 Iomraidhean Croise

Exodus 12:16

Pạhil ar eae mãhã hilokʼ do mitʼṭecʼ sonot jarwakʼpe hoeocoya. Niạ bar din do apnarakʼ jomakʼko benao chaḍa jãhãnakʼ cetʼge alope kạmiya.

Exodus 23:16

Khetre okape ir ona reakʼ pạhil phosoltepe porobokʼa. Ar cas abadkate mucạtʼre okaṭakʼ phosol do khet khon golatepe ader onate samṭao porobpe porobokʼa.

Exodus 34:22

Guhum samṭao jokhecʼ pạhil getʼakʼ guhumte eae hapta reakʼpe porobokʼa ar cas abad reakʼ mucạtʼ cando do phosol samṭao porobpe porobokʼa.

Levitikus 23:8

Inạ eae din reakʼ dinạm hilokʼge Probhu Isor ńutumte seṅgelre samaṅokʼakʼpe samaṅa. Ar eae mãhã hilokʼ do sonot jarwakʼpe hoeocoya ar enhilokʼ do jãhãnakʼ cetʼge alope kạmiya.

Numeri 28:18

Pạhil hilokʼ do mitʼṭecʼ sonot jarwakʼpe hoeocoya ar enhilokʼ do jãhãnakʼ cetʼge alope kạmiya.

Numeri 28:27

Enhilokʼ ape do Probhu Isor kusi ocoye lạgitʼ jut so lekate aperen barea ḍaṅgra, mitʼṭen bheḍa ar eae goṭen mitʼ bochor umerren bheḍa hoponkote mitʼṭecʼ jeredokʼ samaṅokʼakʼ reakʼ porobpe hoeocoya.

Numeri 29:1

“Eae cando reakʼ pạhil tạrikre ape do mitʼṭecʼ sonot ńapamokʼ sabhape hoeocoya. Ar enhilokʼ do jãhãn khaṭaoteakʼ kạmi do alope kạmiya. Enhilokʼ do sakwa okʼroṅ din porob hoyokʼa.

1 Korinthiko 15:20

Menkhan Mạsi do sạriyakʼge gocʼko khone jiwetʼ beretʼ ocoakana; ar gocʼko modren unikangeae pạhilicʼ jo do.

Jakob 1:18

Acʼakʼ nij sanate sạriyakʼ katha hotete uni do acʼren gidrạkoe hoyocoketʼ bona, jemon uniyakʼ sirjonre pạhil utạrakʼ jo bon hoydaṛeakʼ.