Numeri 28:14 - সান্তালী বাইবেল

¹⁴ Coḍor samaṅokʼakʼ lạgitʼ mimitʼ ḍaṅgra sãote mitʼ liṭer pe poa darkha rasa emokʼ hoyokʼa; bheḍa sãote do mitʼ liṭar mitʼ poa ar mimitʼ bheḍa hoponko sãote mitʼ liṭer sunum emokʼ hoyokʼa. Noa do cando reakʼ jeredokʼ samaṅokʼakʼ kana. Noa do cando pichạ goṭa bochorge korao hoyokʼa.

Numeri 28:14 Iomraidhean Croise

Esra 3:5

Ona tayom khon onko do dinạm hilokʼ reakʼ jeredokʼ samaṅokʼakʼ, ambas ńindạ reakʼ jeredokʼ samaṅokʼakʼ, Probhu Isor ńutumte niṭakatʼ porob reakʼ jeredokʼ samaṅokʼakʼ ar apnarakʼ kusite ạguakʼ jeredokʼ samaṅokʼakʼ samaṅko ehopʼena.

Jesaea 1:13

Ạuṛiyakʼ samaṅokʼakʼ jinis do ar alope ạguiya. Iń do apeakʼ dhup jeredokʼakʼ doń hirkhạwakʼ kana. Molokʼ cando, jirạukʼ mãhã, dhorom sabha ar porobko reakʼ bedhoromakʼ kheloḍko iń do ar bạń sahao daṛeakʼ kana.

Jirimiạ 48:35

Iń Probhu Isorge noa katha doń meneda, Moabre okoe do than boṭkocʼkore samaṅokʼakʼko samaṅetʼ tahẽkan ar onkoren debotako ńutumte dhupko jeretʼetʼ tahẽkan onko doń marao utạrkoa.

Jeheskel 46:4

Jirạukʼmãhã hilokʼ disạm cakʼlaoyicʼ do Probhu Isor ńutumte jeredokʼ samaṅokʼakʼ lạgitʼ turui goṭen bheḍa hopon ar mitʼṭen bheḍa ạguiye hoyokʼtaea; onko do jemon niphuṭ utạrko hoyokʼ.

Joel 1:13

E naekeko, ape do gõṛẽ kicricʼ horokʼkate homor halaṅpe; ar okoeko pinḍre sewa reakʼpe kạmikan ape do rakʼ homorpe. Okoe ińren Isorpe sewawae kan ape hõ hijukʼte gõṛẽ kicricʼ horokʼkate ńindạ tahẽ aṅgakʼpe, ente aperen Isorakʼ oṛakʼre jomakʼ samaṅokʼ ar coḍor samaṅokʼakʼ porob do akoṭakana.

Numeri 15:9

enḍekhan ona sãote jomakʼ samaṅokʼakʼ lạgitʼ sunum mesalakatʼ holoṅ hõ ạgui hoyokʼtapea. Ona holoṅ do mõṛẽ keji ponsae gram ar sunum do mitʼ liṭer pe poa lagaokʼa.

Numeri 28:15

Jaoge jeredokʼ samaṅokʼakʼ ar ona sãoteakʼ coḍorokʼ samaṅokʼakʼ chaḍa mitʼṭen merom boda hõ kại ńutumte samaṅe hoyokʼa.

Numeri 28:7

Mimitʼ bheḍa sãote ạguakʼ mitʼ liṭar bubulakʼte coḍor samaṅokʼakʼ do samaṅ hoyokʼa. Sonot tạmbu reakʼ racare Probhu Isor ńutumte noa coḍor samaṅakʼ samaṅ hoyokʼa.

Numeri 29:18

Noko ḍaṅgra, bheḍa ar bheḍa hoponko lekhare tinạkʼko hoyokʼ unạkʼge onko sãoteakʼ jomakʼ samaṅokʼakʼ ar coḍor samaṅokʼakʼ lekha hõ hoyokʼ jạruṛa; ar ona do lahateakʼ niạm lekage.