Numeri 23:9 - সান্তালী বাইবেল

⁹ Iń do buru muthni khoniń ńelketʼkoa; ar buru cetan khon onkoń ạribạndhi akatʼkoa. Nonkan mitʼṭen jạtrenkoń ńelketʼkoa okoe do eṭakʼko khon pharakreko tahenkan; onko do eṭakʼ sanam jạtrenko sãote midokʼko lekako baṅkana.

Numeri 23:9 Iomraidhean Croise

Esra 9:2

Onko do apnartetʼ ar onkoren hoponko lạgitʼ bạhu lekate onko jạtren kuṛiko hataoketʼkoa, ar nonkate onko do sonot jạtrenko tulucʼko mesalena. Noa bepạtiạr reakʼ hor do mukhiyạko ar cetan hudạren kạmiyạkoge pạhilre horko udukʼatʼkoa.”

Ester 3:8

Haman do unre Ahasberos raje metadea, “Amakʼ rajosṭi reakʼ tabe disạmkore judạ judạ jạtrenko modre mitʼṭecʼ jạtrenko doko pasnao akana. Eṭakʼ sanam jạtrenko khon onkoakʼ ạn-ạriko do begargetakoa ar rajakʼ ạn hõ onko do bako manaoeda. Onate onko jiwetʼ dohoko do baṅ bhagea.

Exodus 33:16

Ale sãote bam senlen khan cekatele baḍaea, amakʼ daya do iń ar amren hoṛko cetanre menakʼa mente? Iń ar amren hoṛko dhạrtiren eṭakʼ hoṛko khonle begarge ona do cekatele bujhạu daṛekea?”

Jirimiạ 46:28

E ińren guti Jakob, alom botorokʼa, ente iń do am sãorege minạńa. Okoe jạtrenko talareń laga ńirletʼme onko jạtrenkoń marao utạrlekore hõ am do purạte bạń maraomea. Ar begor sạjạite hõ bạń aṛakʼmea, menkhan hok reakʼ bicạrtegeń ḍanṭaomea.”

Jirimiạ 49:31

E Babelrenko, ape do beretʼpe, ar khạtirjomako tahenkan onko jạtrenko cetanre jhãp empe. Onko jạtrenko do phaṭok duạr hõ bạnukʼtakoa, huṛkạṛ hõ bạnukʼa; onko do ako motogeko girobasokʼ kana.

Amos 9:9

Iń do hukumiń emokʼa, ar calate guhum cetʼlekako calae onkage sanam jạtrenko tala khon Israel bõsrenkoń calakoa, menkhan muṭkuri do mitʼṭecʼ hõ otre baṅ ńurokʼa.

Mikạ 7:14

E Probhu Isor, am do ṭheṅgate gukʼpiko leka amren hoṛko ạtińkom. Ente onko do amakʼ palren kangeako. Onko beṛhaete ạtiń ṭạnḍi menakʼre hõ onko do eskarge hahaṅkarreko girobasokʼ kana. Ḍher din lahare cetʼlekako ạtińkan tahẽkan onkage Bason reakʼ Gileadre jemonko ạtiń daṛeakʼ.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Dosar Biboron 32:8

Maraṅ Isor do tinre eṭakʼ jạtrenko sompottiye hạṭińatʼkoa, ar manwa hoponko tinre eṭakʼ eṭakʼ jạtreye hạṭińketʼkoa, unre Israel jạtrenkoakʼ lekhae disạ dohṛaketʼte eṭakʼ jạtrenkoakʼ simạnakoe ṭhik dohoatʼkoa.

Dosar Biboron 33:28

Onate Israel do khạtirjomae tahena. Jakob reakʼ jharna do eskarge tahena; onḍe do ḍher phosol ar nãwã darkha rasa hoyokʼa, ar onare do serma reakʼ sisir dakʼe jorowakʼa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.