Numeri 25:2 - সান্তালী বাইবেল

² Noko maejiuko do akoren debotako ńutumte janwar dãṛẽko reakʼ porobre Israelkoko neotaketʼkoa, ar Israelko hõ onko sãote jom-ńũkate onkoren debotakoko ḍobokʼatʼkoa.

Numeri 25:2 Iomraidhean Croise

1 Rapajko 19:18

Menkhan iń do Israelren eae hajar herel hoponkoń sarecʼ doho akawana, okoe do Bakʼal-deb ṭhen bako ikhṛum akan ar cokʼ hõ bako cokʼ akawade.”

Sereńko 106:28

Onko do Peor burure Bakʼal debotako pujạwadea ar gocʼ hoṛko ńutumte dãṛẽ akatʼ jelko jomkeda.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Exodus 22:20

“Probhu Isor chaḍa jãhãege jãhãe debota ṭhen jãhãnakʼe samaṅ enḍekhan uni hõ goje hoyokʼa.

Exodus 23:24

Ape do onkoren boṅgako se debotako alope sewawakoa ar onḍenko hoṛ cetʼko cekae onka hõ alope kạmiya. Ape do onkoren murtikope rạputʼkoa ar onkoakʼ pujạ reakʼ thanko hõpe rạputʼ gidikakʼa.

Exodus 32:6

Ar dosar hilokʼ hoṛko do ạḍi setakʼre beretʼkate jeredokʼ samaṅokʼakʼ ar sulukren samaṅokʼakʼ porobko porobena. Ar ona tayom do jojomko duṛupʼena ar enecʼ-khilḍukʼ lạgitʼko beretʼena.

Jirimiạ 40:11

Moabrenko, Amonrenko, Edomrenko ar eṭakʼ disạmren sanam Jihudikoko ańjomkeda baṅma Babelren raj do Jihudạ disạmre thoṛa hoṛe bạgi oṭo akatʼkoa ar Gedaliạ do onko cetanre disạm cakʼlaoyicʼ dohoakadea.

Hosea 9:10

Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

1 Korinthiko 10:20

Ona do baṅ, bickom ińiń meneda, boṅgan hoṛ okako samaṅetʼkan ona do Isor lạgitʼ do baṅkana, ona do bạṛicʼ jiuko ṭhengeko onkayeda. Ar bạṛicʼ jiuko tulucʼ apepe gatekʼ do bạń khojkana.

Dosar Biboron 32:38

Okayenako onko debotako do okoe do onkoren teṅgen janwarkoakʼ itilko jomletʼ, ar onkoakʼ coḍor samaṅokʼakʼ ar darkha rasako ńũletʼ? Ńitokʼ onko do hecʼkateko goṛowape ma, ar asray hõko emape ma.

Josuạ 22:17

Peorre okaṭakʼ bon ghạṭletʼ ona lạgitʼ Probhu Isor do manḍerren hoṛkore mahamạriye kolleda; ar teheń hõ ona chut khon babon sapha utạr akana. Ona ghạṭ khon hõ babon cetʼleda,

Josuạ 23:7

Okoe jạtrenko ape talare menakʼko onko tulucʼ do alope sulukokʼa; onkoren debotakoakʼ ńutum hõ alope ńuma se onko ńutumte hõ alope kiriạkʼa. Onko alope ḍobokʼakoa se onko samaṅre bohokʼ alope kuḍburtapea.

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.