Numeri 24:9 - সান্তালী বাইবেল

⁹ Dhạcri kul ar kul eṅgal leka onko doko burumokʼa arko kunḍlạṅ hapekokʼa, unre onko beretʼko reakʼ do okoeye dilkea? Okoe apeko bhorape onkage onkore hõ bhor paṛaokʼma; ar okoe sarapko emape, onkage onko cetanre hõ sarap paṛaokʼma.”

Numeri 24:9 Iomraidhean Croise

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Genesis 27:29

Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

Genesis 49:9

E Jihudạ, am dom dhạcri kul hoponkana; sendra jel jom baṛakate ińren nui hopon doe rakapʼ hijukʼa; dhạcri kul ar kul eṅga lekae burum akana. Okoe hale uni doe buskukea?

1 Rapajko 10:20

Ona turui goṭecʼ dhap reakʼ banarsa aṛerege mimitʼ goṭecʼkate jotote gelbar goṭen dhạcri kulakʼ muṭhạn tahẽkana. Onkan siṅghạson do eṭakʼ eṭakʼ rajosṭikore ar tishõ baṅ benao akan tahẽkana.

2 Bõsbudạ 9:18

Ona siṅghạson reakʼ siṛhi do turui goṭecʼ dhapko tahẽkana ar ona sãote sona reakʼ jaṅga lebedokʼakʼ mitʼṭecʼ ganḍo hõe lagao ocoakatʼ tahẽkana. Duṛubokʼ jaega reakʼ banar tire do hatol tahẽkana ar hatol aṛere do dhạcri kule teṅgo akan reakʼ muṭhạn tahẽkana.

Ester 6:13

Ar uni cetanre oka hoyen ona do acʼren bạhu Seres ar uniren sanam gatekoe lạiyatʼkoa. Hamanren bạhu Seres ar uniren sopolhako do uniko metadea, “Okoe samaṅre amakʼ niạ ńurokʼ ehopʼakan uni Mordekai do Jihudi bõsren hoṛkan khane enḍekhan uni upạrte am do ohom teṅgo daṛelena, ar khạṭigem marao utạrokʼa.”

Jobakʼ 41:10

Uni buskoye reakʼ dil do okoeyakʼge bạnukʼanaṅ; enḍekhan iń samaṅre okoeye teṅgo daṛekokʼa?

Sereńko 122:6

Ape do Jerusalem reakʼ suluk lạgitʼ koejoṅpe, “Ar okoe Jerusalemko kusiyakʼ onko do bhạlại hoyokʼtakoma.”

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Exodus 23:22

Uniyakʼ kathape luturakʼ ar iń okakoń lạiyakatʼ onape onkae enḍekhan iń do aperen bạirikoren bạiriń hoyokʼa ar okoe ape upạrteko teṅgokʼ onko upạrteń teṅgokʼa.

Jesaea 31:4

Probhu Isor do niạ kathae metadińạ, “Dhạcri kul cetʼleka acʼe gocʼ akade janwar cetanreye gondraokʼkan ar uni upạrte mitʼ dol gukʼpikoko hoholere hõ bae botorokʼkan. Onkage phạdkoren Probhu Isor do lạṛhại lạgitʼ Sion buru ar ona reakʼ usul ṭhạ̃ikoreye pheḍ hijukʼa.

Mikạ 5:8

Jạt jạtrenko talare Jakobren bańcao tahen hoṛ do bir janwarko talare dhạcri kul lekako hoyokʼa, bhiḍi pal talare dhạcri kul lekage; uni dhạcri kul do tinre bhiḍiko talareye bolokʼa unre onko doe sapʼkoa are or cirạkoa; ar celege onko do bako bańcao daṛeakoa.

Numeri 22:12

Menkhan Isor do Biliame metadea, “Noko hoṛ sãote alom calakʼa ar onko hoṛ hõ jãhãnakʼ alom sarapakoa, ente onko do ińren bhoran hoṛ kanako.”

Numeri 22:6

Noko hoṛ do iń khon hõko daṛegea; onate dela hijukʼme ar onko sarapakome. Ar onka khan pasecʼ onko doń bhagaokoa ar ińakʼ disạm khoniń laga ńir daṛeakoa. Iń do noa kathań baḍaegea, am okoeyem bhorako onko do sạrige bhorko ńama ar okoeyem sarapako onkore sarap do paṛaokʼgea.”

Numeri 23:24

Noko hoṛko do kul eṅga lekako teṅgo rakapʼa, ar dhạcri kul lekage onko doko beretʼa. Sendra gocʼko reakʼ mãyãm ar jel ạuriko jom hạbicʼ onko do bako jirạukʼa.”

Numeri 24:10

Niạ katha ańjomkate Balak do Biliam cetanre ạḍiye raṅgaoena. Ar acʼakʼ tiye ghusiketʼteye menkeda, “Ińren bạiriko sarapako lạgitʼ iń hoho ạguletʼmea menkhan am do niạ ghalokʼ pe dhaoem bhoratʼkoa.

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Mathae 25:45

“Uni do roṛ ruạṛ akoteye metakoa, ‘sạrigeń metapekana, noko ińren huḍiń utạrko modre jãhãe mitʼ hoṛ tinạkʼge bape nonkawade, unạkʼge iń hõ bape onkawạdińa.’ ”

Aposkạmi 9:5

Sạul doe menkeda, “E Probhu Isor, am dom okoekana?”

Dosar Biboron 30:7

Aperen Probhu Isor do aperen bạiriko cetanre noako sarape ạguiya one okoe do apeko hirkhạ apekan arko santaoetʼpe.