Numeri 28:11 - সান্তালী বাইবেল

¹¹ “Mimitʼ cando reakʼ pạhil dinre Probhu Isor ńutumte jeredokʼ samaṅokʼakʼ lạgitʼ barea ḍaṅgra, mitʼṭen bheḍa ar mitʼṭen mitʼ bochorren eae goṭen bheḍa hopon samaṅko hoyokʼa. Ar onko jotoge jemon niphuṭ utạrko hoyokʼ.

Numeri 28:11 Iomraidhean Croise

2 Rapajko 4:23

Uniren jãwãetetʼe menkeda, “Uni ṭhen teheń do cedakʼem calakʼa? Teheń do ambas ńindạ hõ baṅkana, ar jirạukʼ mãhã hõ baṅkana.” Uni doe menkeda, “Onate do baṅ cekakʼa.”

2 Bõsbudạ 2:3

Solomon do Turren raj Hirạm noa khobore koladea, “Ińren ạpuń Dạudakʼ mitʼṭecʼ raj oṛakʼ benao lạgitʼ cetʼleka debdạru kaṭkom kolletʼ tahẽkan onkage iń hõ debdạru kaṭko kolạńme.

2 Bõsbudạ 2:4

Ńitokʼ iń do ińren Probhu Isor lạgitʼ mitʼṭecʼ oṛakʼ benao lạgitʼ ar uni ńutumte ona samaṅ lạgitʼ iń sapṛao akana, jemon uni samaṅre jut so mosolako jeredokʼ, ar jaoge samaṅokʼakʼ reakʼ piṭhạ hõ jemon sajao akae tahen ar dinạm hilokʼ setakʼ ar ạyupʼ jokhecʼ, jirạukʼ mãhã hilokʼre, ambas ńutre ar aboren Probhu Isor niṭakatʼ judạ judạ porobre jeredokʼ samaṅokʼ reakʼ porobiń porob daṛeakʼ. Ar niạko palon do Israelko lạgitʼ mitʼṭecʼ jaejug reakʼ niạm kana.

2 Bõsbudạ 8:13

Moseyakʼ hukum leka jirạukʼ mãhãre, ambasre ar bochorre pea porob, metakʼme bin khạmiyanakʼ piṭhạ porobre, eae hapta reakʼ porobre, ar ḍera porobre- onako din reakʼ niạm lekate samaṅokʼakʼ porobko porobokʼ kan tahẽkana.

Esra 3:5

Ona tayom khon onko do dinạm hilokʼ reakʼ jeredokʼ samaṅokʼakʼ, ambas ńindạ reakʼ jeredokʼ samaṅokʼakʼ, Probhu Isor ńutumte niṭakatʼ porob reakʼ jeredokʼ samaṅokʼakʼ ar apnarakʼ kusite ạguakʼ jeredokʼ samaṅokʼakʼ samaṅko ehopʼena.

Nehemiạ 10:33

Niạko sekelte jemon ṭebil cetanre samaṅakʼ piṭhạ ńamokʼ ar jaoge jomakʼ ar jeredokʼ samaṅokʼakʼ porob, jirạukʼ mãhãre samaṅokʼakʼ porob, ambas ar eṭakʼ niṭ akatʼ din reakʼ porobko, sonot jinis samaṅokʼakʼ porob ar Israelkoakʼ kại ńutumte samaṅokʼakʼ porob ar Isorakʼ oṛakʼ reakʼ sanam kạmiko jemon hoyokʼ.

Sereńko 40:6

Am do janwar dãṛẽ hõ bam khojkana, ar jeredokʼ samaṅokʼakʼ ar kại ńutumte dãṛẽ hõ bam khojkana; menkhan amakʼ katha ańjom lạgitʼ luturem emakawạdińa.

Sereńko 40:8

E ińren Isor, amakʼ sana leka calakʼge ińakʼ rạskạ do; ar amakʼ sanam hukumko do ińakʼ ontorre menakʼa.”

Sereńko 81:3

Aboakʼ porob din reakʼ ambasre ar kunạmire sakwa oroṅpe;

Sereńko 81:4

ente ona kangea Israelkoakʼ niạm, Jakobren Isorakʼ ạn do.

Jesaea 66:23

Molokʼ cando ar jirạukʼmãhã piche sanam hoṛ do iń samaṅre hecʼkateko dewa sewaea.

Jeheskel 46:1

“ ‘Iń Probhu Isorgeń menetʼkana, bhitri raca reakʼ purub duạr do kạmi reakʼ turui dinge siń tahena, menkhan jirạukʼmãhãre ar molokʼ candore ona do jhijokʼa.

