Numeri 27:7 - সান্তালী বাইবেল

⁷ “Selophadren hoponera do ṭhik kathageko meneda. Onkoren babawakʼ bõsren hoṛko sãote khạṭige sompotti reakʼ ạidạrim emakoa. Ar onko jemon akoren babawakʼ sompottiko ńam onam ńeltakoa.

Numeri 27:7 Iomraidhean Croise

Jobakʼ 42:15

Jobren hoponerako leka ńelokʼte mońj kuṛi do disạmre ar bako tahẽkana. Onkoren apat do onkoren boehako sãote onko hõ jumiye hạṭińatʼkoa.

Sereńko 68:5

Isor do acʼakʼ sonot ṭhạ̃ire ṭũạrkoren baba kanae ar rạnḍiko secʼrenge.

Jirimiạ 49:11

Amren ṭũạr amarko bạgi oṭowakome; iń do onkoakʼ jiwiń rukhiyạitakoa. Amren rạnḍi maejiuko hõ ińreko bhorsakʼma.”

Numeri 27:6

Ar Probhu Isor do uniye roṛ ruạṛadea,

Numeri 27:8

Israelkom metakoa jãhãege hopon begorteye gocʼlen khan tobe uniyakʼ sompotti reakʼ ạidạri do uniren hoponerae ńama.

Numeri 36:5

Unre Probhu Isorakʼ hukum leka Mose do Israelkoe metatʼkoa, “Josephren hoponkoakʼ noa gusṭiren hoṛko okako menakatʼ ona do ṭhikgea.

Numeri 36:6

Onate Selophadren hoponerako reaṅ Probhu Isor do noae hukumeda, onko do akoakʼ kusi leka jãhãegeko bapla daṛeakoa, menkhan onko do akoren apattetʼakʼ gusṭiren hoṛ hoyokʼ jạruṛtakoa.

Galathiko lạgitʼ Pạul Apostolakʼ ciṭhi 3:28

Jihudi ar boṅgan hoṛ jạtrenko talare, golam ar sạdhin hoṛko talare, maejiu ar herel talare jãhãn begar do bạnukʼa, ente Mạsi Jisu tulucʼpe joṛao mitʼ akante jotoko Mạsirepe mitʼgea.

Josuạ 17:4

Noko kuṛiko do naeke Eliaser ar Nunren hopon Josuạ ar murubbiko ṭhen senkateko menkeda, “Aleakʼ gusṭiren hoṛko talare ale hõ sompotti reakʼ mitʼṭecʼ hĩs emale lạgitʼ Probhu Isor do Moseye hukumade tahẽkana.” Noa katha ańjomkate Josuạ do Probhu Isorakʼ hukum leka onkoren apatren boehako sãote onkoakʼ sompotti reakʼ ạidạriye ematʼkoa.