Numeri 25:5 - সান্তালী বাইবেল

⁵ Unre Mose do Israelren bikʼcạrkoe metatʼkoa, “Ape talaren tinạkʼ hoṛ do Piorre Bakʼal debotawakʼ pujạreko seledokʼkan onko jotogepe gocʼkoa.”

Numeri 25:5 Iomraidhean Croise

1 Rapajko 18:40

Unre Eliạ do noae hukumkeda, “Bakʼal debotaren nạbiko sapʼkope. Onkoren mitʼ hoṛ hõ alope paskao ocokoa.” Unre hoṛko do onkoko sapʼketʼkoa. Ar Eliạ do Kisạn soḍokʼte idikate onkoe gocʼketʼkoa.

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

Exodus 22:20

“Probhu Isor chaḍa jãhãege jãhãe debota ṭhen jãhãnakʼe samaṅ enḍekhan uni hõ goje hoyokʼa.

Numeri 25:3

Nonkate Israelko do Pior burure Bakʼal debota sewawaere seledokʼko ehopʼena. Onate Probhu Isor do onko cetanre ạḍiye edreyena.

Dosar Biboron 13:13

onḍenko Israelko modren thoṛa bạṛicʼ hoṛ do onḍenko hoṛko niạ menkate bạṛicʼ horteko or idiakatʼko, ‘dela bon, debotako bon sewawako ma,’ okoe do abo ṭhenko nãwãge.

Dosar Biboron 13:15

onḍenko sanam hoṛge gocʼ giḍikako hoyokʼa. Ar ape do ona ato ar nagraha, onaren hoṛko ar janwarko purạtepe marao cabakoa.

Dosar Biboron 13:6

“Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’

Dosar Biboron 13:9

Uni do gojetege hoyokʼa. Ar uni gocʼ giḍikae reakʼ kạmi do amakʼ titege ehob hoyokʼtama, ar inạ tayom do eṭakʼkoko seledokʼa.

Josuạ 22:17

Peorre okaṭakʼ bon ghạṭletʼ ona lạgitʼ Probhu Isor do manḍerren hoṛkore mahamạriye kolleda; ar teheń hõ ona chut khon babon sapha utạr akana. Ona ghạṭ khon hõ babon cetʼleda,