Numeri 25:11 - সান্তালী বাইবেল

¹¹ “Naeke Aronren goṛomtetʼ koṛa, metakʼme Eleasarren hopon Pinehas do Israelko cetan khon ińakʼ edreye sạṅgińketʼtińạ. Israelko modre uni do ińakʼ bakhra babotre iń lekageye ahkaokʼ kana. Onate ińakʼ bakhra reakʼ ạḍi ahkaoteakʼ tahẽkanre hõ iń do bạń marao utạrletʼkoa.

Numeri 25:11 Iomraidhean Croise

2 Samuel 21:14

Dạudren hoṛko do Sạul ar uniren hopon Jonathanakʼ jaṅ do Benjạmin ṭoṭha reakʼ Selare uniren apat Kisakʼ topareko topakada. Rajakʼ hukum lekage onko do sanamakʼko kạmikeda. Ona tayom disạm lạgitʼ Isor ṭhenko koeketʼ khan uni do koejoṅe ańjomketʼtakoa.

1 Rapajko 14:22

Ar Jihudạren hoṛko do Probhu Isorakʼ mẽtʼre oka bạṛicʼakʼ kan onage kạmiko ehopʼena. Akoren hapṛamko khon hõ akoakʼ kại hotete Probhu Isorakʼ pit do arhõ bạ̃ṛtiko rakapʼ ocoketʼtaea.

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Sereńko 106:30

Unre naeke Phinehas doe teṅgoyente noa reakʼe sạjạiketʼkoa, ar duk hõ cabayena.

Sereńko 106:31

Phinehasakʼ noa kạmi iạte uni do jaejug hạbicʼ dhorom menteye lekhayena.

Sereńko 78:58

Onko do buru coṭ reakʼ pinḍko beoharkate uniko bekusi ocokedea; ar tite benaoakʼ murtiko pujạwatʼkote uniko edre ocokedea.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Exodus 22:5

“Jãhãege uniren ḍaṅgra se bhiḍi jãhãn ṭạnḍire se darkha khetre ạtiń idikateye aṛakʼ gotʼkae ar uni ḍaṅgra se bhiḍi do eṭakʼ hoṛakʼ khetre bolokate phosole jom, enḍekhan uni hoṛ do apnarakʼ khet se darkha reakʼ joto khon bhage phosolte khuti purun emae hoyokʼtaea.

Exodus 34:14

Cele debotage alope sewawakoa, ente Probhu Isorakʼ ńutum do ãṭicʼ Isor; uni do mitʼṭen ãṭ Isor kanae.

Jeheskel 16:38

Okoe maejiuko laṭghaṭetʼkan ar okoe mãyãmko joroyetʼkan onko okaṭakʼ sạjạiko ńam am hõ ona sạjạigeń emama. Ińakʼ edre ar mon reakʼ jaljalao iạte am do gujukʼ sạjạiyiń emama.

Nạhum 1:2

Probhu Isor do nonkan Isor kanae uni do acʼakʼ kuṛạiye khojkana ar joe emokʼkana; Probhu Isor doe hala hạliya ar acʼren bạiriko lạgitʼ edreye dohokakʼa.

Sephaniạ 1:18

Probhu Isorakʼ edre hilokʼ onkoakʼ sona ar rupạ do bae rukhiyạ daṛeakoa. Uniyakʼ ontor jala reakʼ seṅgelte goṭa dhạrti do lokʼa, ente dhạrtire tahẽnkan sanamkoge uni do ackageye caba utạrkoa, hẽ uni do botorgeye ses utạrkoa.

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.

Numeri 25:10

Unre Probhu Isor do Moseye metadea,

Johan 3:36

Hoponre pạtiạukʼicʼ do jaejug jion menakʼtaea, menkhan Hopon reakʼ bebataoicʼ do jion ohoe ńamlea, bickom Isorakʼ edre uni cetanre paṛaokʼa.

1 Korinthiko 10:22

Noa iạte Probhu Isor do cetʼ babon ãṭ ocoyedekana? Abo do cetʼ uni khon bon daṛegea?

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Dosar Biboron 29:20

Probhu Isor do tishõ uni ikạkae do bae rạjikʼa. Ar uniyakʼ raṅgao ar ãṭ do uni hoṛ upạrte dhũạkʼa. Noa puthire oka sarap reakʼ kathako roṛakan ona sanamakʼ do uni cetanre paṛaokʼa. Ar Probhu Isor do dhạrti khon uniyakʼ ńutumme meṭao utạrtaea.

Dosar Biboron 32:16

Ạnạṛi Isor sewawae iạte uni do ạḍiko ãṭ ocokedea, ar hirkhạwakʼkoteko khĩs ocokedea.

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Dosar Biboron 4:24

ente aperen Probhu Isor doe jojom seṅgel kana; ar acʼakʼ paona bhokti lạgitʼ do ãṭokʼicʼ Isorge.

Josuạ 22:13

Onko do naeke Eleasarren hopon Phinehas do Gileadre Ruben ar Gad gusṭiren hoṛko ar Manase gusṭiren adha hoṛ ṭhenko kolkadea.

Josuạ 24:19

Niạ katha ańjomkate Josuạ do hoṛkoe metatʼkoa, “Menkhan ape do uni bape sewa daṛeaea, ente uni doe sonot Isor kana, acʼakʼ paona bhokti do okoe hõ bae ńam ocoakoa. Uni do apeakʼ kại ar ghạṭko bae ikạitapea.