Numeri 24:24 - সান্তালী বাইবেল

²⁴ Kitim dip aṛe khon jahajko do hecʼkate Ạsurrenko ar Eberrenkoe copotʼkoa; menkhan Kitimren hoṛ doko marao utạrokʼa.”

Numeri 24:24 Iomraidhean Croise

Genesis 10:4

Jawaren hopon doko hoyokʼkana Elisa, Tạrsis, Kitim ar Dodanim.

Genesis 14:13

Mitʼṭen hoṛ doe dạṛ paskao hecʼente Ibri hoṛ Abram ona khobore lạiyadea. Abram do ona jokhecʼ Amori hoṛ Mamreyakʼ Elon bir ṭhere girobasokʼ kan tahẽkana. Mamre do Eskol ar Anerren boehae tahẽkana. Unkin do Abram sãote gatekʼ reakʼkin bondobos akatʼ tahẽkana.

Jesaea 10:12

Probhu Isor do Sion buru ar Jerusalem upạrte acʼakʼ sanam kạmi sạtkateye mena, “Ạsurren rajakʼ bạḍại ontor ar uniyakʼ gorbote perecʼ beṅgetʼ doń sạjạiyea,

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Jesaea 23:1

Tur babotre Probhu Isorakʼ katha do nonka: E maraṅ maraṅ tạrsis jahajko, hae haeyokʼpe, ente Tur do jarkhar akana; onḍe do oṛakʼ hõ bạnukʼa, bondor hõ bạnukʼa. Ape do Kuprus disạm khon niạ sombatpe ańjomakada.

Jeheskel 27:6

Ar Bason disạm reakʼ Elon darete do amakʼ jahaj reakʼ ḍạḍuko benao akada; ar Kaprus khon Tạsur kaṭ ạgukate onko do amakʼ jahaj reakʼ anaṭetʼ benaokate hạti reakʼ ḍaṭateko sajao akada.

Daniel 10:20

Unre uni do ińe metadińa, “Amem baḍaea cetʼ lạgitʼ am ṭheniń hecʼakana? Sạriyakʼ puthire oka olakan ona baḍae ocome lạgitʼgeń hecʼakana. Parasren mukhiyạ upạrte lạṛhại lạgitʼ iń do usạrateń ruạṛ calakʼa ar ińiń calaolen tayom Junạnren mukhiyạ hõ lạṛhại lạgitʼe oḍok hijukʼa. Amren hoṛkoren mukhiyạ uni Mikayel chaḍa ar okoehõ uni upạrte teṅgo goṛowạńko do bạnukʼkoa.

Daniel 11:30

Ente Kitim reakʼ jahajko do uni upạrte hijukʼa ar uni doe as chuṭạukʼa. Unre uni do ruạṛkate sonot bondobos birudte acʼakʼ kusilekae kạmiya. Uni do ruạṛ hecʼkate okoe sonot bondobosko bạgi akatʼ onkoe moneyakoa.

Daniel 11:45

Doreão ar mońj sonot buruko talare uni do acʼakʼ raj tạmbui bereda. Menkhan uni do acʼakʼ mucạtʼ secʼgeye mohnḍakʼa ar celege uni do bako goṛowaea.

Daniel 2:35

Unre ona mẽṛhẽtʼ, jaṭaṅ hasa, pitạl, rupạ ar sona do mitʼdomte gejerena ar niron din reakʼ khạrại bhusạ leka hoyena, ar hoe do onakoe oṭaṅ idikeda, ar onako lạgitʼ do okare hõ ṭhạ̃i baṅ hoylena, Ar okaṭakʼ dhiri ona boṅga muṭhạnre josen, ona do mitʼṭecʼ maraṅ buru hoyena, ar goṭa dhạrti perecʼena.

Daniel 2:45

Ente am dom ńel akada, buru khon mitʼṭen dhiri do begor manwa titege chaḍao ńurena ar ona dhiri do, pitạl, jaṭaṅ hasa, rupạ ar sonae gejerkeda; maraṅ Isor do noako hoyokʼ lạgidokʼ ghoṭnakoge am doe baḍae ocoakatʼmea; kukmũ do khạṭigea ar ona reakʼ bhedtetʼ hõ sạrigea.

Daniel 8:21

Uni upʼan merom doe hoyokʼkana Junạn reakʼ rajosṭi ar uniyakʼ banar mẽtʼkin tala reakʼ maraṅakʼ dereń do hoyokʼ kana ona rajosṭiren pạhilicʼ raj.

Numeri 24:20

Amalekiko ńelte Biliam do Isorakʼ noa katha roroṛe ehopʼena: “Eṭakʼ sanam jạtrenko modre Amalekiko do maraṅko tahẽkana, menkhan onkoakʼ sesokʼ do maraokʼge hoyokʼa.”

Numeri 24:23

Ona tayom Biliam do Isorakʼ noa katha roroṛe ehopʼena: “Hae! Isor noakoe hoe ocoyre, unre cetʼ jãhãe jiwetʼe tahẽdaṛeakʼa?

Mathae 24:15

“Daniel nạbi hotete ujạṛ reakʼ hirkhạwakʼ reaṅ oka roṛ akan ona sonot jaegare teṅgo akanpe ńellere (okoeye paṛhaoetʼkan uni doe bujhạuma),

Luk 20:24

“Mitʼṭecʼ Dinar udukʼạńpe. Noare okoeyakʼ muṭhạn ar okoeyakʼ ńutum ol menakʼa?” Onkoko menkeda, “Romren maharajakʼ.”

Johan 11:48

Ar nonkage bon aṛakʼ idiyae khan sanamkoge unireko pạtiạukʼa ar Romiko do hecʼkate aboakʼ mundil ar jạtko marao tabona.”