Numeri 24:6 - সান্তালী বাইবেল

⁶ Onako do buru tala otetko leka, gaḍa aṛe reakʼ bagwanko leka, Probhu Isore rohoe akatʼ Aguru dareko leka, dakʼ aṛe reakʼ debdạru dareko lekage.

Numeri 24:6 Iomraidhean Croise

Genesis 13:10

Unre Lot do Jordan reakʼ bilạn ṭạnḍire ḍher dakʼko ar jaega hõ mońjgeye ńelkeda, metakʼme Probhu Isorakʼ bagwan leka, ar onka baṅre hõ Soyer calakʼ hor reakʼ Misor leka. Probhu Isor do un hạbicʼ hõ Sodom ar Gomora do bae ḍahao marao akatʼ tahẽkana.

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Sereńko 104:16

Probhu Isorakʼ sirjạuakʼ sanam dare nạ̃ṛĩko do ḍher dakʼe ńameda; ar uniye rohoe akatʼ Lebanon reakʼ debdạru dareko hõ dakʼe ńameda.

Sereńko 45:8

Gondhoros, kunduru ar darcini reakʼ mahkaote amakʼ raj horokʼakʼ do mahkaokʼ kana; ar hạti sonḍa reakʼ raj dolanre taranakʼ banam do ame rạskạ ocoyetʼmea.

Soros sereń 6:11

Buru lodamre sarhekʼkan nãwã itạko ńel lạgitʼ, darkha nạ̃ṛĩkore baha bhoṭogokʼ kana se baṅa ona ńel lạgitʼ ḍạlim darekore baha mõhẽkʼ kana se baṅa ona ńel lạgitʼ iń do badam dare bagwanteń pheḍ senlena.

Jesaea 41:19

Hahaṅkarre, debdạru, babla, mehndi ar jạitun darekoń rohoea ar khaṅkarre do saro, tạsur ar jhão darekoge,

Jesaea 58:11

Iń Probhuge Isorge sanam ghạṛicʼ iń ạyurpea; ar khaṅgoṭ jaegakoreń tirpit ocopea ar hoṛmore daṛeń danapea. Ape do dakʼ ńametʼkan bagwan lekape hoyokʼa ar nonkan dakʼ jharnakope hoyokʼa ona do baṅge ańjedokʼa.

Jirimiạ 17:18

Iń khedeńkanko do lajaoreko paṛaokʼma, menkhan iń do alom lajao ocoyińạ. Onko doko torasokʼma, menkhan iń do alom toras ocoyińạ. Onko cetanre muhin reakʼ din ạguiyme; ar dobṛa nosṭote jarkharkom!

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Jeheskel 47:12

Gaḍa reakʼ banar aṛetege sanam lekanakʼ jo reakʼ dare janamokʼa. Onako reakʼ sakam do baṅ tolmojokʼa, ar jo hõ baṅ cabakʼa. Jao candoge onare do jokʼa, ente mundil oṛakʼ khon onḍe do dakʼ ạtu hijukʼa. Onako reakʼ jo jom lạgitʼ ar sakamko do bogekʼ lạgitʼ beoharokʼa.”

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Numeri 24:5

uni do noa kathae meneda: E Jakob, amakʼ tạmbuko do tinạkʼ mońj! E Israel, tinạkʼ mońj amakʼ tahen jaega do!