Numeri 28:1 - সান্তালী বাইবেল

^1-2 Probhu Isor do Mose Israelko noako hukumako lạgitʼe metadea, “Kusi ocoyiń reakʼ jut so lekate iń ńutumte seṅgelteakʼ samaṅokʼakʼ lạgitʼ ape do niṭ akatʼ oktere iń ńutumte jomakʼ samaṅokʼ lạgitʼ alope hiṛińa.”

Numeri 28:1 Iomraidhean Croise

2 Bõsbudạ 2:4

Ńitokʼ iń do ińren Probhu Isor lạgitʼ mitʼṭecʼ oṛakʼ benao lạgitʼ ar uni ńutumte ona samaṅ lạgitʼ iń sapṛao akana, jemon uni samaṅre jut so mosolako jeredokʼ, ar jaoge samaṅokʼakʼ reakʼ piṭhạ hõ jemon sajao akae tahen ar dinạm hilokʼ setakʼ ar ạyupʼ jokhecʼ, jirạukʼ mãhã hilokʼre, ambas ńutre ar aboren Probhu Isor niṭakatʼ judạ judạ porobre jeredokʼ samaṅokʼ reakʼ porobiń porob daṛeakʼ. Ar niạko palon do Israelko lạgitʼ mitʼṭecʼ jaejug reakʼ niạm kana.

2 Bõsbudạ 23:18

Ona tayom Jehoyada do Probhu Isorakʼ oṛakʼ ńel todarot reakʼ bhar do naekekoakʼ tireye jimạkeda. Noko do Liwiko tahẽkana. Noko cetanrege Dạud do Probhu Isorakʼ oṛakʼ reakʼ bhare emleda jemon onko do Dạudakʼ hukum leka rạskạ salakʼ sereń sereńte Moseyakʼ ạn-ạri lekate Probhu Isor ńutumte jeredokʼ samaṅokʼakʼ reakʼ porobko porob daṛeakʼ.

2 Bõsbudạ 31:3

Ar Probhu Isorakʼ ạn-ạrire cetʼ leka olakan onkage setakʼ ar ạyupʼ reakʼ jeredokʼ samaṅokʼakʼ lạgitʼ ar jirạukʼ mãhã, ambas ńut ar niṭakatʼ porob oktere jeredokʼ samaṅokʼakʼ lạgitʼ raj do acʼakʼ sompotti khone dankeda.

2 Bõsbudạ 8:13

Moseyakʼ hukum leka jirạukʼ mãhãre, ambasre ar bochorre pea porob, metakʼme bin khạmiyanakʼ piṭhạ porobre, eae hapta reakʼ porobre, ar ḍera porobre- onako din reakʼ niạm lekate samaṅokʼakʼ porobko porobokʼ kan tahẽkana.

Esra 6:9

Sermaren Isor ńutumte jeredokʼ samaṅokʼ lạgitʼ Jerusalemren naekeko do bạchurko, bheḍako ar bheḍa hoponko, guhum, buluṅ, darkha rasa ar sunum, metakʼme okako jạruṛokʼ ona emokʼ hoyokʼtapea. Onkoakʼ jạruṛokʼ leka dinạm hilokʼ noako do emokʼtege hoyokʼa,

Nehemiạ 10:33

Niạko sekelte jemon ṭebil cetanre samaṅakʼ piṭhạ ńamokʼ ar jaoge jomakʼ ar jeredokʼ samaṅokʼakʼ porob, jirạukʼ mãhãre samaṅokʼakʼ porob, ambas ar eṭakʼ niṭ akatʼ din reakʼ porobko, sonot jinis samaṅokʼakʼ porob ar Israelkoakʼ kại ńutumte samaṅokʼakʼ porob ar Isorakʼ oṛakʼ reakʼ sanam kạmiko jemon hoyokʼ.

Jesaea 1:13

Ạuṛiyakʼ samaṅokʼakʼ jinis do ar alope ạguiya. Iń do apeakʼ dhup jeredokʼakʼ doń hirkhạwakʼ kana. Molokʼ cando, jirạukʼ mãhã, dhorom sabha ar porobko reakʼ bedhoromakʼ kheloḍko iń do ar bạń sahao daṛeakʼ kana.

Jeheskel 44:24

“ ‘Jãhãn mambla hoylen khan naekeko do Hạkim reakʼko kạmiya ar ińakʼ hukum lekage onko doko bicạr phanḍaoa. Ar ińiń niṭ akatʼ sanam porobko lạgitʼ onko do ińakʼ ạn-ạri ar niạmko palona ar jirạukʼ mãhãko reakʼ sonottetʼko rukhiyạ dohoya.

Jeheskel 45:17

Ar disạm cakʼlaoyicʼ do sanamakʼ porobko, molokʼ candoko reakʼ ar jirạukʼ mãhã lạgitʼ, metakʼme Israel jạtrenkoakʼ niṭ akatʼ sanamakʼ porobko lạgitʼ jeredokʼ samaṅokʼakʼ lạgitʼ, anaj samaṅokʼakʼ lạgitʼ, coḍor samaṅokʼakʼ lạgitʼ jiniskoe kulạu juṛạua. Uni do Israelkoakʼ kại ńutumte puruchunokʼ lạgitʼ samaṅokʼakʼ, anaj samaṅokʼakʼ, jeredokʼ samaṅokʼakʼ ar sulukren samaṅokʼakʼ lạgitʼ jiniskoe kulạu juṛạua.

Jeheskel 46:11

“ ‘Porob ar niṭ akatʼ bhoj jokhecʼ mitʼṭen ḍaṅgra lạgitʼ gel irạl keji holoṅ, bheḍa lạgitʼ gel irạl keji holoṅ ar bheḍa hoponko lạgitʼ kusiyakʼ bhor holoṅe emokʼa; mimitʼ gel irạl keji holoṅ sãote pe liṭar eae sae mõṛẽgel gram sunum emokʼ hoyokʼa.

Levitikus 9:15

Ona tayom Aron do hoṛkoren samaṅokʼren janwarkoe ạguketʼkoa. Uni do hoṛkoakʼ kại ńutumte merome dãṛẽkedea ar lahate leka uni hotetege kại ńutumte samaṅokʼakʼe samaṅkeda.

Numeri 27:23

Ona tayom Probhu Isorakʼ hukum leka uni cetanre ti capokateye bhoradea.

Numeri 7:15

jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon;

Galathiko lạgitʼ Pạul Apostolakʼ ciṭhi 4:10

Ape do dinko, candoko, ar bochorkope manaoetʼkana.

Kolossiko lạgitʼ Pạul Apostolakʼ ciṭhi 2:16

Onate jom-ńũ se jãhãn dhorom porob babot reakʼ se ambas reakʼ se jirạukʼ mãhãko reakʼ okoe hõ aloko bicạrpe ma.