Numeri 24:10 - সান্তালী বাইবেল

¹⁰ Niạ katha ańjomkate Balak do Biliam cetanre ạḍiye raṅgaoena. Ar acʼakʼ tiye ghusiketʼteye menkeda, “Ińren bạiriko sarapako lạgitʼ iń hoho ạguletʼmea menkhan am do niạ ghalokʼ pe dhaoem bhoratʼkoa.

Numeri 24:10 Iomraidhean Croise

Nehemiạ 13:2

Niạ reakʼ karon do hoyokʼkana, Mose bidạlre onko do jomakʼ ar ńũi lạgitʼ dakʼ hõ Israelko bako ematʼko tahẽkana, ar onko sarapako lạgitʼ Biliamko bhaṛa ạguledea. Menkhan aboren Isor do sarap bodolteye bhoratʼ bon tahẽkana.

Jobakʼ 27:23

Ona hoe do cigạriateye thayoya, ar onkoakʼ ṭhạ̃i khon sũ sũkateye laga oḍokkoa.

Jeheskel 21:14

“Onate E manwa hopon, am do nạbi katha roṛme ar ti thayoyme. Ona tarwaṛe do bar dhao, se pe dhaoge hecʼ ocoge. Noa do gocʼ ocokʼko lạgitʼ, hẽ ḍherko gocʼko lạgitʼ mitʼṭecʼ tarwaṛe kana; ona do beṛhaete onkoe gherao akatʼkoa.

Jeheskel 21:17

Ińhõ tiyiń thayoya ar ińakʼ jaljalaokʼ edreń tirpit ocoytińạ. Iń Probhu Isorge noa katha doń meneda.”

Jeheskel 22:13

“ ‘Am okaṭakʼ behokakʼem lab akatʼ ar am talare okaṭakʼ mãyãmem joro ocoakatʼ ona lạgitʼ khạṭige iń do ti thayowateń hạ̃nmea.

Numeri 22:11

‘ńelme Misor disạm khon mitʼ dol hoṛko oḍokʼ hecʼakana ar disạmko chạplạu ạcur akada. Onate ńitokʼ hecʼkate am do iń secʼte onko hoṛko sarapakome. Enḍekhan pasecʼ onko do lạṛhạiteń bhagaokoa ar nonḍe khoniń laga ńir daṛeakoa.’ ”

Numeri 22:17

Uni do ạḍiye manotmea ar okam khoj onageye onkawama. Uni doe khojkana jemon senkate uni secʼ khon onko hoṛkom sarapako.”

Numeri 22:6

Noko hoṛ do iń khon hõko daṛegea; onate dela hijukʼme ar onko sarapakome. Ar onka khan pasecʼ onko doń bhagaokoa ar ińakʼ disạm khoniń laga ńir daṛeakoa. Iń do noa kathań baḍaegea, am okoeyem bhorako onko do sạrige bhorko ńama ar okoeyem sarapako onkore sarap do paṛaokʼgea.”

Numeri 23:11

Noa katha ańjomkate Balak do Biliame metadea, “Noa do cetʼem cekawạdińa? Iń do ińren bạiriko sarapako lạgitʼ iń ạguketʼmea ar am do onkom bhoratʼkoa.”

Numeri 24:11

Am do ńitge nonḍe khon amakʼ disạmte ruạṛ calakʼme. Iń do ạḍitetʼ manotmeyiń menleda menkhan Probhu Isor do bae ńam ocowatʼmea.”

Numeri 24:9

Dhạcri kul ar kul eṅgal leka onko doko burumokʼa arko kunḍlạṅ hapekokʼa, unre onko beretʼko reakʼ do okoeye dilkea? Okoe apeko bhorape onkage onkore hõ bhor paṛaokʼma; ar okoe sarapko emape, onkage onko cetanre hõ sarap paṛaokʼma.”

Aposkạmi 11:10

Nonkage pe dhao hoyena, ar ona tayom jotowakʼ do arhõ sermate rakapʼ ocoyena.

Dosar Biboron 23:6

Tinạkʼ din jiwetʼpe tahen unạkʼ din onko bhạlạiko reakʼ alope kurumuṭuiya.