Numeri 25:12 - সান্তালী বাইবেল

¹² Ona iạte unim metaea, iń do uni lạgitʼ mitʼṭecʼ bhạlại reakʼ iń bondobos akada.

Numeri 25:12 Iomraidhean Croise

Sereńko 106:30

Unre naeke Phinehas doe teṅgoyente noa reakʼe sạjạiketʼkoa, ar duk hõ cabayena.

Sereńko 106:31

Phinehasakʼ noa kạmi iạte uni do jaejug hạbicʼ dhorom menteye lekhayena.

Jesaea 54:10

Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.

Jeheskel 34:25

“ ‘Iń do onko lạgitʼ bhạlại reakʼ mitʼṭecʼ bondobosiń dohoya ar disạm khon botoran janwarkoń marao utạrkoa jemon ińren bhiḍiko do khạtirjomako tahente bir-gajaṛkore hõko jạpitʼ daṛeakʼ.

Jeheskel 37:26

Onko lạgitʼ mitʼṭecʼ bhạlạiyanakʼ bondobosiń dohoya; ar ona do jaejug lạgitʼ mitʼṭecʼ bondobosge hoyokʼa. Onko do daṛeankoń hoyocokoa ar onkoakʼ lekhań baḍhao ocoytakoa ar ińakʼ oṛakʼ do jaejug lạgitʼ onko talareń bạisạutińạ.

Malaki 2:8

Menkhan ape do ṭhik hor khonpe ghańgeṛ akana ar apeakʼ cecetʼakʼte ḍher hoṛpe tohotʼ bhinḍạṛ ocoyetʼkoa. Nonkate Liwi bõsrenko lạgitʼ dohowakʼ bondobospe bad giḍikakʼ kana. Iń phạdkoren Probhu Isorge noa katha doń meneda.

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Numeri 13:29

Ar Amalekiko do disạm reakʼ dạkhin nakhareko tahenkana; Hittirenko, Jebusirenko ar Amorirenko do buru ṭoṭhakore ar Kananrenko do jalapuri aṛe ar Jordan gaḍa aṛeteko girobasokʼ kana.”