Numeri 25:13 - সান্তালী বাইবেল

¹³ Uni do acʼren Isorakʼ bakhra reakʼe ahkaokʼkante ar Israelkoakʼ kại reakʼ puruchune kạmi akatʼte uni lạgitʼ nonkan mitʼṭecʼ bondobosiń bandhao akada jemon naeke hudạ do uni ar uni bõsrenko talare jaejug hạbicʼ tahẽakan tahen.”

Numeri 25:13 Iomraidhean Croise

2 Samuel 21:3

Dạud do Gibeonkoe kuliketʼkoa, “Ape lạgitʼ do cetʼ iń ceka daṛekea? Ar apeakʼ loksanko cetʼ lekateń puruntapete Probhu Isorakʼ ạidạriren Israelpe bhor daṛekekoa?”

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

1 Rapajko 19:14

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhoktiye ńam onate iń do ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Eken iń eskarge sarecʼ minạńa ar ńitokʼ do iń hõ gojeń reakʼko kurumuṭu kana.”

1 Rapajko 2:27

Nonkate Solomon do Probhu Isorakʼ naeke hudạ khon Abiạthare ocokʼkedea. Probhu Isor do Silore Eliren bõs reaṅ okae menletʼ uniyakʼ ona katha do nonkage purạuena.

Nehemiạ 13:29

E ińren Isor, nokoakʼ katha disạ dohoyme, ente noko do naeke hudạko bhõnḍ akada ar naeke ar liwikoakʼ kạmi reakʼ bondobosko rạputʼ akada.

Sereńko 106:31

Phinehasakʼ noa kạmi iạte uni do jaejug hạbicʼ dhorom menteye lekhayena.

Sereńko 119:139

Ińren bạiriko do amakʼ kathako hiṛiń akatʼte amakʼ manot rukhiyại lạgitʼ khạndri udgạu iń doe ńam akadińạ.

Sereńko 69:9

Amakʼ oṛakʼ lạgitʼ ińakʼ oka dulạṛ menakʼ, ona dulạṛge ińakʼ ontor doe jaljalao ocoyeda. Ar okoe amko bemanotetʼme onkoakʼ sanam opomange ińre paṛaokʼkana.

Exodus 32:30

Dosar hilokʼ Mose do hoṛkoe metatʼkoa, “Ape do ạḍipe kại akada. Menkhan ńit Probhu Isor ṭhen iń rakapʼ calakʼ kana. Hoedaṛeakʼ apeakʼ puruchun reakʼ mitʼṭecʼ bondobos iń hoeocoya.”

Exodus 40:15

Ar ona tayom do ạkinren apat leka unkin hõm ojokʼ bahal kinạ jemon unkin hõ naeke lekate ińakʼ sapʼdapʼ kạmikin kạmi daṛeakʼ. Noa ojokʼ bahalokʼ hotete okoe naeke hudạ lekateye bahalokʼ ona do piṛhike piṛhi hạbicʼ calakʼa.”

Jesaea 61:6

Ar ape do Probhu Isorren naekepe ńum ocokʼa; ar hoṛko do aboren Isorren sapʼdapʼkoko metapea. Ape do boṅgan hoṛ jạtrenkoakʼ dhonpe jomtakoa ar onkoakʼ dhon iạtepe sabasikʼa.

Jirimiạ 33:18

Iń samaṅre teṅgokate jaoge jeredokʼ samaṅokʼakʼ lạgitʼ, jomakʼ samaṅokʼakʼ lạgitʼ ar janwar samaṅokʼakʼ lạgitʼ Liwi naekeko modre hõ bako khạntikʼa.”

Jirimiạ 33:22

Ińren guti Dạudren hoponko ar okoe Liwiko do iń samaṅre teṅgokate sekʼwa reakʼko kạmikan onko do sermaren ipil lekako saṅgekʼa, ar ohogeko lekha caba daṛelena.”

Levitikus 15:15

Unre naeke do unkin modre mitʼṭen do kại ńutumte ar eṭagicʼ do jeredokʼ samaṅokʼakʼ menteye samaṅkinạ. Ar besaphawakʼ oḍokokʼ iạte okoe chutgeye tahẽkan uni saphakʼ lạgitʼ naeke do Probhu Isor samaṅreye puruchuna.

