Numeri 26:5 - সান্তালী বাইবেল

⁵ Israelren pạhilicʼ hopon Rubenakʼ bõsko: noko doko hoyokʼ kana Hanok khon Hanoren bõsko, Palu khon Pạlui bõsko,

Numeri 26:5 Iomraidhean Croise

Genesis 29:32

Lea doe bhạrti hoṛmoyena ar mitʼṭen koṛa gidrại janamkedea. Ar uni gidrạwakʼ ńutum do Rubene dohoketʼtaea (metakʼme “Hạni ńeleme, mitʼṭen hopon”), Ente uniye menleda, “Probhu Isor do ińakʼ duke ńelketʼtińạ, ar ńitokʼ do khạṭige ińren jãwãe doe dulạṛińạ.”

Genesis 35:22

Israel do tinre ona ṭoṭhareye girobasokʼkan tahẽkana unre Ruben do acʼ apatren bạhu Bilha sãoteye laṭghaṭkeda. Ar ona do Israel hõe ańjomkeda. Jakobren do gelbar goṭen hoponko tahẽkantaea.

Genesis 35:23

Leawakʼ kukhire Jakobren hoponko modre pạhil hopon do Rubene janamlena. Ona tayom do Simeon, Liwi, Jihudạ, Isakar ar Sebulon.

1 Bõsbudạ 5:1

Israelren maraṅicʼ hopon Ruben do acʼ apatakʼ aṭetʼe bhõnḍletʼte maraṅicʼ hopon reakʼ ạidạriye atʼletʼ tahẽkana. Ona ạidạri do Israelren eṭakʼ hopon Josephren hoponko emocolena. Onate bõsbudạre uniyakʼ ṭhạ̃i do maraṅicʼ hopon lekate baṅ ol akana.

1 Bõsbudạ 5:3

Israelren maraṅicʼ hopon Rubenren hoponko doko hoyokʼkana Hanok, Pollu, Hesron ar Karmi.

Exodus 6:14

Noko doko tahẽkana Ruben, Simeon ar Lewi bõsren mathakoge: Israelren maraṅicʼ hopon Rubenren hoponko doko hoyokʼ kana Hanok, Pạlu, Hesron ar Karmi. Noko do Ruben gusṭikoren apatkoko tahẽkana.

Numeri 1:20

Israelren maraṅicʼ hopon Ruben bõsrenko modre okoekoakʼ umer do bargel se ona khon bạ̃ṛti umer hoyakantako, metakʼme okoeko do lạṛhại lạgitʼ oḍokʼ calakʼ lekako tahẽkan, onko do gusṭi ar gharońj reakʼ oprom lekate onkoakʼ ńutum ol caṛhaoentakoa.

Numeri 26:4

“Probhu Isor Mose okae hukum akawade ona lekate ape do bargel ar ona khon ḍher umeran herel hoṛpe lekhakoa.” Ar okoeko Israel hopon do Misor disạm khonko oḍok hecʼlen hoṛ lekha jokhecʼ onkoakʼ ńutum hõ ol caṛhaoen takoa.

Numeri 26:6

Hesron khon Hesroni bõsko ar Kormi khon Kormiạ bõsko.