Numeri 26:53 - সান্তালী বাইবেল

⁵³ “Am do hoṛkoakʼ lekha lekate disạmem hạṭińakoa jemon onaren ạidạriko hoedaṛeakʼ.

Numeri 26:53 Iomraidhean Croise

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Genesis 12:7

Tayomte Probhu Isor do Abram ṭhen ńel ocoyenteye metadea, “Iń do noa disạmge amren bõskoń emakoa.” Unre Abraham do uniye ńel ocoyen Probhu Isor lạgitʼ onḍe mitʼṭecʼ pinḍe benaokeda.

1 Bõsbudạ 16:18

Uni doe menleda, “Iń do Kanan disạmiń emama, ar onage amakʼ paona sompotti do hoyokʼtama.”

Sereńko 105:44

Uni do eṭakʼ jạtrenkoakʼ disạm do Israelkoe ematʼkoa ar onko jạtrenkoakʼ khaṭao reakʼ jo do acʼren hoṛkoe ematʼkoa,

Sereńko 49:14

Bhiḍi palko cetʼleka niṭ akatʼ khạṛreko idi ocokʼ, onkage niṭ akatʼ patal purire onko hoṛ hõko idi ocokʼa; onḍe do gujukʼge onkoren gupiyicʼe hoyokʼa. Din reakʼ etohopʼrege Isor botoraekan hoṛ do onko cetanreko jitạukʼa; ar patal puri do onko hoṛkoakʼ hoṛmoe jomtakoa; onkoakʼ tahen reakʼ jaega do ar cetʼge baṅ tahena.

Jeheskel 47:22

Okoe bidisiạko akoren hopon ar hoponerakoante ape talareko girobasokʼ kan onko lạgitʼ ar ape lạgitʼ disạm do sompotti lekatepe hạṭińjoṅa. Onko do disạmreko janam akan Israel menteko lekhakʼa. Ape sãote onko hõ Israel gusṭiko talare sompotti lekate jumi reakʼ hạṭińko ńama.

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Numeri 26:52

Probhu Isor do Moseye metadea,

Numeri 26:54

Okaṭakʼ gusṭiren hoṛko saṅgege ona gusṭiren do ḍher ar okaṭakʼ gusṭiren hoṛko thoṛage ona gusṭiren lạgitʼ do thoṛa jaegam emakoa. Mimitʼ gusṭiren hoṛ do akoakʼ lekha lekage jaegako ạidạri joṅa.

Numeri 33:54

Ape do loṭarikate judạ judạ bõsrenkoakʼ jaegape ṭhik dohoakoa. Ar bõsren hoṛkoakʼ lekha ḍher hoylen khan ḍher jaega ar kom hoylen khan do kom jaegape emakoa. Loṭarikate oka bõsrenko lạgitʼ jaega okare rakabokʼ ona bõsrenko do ona jaegage emako hoyokʼa. Gusṭiren judạ judạ bõsko do gusṭiko talarege jaegako ńama.

Mathae 5:5

Mạ̃hir kogeko bhạgana, ente dhạrti do onkogeko ạidạrijoṅa.

Josuạ 1:6

“Am do daṛean hoyokʼme, ar monre dil dohoyme, ente okaṭakʼ disạm emokʼ reakʼ katha nokoren hapṛamko ṭheniń gokʼletʼ, ona disạm do ạidạri lekate amge onkom hạṭińakoa.

Josuạ 11:23

Probhu Isor Mose okae hukumade tahẽkan onkage Josuạ do goṭa disạme dokholana ar gusṭikoakʼ sompotti lekate ona do Israelko talareye hạṭińatʼkoa. Unre disạmre lạṛhại do thirakan tahẽkana.

Josuạ 14:1

Eṭakʼ Israelko do Kanan disạmre sompotti lekate jaega jumiko ńamkeda. Naeke Eliaser, Nunren hopon Josuạ ar Israelren judạ judạ gusṭi ar gharońjren mukhiyạko do onako hạṭińatʼkoa.

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”