Numeri 25:1 - সান্তালী বাইবেল

¹ Israel hoponko tinre Siṭim nagraha ṭhenko tahẽkana unre onko do Moabren maejiuko sãoteko laṭghaṭkeda.

Numeri 25:1 Iomraidhean Croise

2 Rapajko 23:7

Ar Probhu Isorakʼ oṛakʼre herel kusumbikoakʼ okako kandha tahẽkan onako hõe rạputʼ giḍikada. Onḍe do maejiuko Asera lạgitʼ kicricʼko tińetʼkan tahẽkana.

Sereńko 106:28

Onko do Peor burure Bakʼal debotako pujạwadea ar gocʼ hoṛko ńutumte dãṛẽ akatʼ jelko jomkeda.

Exodus 22:19

“Jãhãn janwar sãote jãhãegeye laṭghaṭ enḍekhan uni do gojete hõ goje hoyokʼa.

Exodus 34:15

“Okoe ona disạmreko tahenkan onko sãote cetʼge alope bondobosa, ente onko tinre besapha monte akoren debotako ṭhen apnartetʼko emokʼa ar onko ńutumte janwarko dãṛẽkoa unre apeko neotapea ar ape tulucʼ boṅga ṭhen samaṅakʼ reakʼ jelko joma.

Sosolhayic̕ 7:26

Ińiń ńelkeda, gujukʼ khon hõ uni maejiu doe haṛhatʼgea, uniyakʼ mon do mitʼṭecʼ jhampa ar jhạli leka ar uniyakʼ tikin do sikṛige. Ar okoe hoṛ Isore kusi ocoye uni do uniyakʼ ti khon apnartetʼe rukhiyạkʼa, menkhan kại hoṛ do jhạlireye paṛaokʼa.

Jirimiạ 40:11

Moabrenko, Amonrenko, Edomrenko ar eṭakʼ disạmren sanam Jihudikoko ańjomkeda baṅma Babelren raj do Jihudạ disạmre thoṛa hoṛe bạgi oṭo akatʼkoa ar Gedaliạ do onko cetanre disạm cakʼlaoyicʼ dohoakadea.

Jeheskel 20:21

“ ‘Menkhan onko hoponko ar hoponerako do iń upạrteko hulkeda. Onko do ińakʼ niạm bako manaoleda ar okaṭakʼ ạn-ạri palon hotete manwa do jionko ńam onko do ińakʼ ona ạn-ạri manao secʼ do bako moneyada; onko do iń emakʼ jirạukʼ mãhãko reakʼ sonottetʼ bako rukhiyạleda. Onate onkoń metatʼkoa hahaṅkarre onko cetanre ińakʼ edreń dulakoa.

Hosea 9:10

Probhu Isore meneda, “Hahaṅkarre darkha nạ̃ṛĩ leka Israel doń ńamledea; pạhil dhao jo emokʼkan loa dare reakʼ pạhilakʼ jo lekage aperen hapṛamkoń ńelletʼkoa. Menkhan onko do Bakʼal-Piyạr ṭhen senkate apnartetʼko ạkhrińena ar akoren dulạṛiạ boṅga lekage onko do hirkhạwankoko hoylena.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Numeri 25:17

“Midiạniko do bạiri mente hudiskope ar gocʼ giḍikakope,

Numeri 31:2

“Am do Israelko ńutumte Midiạnkoakʼ behok reakʼ hala hạlime. Ar ona tayom do amren hapṛamko ṭhenem calakʼa.

Numeri 33:49

Nonḍe doko ḍeralena jordan gaḍa aṛe reakʼ Moab otet reakʼ Beth-jesimot khon Abel Siṭim nagraha hạbicʼ.

Numeri 7:15

jeredokʼ samaṅokʼ lạgitʼ mitʼṭen ḍaṅgra, mitʼṭen bheḍa, mitʼ bochor umerren mitʼṭen bheḍa hopon;

1 Korinthiko 10:8

Onko modre ḍher hoṛgeko laṭ ghaṭletʼte mitʼ dinre bargel pe hajar hoṛko gocʼlena. Abo do onka alo bon loṭghuṭima.

Dosar Biboron 3:29

Ona iạte abo do Bet-peor mohnḍa muhnḍi reakʼ buru tala reakʼ otetre bon tahẽyena.

Dosar Biboron 32:38

Okayenako onko debotako do okoe do onkoren teṅgen janwarkoakʼ itilko jomletʼ, ar onkoakʼ coḍor samaṅokʼakʼ ar darkha rasako ńũletʼ? Ńitokʼ onko do hecʼkateko goṛowape ma, ar asray hõko emape ma.

Dosar Biboron 4:3

“Probhu Isor do Bakʼal-Peorre okae cekaletʼ ona ma nijạrakʼ mẽtʼtegepe ńelakatʼ. Apeko modren okoe do Peorren Bakʼal debotako sewawae kan tahẽkan aperen Probhu Isor do onko mimitʼko ape tala khone marao akatʼkoa.

Josuạ 2:1

Nunren hopon Josuạ do Siṭim khon barea disạm cikʼyạkin niạ katha menkate oko okoteye kolkatʼkinạ, “Aben do ona disạmte senkate Jerikho nagraha mońjteben ciyạ ạguiya.” Ar unkin do inạ katha ańjomkate Jerikho nagrahatekin calaoena. Ar onḍe do Rahab ńutuman mitʼṭen kusumbiyakʼ oṛakʼre senkate kin tahẽyena.

Josuạ 22:17

Peorre okaṭakʼ bon ghạṭletʼ ona lạgitʼ Probhu Isor do manḍerren hoṛkore mahamạriye kolleda; ar teheń hõ ona chut khon babon sapha utạr akana. Ona ghạṭ khon hõ babon cetʼleda,

Josuạ 3:1

Josuạ do ạḍi setakʼreye beretʼente sanam Israelko soṅgekate Siṭim khon uṭhạuente jordan gaḍa ṭhene calaoena. Ar gaḍa ạuriko paromokʼ hạbicʼ onḍegeko tahẽyena.

Johan sodor 2:14

Menkhan enhõ am upạrte ińakʼ roṛ reakʼ thoṛa menakʼtińạ. Onḍe am ṭhen nonkan hoṛ menakʼkoa okoe do Biliamakʼ sikhnạt lekateko calakʼkan. Balak raj do Biliame cetʼade tahẽkana jemon uni do boṅga samaṅakʼkoe jom ocoko ar laṭghaṭ kạmikote Israelko kại secʼe idiko.