Malaki 2:8

Menkhan ape do ṭhik hor khonpe ghańgeṛ akana ar apeakʼ cecetʼakʼte ḍher hoṛpe tohotʼ bhinḍạṛ ocoyetʼkoa. Nonkate Liwi bõsrenko lạgitʼ dohowakʼ bondobospe bad giḍikakʼ kana. Iń phạdkoren Probhu Isorge noa katha doń meneda.

Numeri 16:46

Ona tayom Mose do Arone metadea, “Amakʼ dhup dạni hataome ar pinḍ reakʼ seṅgel ecʼkate onare dhup emakʼme ar usạra onko hoṛko ṭhen senkate kại ńutumte puruchunme. Probhu Isorakʼ edre do sodor akana, mahamạri ehopʼakana.”

Numeri 16:47

Unre Aron do Moseyakʼ katha leka dhup dạnire seṅgel ar dhup hataokate onko hoṛko ṭhene ńir calaoena. Menkhan hoṛkore mahamạri do ehopʼakan tahẽkana, ar Aron do dhupe samaṅketʼte onkoakʼ kại ńutumteye puruchunkeda.

Numeri 17:12

Noako ńelte Israelko do Moseko metadea, “Hae, ale dole gocʼena, arle maraoena, ar jotogele marao cabayena!

Numeri 25:14

Ar okoeṭakʼ Israel hoṛ do Midiạnren kuṛi sãoteye gocʼ ocoyen uniyakʼ ńutum do Simerai tahẽkana. Uni do Sạluren hopon ar Simeon gusṭikoren mitʼṭen mukhiyạ hoṛe tahẽkana.

Johan 2:17

Onate celako do sonot sostorre olakan uniyakʼ noa katha disạ hecʼatʼkoa: Amakʼ oṛakʼ lạgitʼ ińakʼ oka khạndri dulạṛtiń, ona dulạṛge ińakʼ ontor doe jal jalaotińạ.

Ibriko 2:17

Onate Jisu do sanam secʼte acʼren boehako leka hoyokʼ hoylentaea, jemon uni do mãyãwan ar pạtiạranicʼ maraṅ naeke lekate Isorakʼkoe sapʼsor daṛeakʼ. Ar noa reakʼ monsubạ do hoyokʼ kana, jemon acʼakʼ gujukʼte manwakoakʼ kạiye ocogte Isore kusi ocoye.

Ibriko 7:11

Okoe naeke reakʼko kạmikan tahẽkan onko Lewi bõsrenkoakʼ kạmi cetanrege Isor do Israelko acʼakʼ ạn-ạriye ematʼko tahẽkana. Ar Lewi bõsren naekekoakʼ kạmi hotete sạbit utạrlen khan, enḍekhan pạhil Lewi naeke Aron bodolte Melkisedek leka eṭakʼ ar mitʼṭen naeke hijukʼ reakʼ cetʼ jạruṛ tahẽkana?

Josuạ 7:12

Ona iạte Israelko do akoren bạiriko samaṅre bako teṅgo ṭarhao daṛeakʼ kana; arko dạṛeda, ente onko do ḍahao maraokʼ reakʼ sarapakʼ taberen hoṛko hoyakana. Ḍahao maraokʼ sarapakʼ tabe reakʼ jinisko ape ṭhen menakʼa. Onako ạuripe ocokʼ cabae hạbicʼ ape sãore iń do bạń tahena.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Johan 2:2

Aboakʼ kạiko ocokʼ giḍiy tabon lạgitʼ Mạsi do acʼakʼ jiwi alaekate Isore kusi ocokedea. Eken aboakʼ kại iạte do baṅ, menkhan sanam manwakoakʼ kại ńutumte uni doe onkakeda.

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

1 Samuel 2:30

“Ona iạte Israelkoren Probhu Isore meneda, ‘iń doń khạṭigeń menleda, am ar amren hapṛamakʼ bõsren hoṛ do jaejug iń sewawạń reakʼko kạmiya;’ menkhan ńitokʼ Probhu Isore meneda, ‘ona do ar baṅ hoyokʼa. Okoe ińko manotiń iń hõ onkogeń manotkoa ar okoe ińko nisṛạuiń onko do ako hõko nisṛạu ocokʼa.