Numeri 26:10 - সান্তালী বাইবেল

¹⁰ Korah sãote nukin banahoṛge ot doe utʼletʼkina; ar Korah dolren barsae mõṛẽgel hoṛ do seṅgelreko atar gocʼena. Noako do Israelko lạgitʼ sontorokʼ reakʼ cinhạ lekako tahẽyena.

Numeri 26:10 Iomraidhean Croise

Exodus 16:35

Hoṛko girobas akan nonkan mitʼṭecʼ jaegare, metakʼme Kanan disạm reakʼ simạnate ạuriko hijukʼ hạbicʼ Israelko do pongel bochor hạbicʼ ona Mannako jomkeda.

Jirimiạ 29:22

Ar Babelre menakʼko Jihudạren sanam bondiko do hoṛko ạsisakore unkinakʼ kathako roṛa, ‘Probhu Isor do Sedekiạ ar Ahab lekae hoeocoy tạkinma, one Babelren raj do seṅgelte unkine atarletʼ kin,’

Jeheskel 14:8

Iń do uni hoṛ upạrteń teṅgona ar uni do mitʼṭecʼ cinhạ ar mitʼṭecʼ kạhtukgeń hoeocoyea. Ar ińren hoṛko tala khon uniń ocokʼ giḍikaea. Ar unrepe baḍae daṛeakʼa, ińkangeạń Probhu Isor do.

Numeri 16:38

Kại gunạkʼte tinạkʼ hoṛko gocʼen dhup dạniko do onko hoṛkoakʼ kangea. Menkhan Probhu Isor samaṅre hạjirletʼ iạte onako do uni ńutumte begar dohoakana. Onate am do onakom kuṭạm capṛa ocoya ar pinḍrem bạisạukakʼa. Jemon Israelko ṭhen mitʼṭecʼ cinhạ leka tahen.”

Numeri 17:3

Liwi khũṭ reakʼ ṭheṅgare do Aronakʼ ńutumem ola, ente hapṛamkoakʼ khũṭ lekate mimitʼ khũṭren mukhiyạko lạgitʼ mitʼṭecʼkate ṭheṅga tahena.

Numeri 27:3

“Aleren baba do hahaṅkarreye gocʼena. Ar Korahren okoeko hoṛ do Probhu Isor upạrte dolko pakaoletʼ onko dolrehõ uni do bae tahẽkana; uni do acʼ apnarakʼ kạitegeye gocʼena. Ar uniren do cele hoponge bạnukʼkotaea.

Dosar Biboron 11:6

Uni do Ruben gusṭiren Eliabren hopon Dathan ar Abiram cetanre okae cekaletʼ, metakʼme cetʼleka Israelko samaṅre otre cahapʼ ocoketʼte unkin ar unkin gharońjren hoṛko, onkoakʼ tạmbuko ar onkoren sanam jiwiyankoe utʼ ocoketʼko ona hõ bako ńelakada.

Dosar Biboron 28:46

Noako sarap do hahaṛa cinhạ ar hahaṛa kạmi lekate ape ar aperen bõsrenko cetanre jaejug hạbicʼ tahena.

2 Patras 2:6

Sodom ar Gomora nagraha seṅgelte ḍahao maraokate Isor do ona nagraharen hoṛkoe sạjạiletʼkoa ar nonkate uni doe udukʼatʼkoa, okoe Isor bako botorae onko do cetʼ dosa hoyokʼ takoa mente;

Jihudạwakʼ ciṭhi 1:7

Sodom, Gomora ar onakin beṛhaeteakʼ joto nagrahakoren hoṛko hõ ṭhik onko lekageko laṭghaṭetʼ tahẽkana. Okoe jaejug seṅgelre khadlekʼ reakʼ kuṛạiko ńam noko do onkoakʼ nạmunageko hoyakana.

1 Samuel 2:34

“ ‘Amren banar hopon Hopni ar Pinehas do mitʼ dintege kin gujukʼa, ar onage hoyokʼa am lạgitʼ mitʼṭecʼ cinhạ.