Jeheskel 46:6

Molokʼ cando hilokʼ uni do mitʼṭen ḍaṅgra ar turui goṭen bheḍa hopon ar mitʼṭen bheḍa samaṅko hoyokʼtaea; onko do niphuṭ utạrko hoyokʼ jạruṛa.

Jeheskel 46:7

Ar ḍaṅgra sãote uni do gel irạl keji holoṅ ar bheḍa sãote gel irạl keji holoṅ ar bheḍa hoponko sãote do kusiyakʼ bhor holoṅ anaj samaṅokʼakʼ lekate emokʼ hoyokʼtaea; mimitʼ gel irạl keji holoṅ lạgitʼ pe liṭar eae sae mõṛẽgel gram sunum emokʼ hoyokʼa.

Hosea 2:11

Iń do uniyakʼ joto rạskạ reakʼ porob, molokʼ candoko, jirạukʼ mãhãko metakʼme uniyakʼ niṭ akatʼakʼ sanam porobkoń caba utạrtaea.

Levitikus 1:13

Ar samaṅetʼkạnicʼ do jaṅgako ar lacʼ bhitri reakʼ hĩsko dakʼteye ạrupʼ saphaea ar naeke do onako sudhạ goṭa ḍaṅgrage pinḍ cetanreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana one ona reakʼ jut so Probhu Isor doe kusiyakʼkan.

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Levitikus 1:9

Ar samaṅedeyicʼ do uniyakʼ jaṅga ar lacʼ bhitri reakʼ sanam hạṭińko dakʼteye ạrupʼ saphaea ar naeke do onako sudhạ goṭa ḍaṅgrage pinḍreye jeretʼ cabayea. Noa do seṅgelteakʼ mitʼṭecʼ jeredokʼ samaṅokʼakʼ kana, one ona reakʼ jut so Probhu Isor doe kusiyakʼkan.

Amos 3:5

Jhampare jãhãn laoṭa bae tahelen khan cẽṛẽ do cetʼ jhampa ṭhene hijukʼgea? Jãhãnicʼ bae siṭạpʼlen khan siṭạpʼ do cetʼ phetʼ rakabokʼgea?

Amos 8:5

Ape dope menetʼkana, “Molokʼ cando do tis baṅ cabakʼ jemon jomakʼle ạkhriń daṛeakʼ? Sabath din baṅ tis paromokʼ jemon bajarre senkate guhumle ạkhriń daṛeakʼ? Ale do sosoṅakʼ baṭkharale komaotalea, ar damle ḍhera, ar ṭhoka reakʼ tulạkole beohara,

Numeri 10:10

Apeakʼ rạskạ ar porob oktere, ape lạgitʼ niṭ akan eṭakʼ eṭakʼ porobkore ar cando reakʼ jeredokʼ samaṅokʼakʼ ar sulukren samaṅokʼakʼpe samaṅre pepṛẽtʼpe oroṅa. Onate ape do Isor samaṅrepe hạjir ocokʼa. Ar iń kangeạń aperen Probhu Isor do.”

Numeri 28:19

Enhilokʼ do Probhu Isor ńutumte seṅgelteakʼ samaṅokʼakʼ menkate barea ḍaṅgra, mitʼṭen bheḍa ar eae goṭen mitʼ bochor umerren bheḍa hoponkote jeredokʼ samaṅokʼakʼpe samaṅa. Ar onko do jemon jotoge niphuṭ utạrko hoyokʼ.

Galathiko lạgitʼ Pạul Apostolakʼ ciṭhi 4:10

Ape do dinko, candoko, ar bochorkope manaoetʼkana.

Kolossiko lạgitʼ Pạul Apostolakʼ ciṭhi 2:16

Onate jom-ńũ se jãhãn dhorom porob babot reakʼ se ambas reakʼ se jirạukʼ mãhãko reakʼ okoe hõ aloko bicạrpe ma.

Kolossiko lạgitʼ Pạul Apostolakʼ ciṭhi 2:6

Ape cetʼleka Jisu Mạsi do Probhu Isor mentepe ataṅakade onkage uni tulucʼ mitʼ tahente jion khemaope.

1 Samuel 20:5

Dạude menkeda, “Ńelben, gapa do molokʼ cando kana. Ar raj sãote ạlińakʼ do jojom duṛupʼ reakʼ katha menakʼtạlińa. Menkhan aben do sen ocoạliń ben. Ạliń do meyaṅ ạyupʼ hạbicʼ ṭạnḍire oko akanliń tahena.

1 Samuel 9:12

Onkoko roṛ ruạṛatʼkinạ, “Hẽ, menaegea; aben do thoṛa laha ńokʼ calakʼben ar usạrae ben. Uni do teheńge aleakʼ nagrahareye hecʼakana, ar boṭkocʼ coṭre hoṛko do teheń janwar samaṅokʼakʼko hoeocoya.