Numeri 24:7 - সান্তালী বাইবেল

⁷ Taren reakʼ kanḍa khon dakʼ do dul oḍokokʼa, ar uniren bõs do aema dakʼreko tahena. Onkoren raj do Ogag khon hõe usulokʼa, onkoakʼ rajosṭi do ṭhonokte arhõ maraṅokʼa.

Numeri 24:7 Iomraidhean Croise

2 Samuel 5:12

Dạud do unreye bujhạukeda, Probhu Isor do Israelko cetanre acʼakʼ raj hudại ṭarhaoketʼa ar acʼren hoṛko, metatʼme Israelko lạgitʼ acʼakʼ rajosṭiye maraṅketʼtaea.

1 Rapajko 4:21

Phurạt gaḍa khon ehopʼkate Misor ar Philisṭikoakʼ disạm reakʼ simạ hạbicʼ sanam rajosṭiko do Solomonakʼ gobolrege tahẽkana. Solomon tinạkʼ din jiwetʼe tahẽkan unạkʼ dinge niạko disạmren hoṛko do bhejako emaekan tahẽkana ar uni gobolreko tahẽkana.

1 Rapajko 5:1

Turren raj Hiram do tinreye ańjomkeda, Solomon do acʼ apatakʼ jaegare raj hudạreye ojokʼ bahal ocoakana unre uni do Solomon ṭhen acʼren hoṛkoe kolkatʼkoa, ente Dạud tulucʼ uni do gate peṛa leka jopoṛao tahẽkantaea.

1 Bõsbudạ 14:2

Unre Dạud doe bujhạukeda, Probhu Isor do Israelko cetanre acʼakʼ raj hudại teṅgo dohoakada ar uniren hoṛko, metatʼme Israelko lạgitʼ acʼakʼ rajosṭiye maraṅketʼtaea.

Esra 4:20

Daṛean rapajko do Jerusalem khon phurạt gaḍa pạchim aṛe reakʼ goṭa ṭoṭhako rajokʼ kan tahẽkana ar onḍenko hoṛko hõ khajna, bheja ar mạsulko emokʼkan tahẽkana.

Ester 3:1

Niạko ghoṭna tayom Ahasberos raj do Agag Hamedatharen hopon Haman do rajosṭiren eṭakʼ eṭakʼ kạmiyạko khon cetan hudạre dohokedeteye manotkedea.

Sereńko 18:43

E Probhu Isor, ińren huhulkan hoṛko khon am dom bańcao akadińạ, ar eṭakʼ jạtrenko cetanre am do matha mentem dohoakadińạ; okoe bạń orom akatʼko onko hõ iń ṭhen golamko khaṭao akana.

Sereńko 68:26

Apeakʼ joto jarwakʼre Isor sarhaoepe; ape okoe dope Israel bõsren hoṛkan, ape do Probhu Isor sarhaoepe.

Sereńko 72:11

Sanam rajko do uniko ḍobokʼae ma. Ar sanam jạtrenko hõ uniko sewawae ma.

Sereńko 89:27

Uni do ińren pạhilicʼ hoponiń hoeocoyea; Dhạrtiren rapajko modre uni doń maraṅea.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jesaea 30:25

Enhilokʼ ḍher hoṛko gocʼ ocokʼa ar gaṛko do lạnduṛokʼa unre sanam buru boṭkocʼko khon dakʼko ạtu pheḍokʼa.

Jesaea 48:1

E Jakob bõsrenko, noa ańjompe. Ape okoe do Israelpe ńum ocokʼkan, ape do Jihudạ bõs khonpe hecʼakana, ape do Probhu Isor ńutumtepe kiriyạkʼ kana ar Israelren Isor ṭhenpe koejoṅ kana, menkhan sạri se dhoromte do bape onkayeda.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Jirimiạ 51:13

E Babel, am do ḍher dakʼ aṛerem thamgạḍi akana ar ḍher dhonem ạidạri akawana; amakʼ ses do seṭerakana, ar am kamanme reakʼ okte hõ seṭerakana.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Numeri 24:20

Amalekiko ńelte Biliam do Isorakʼ noa katha roroṛe ehopʼena: “Eṭakʼ sanam jạtrenko modre Amalekiko do maraṅko tahẽkana, menkhan onkoakʼ sesokʼ do maraokʼge hoyokʼa.”

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

Johan sodor 17:1

Okoe eae goṭen serma goḍetkoakʼ tire eae goṭecʼ bạṭi tahẽkan onko modren mitʼ hoṛ do hecʼkateye metadińạ, “Dela hijukʼme, aema dakʼ cetanre okoe kusmbiye duṛupʼakan uniyakʼ sạjạiyiń udukʼama.

Johan sodor 17:15

Ona tayom uni serma goḍete metadińạ, “Am do oka dakʼem ńelketʼ, okare uni kusmbiye duṛupʼakan, ona do ạḍi utạr disạm kana, ạḍi utạr hoṛ kanako, ạḍi utạr jạtrenko ar ạḍi utạr pạrsiko kana.

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”