Numeri 24:8 - সান্তালী বাইবেল

⁸ Isor do Misor khon onkoe oḍok ạgu akatʼkoa, ar unige onkoren bir ḍaṅgrawakʼ daṛe leka do. Onko upạrte okoe jạtrenko teṅgona onko doe utʼ cabakoa, onkoakʼ jaṅ doe rạpudtakoa, ar sarte onko doe tuńkoa.

Numeri 24:8 Iomraidhean Croise

Sereńko 2:9

Mẽṛhẽtʼ ṭheṅgate am do onkom rạputʼkoa ar hasa reakʼ bhajan lekam tawakʼ gejer cabakoa.”

Sereńko 21:12

Ente am do onkoakʼ mẽtʼãhã ńelkae tinre amakʼ sarkom aṛaga, unre onko doko dạṛ pạnḍuja.

Sereńko 45:5

Rajren bạirikoakʼ koṛamre amakʼ laser sar do bidokʼkana; ar amren bạiriko do amakʼ jaṅga latarreko ńurokʼkana.

Sereńko 45:6

E Isor, amakʼ siṅghạson do jug cetan jugge; ar amakʼ ḍanṭao do dhorom reakʼ ḍanṭaokana.

Exodus 23:22

Uniyakʼ kathape luturakʼ ar iń okakoń lạiyakatʼ onape onkae enḍekhan iń do aperen bạirikoren bạiriń hoyokʼa ar okoe ape upạrteko teṅgokʼ onko upạrteń teṅgokʼa.

Jesaea 38:13

Ạuri setagokʼ hạbicʼ goṛo ńam lạgitʼ iń doń rakʼkeda. Dhạcri kul leka ińakʼ jaṅkom rạputʼketʼtińạ; ar mitʼ dinrege iń dom ses utạrińạ.

Jirimiạ 50:17

“Israel do chirchạtur akan bhiḍi palko leka kanae one dhạcri kule laga akade. Pạhilre Ạsurren raj do uniye jomkedea; ar mucạtʼre Babelren raj Nebukadnesar do uniyakʼ jaṅkoe tạhuṛketʼtaea.

Jirimiạ 50:9

Iń do utạr reakʼ disạm khon maraṅ maraṅ jạtrenkoń jarwakoa ar onkoń buskukote Babel upạrteń ạgukoa. Onko do Babel upạrte lạṛhại phạdko sapṛaokoa ar onako ạidạrijoṅa. Onkoakʼ sar do gạkhuṛ birbão hoṛko leka baṅ ạuṛiyagokʼtakoa.

Daniel 6:24

Okoeko hoṛ do hiskạte Danielko dusilede onko do rajakʼ hukum iạteko ạgu ocoyena ar onkoren bạhuko gidrạko sudhạ ona dhạcri kulkoakʼ khandṛaṅreko khalde ocoyena. Ar onḍe ạuriko ńurokʼrege dhạcri kulko do onkore jhãpko emkeda ar onkoakʼ jaṅko rạputʼ gejerketʼtakoa.

Numeri 14:9

Menkhan ape do Probhu Isor upạrte alope hula. Ona disạmren hoṛ hõ alope botorakoa; ente onko do bon kedokʼ mańjan daṛeakogea. Onko do ohogeko rukhiyạ daṛelena. Alogepe botorakoa ente Probhu Isor do abo soṅgere menaea.”

Numeri 23:22

Uni do Misor khon onkoe oḍok ạgu akatʼkoa, bir ḍaṅgrawakʼ daṛe leka onkoakʼ daṛe do.

Numeri 23:24

Noko hoṛko do kul eṅga lekako teṅgo rakapʼa, ar dhạcri kul lekage onko doko beretʼa. Sendra gocʼko reakʼ mãyãm ar jel ạuriko jom hạbicʼ onko do bako jirạukʼa.”

Dosar Biboron 32:23

“Iń do joto lekan muhinko ạgukate onko upạrteń jarwaea; ar ińakʼ sarko do onko cetanreń teraṅa.

Dosar Biboron 32:42

Makʼ gocʼ ar bondi akan hoṛkoakʼ mãyãmiń ńũ ocoyte ińakʼ sarkoń bul ocoytińa; ar ińakʼ tarwaṛe do jele joma, bạiriren mukhiyạkoren mathako reakʼge.

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Josuạ 2:10

Misor disạm khon oḍok hecʼen tayom Probhu Isor cetʼleka arakʼ doreão reakʼ dakʼ ape samaṅ khone ańjetʼ ocoletʼ ona hõle ańjomakada. Sihon ar Og ńutuman jordan gaḍa purub secʼren Amorikoren barea rajakʼ oka dosape hoyoco akatʼ tạkin ona hõle ańjom akatʼa.