Numeri 23:5 - সান্তালী বাইবেল

⁵ Unre Probhu Isor do Biliamakʼ mocare katha dohoadeteye metadea, “Am do Balak ṭhen ruạṛ senkate noako katha lạiyaeme.”

Numeri 23:5 Iomraidhean Croise

Exodus 4:15

Ar tinre uni sãote katham roṛa unre unim lạiyaea cetʼ roroṛ hoyokʼtaea mente. Iń do aben bana hoṛge katha roṛ lạgitʼ iń goṛoabena ar cetʼ cekae hoyokʼa ona hõń cetʼabena.

Kạhtukko 16:1

Manwa do mon monteye ponthayeda, menkhan mocate ona sodorokʼ reakʼ ektiạri do Probhu Isor ṭhen khonge hijukʼ kana.

Kạhtukko 16:9

Manwa do acʼakʼ hor tearjoṅ reakʼe ponthayeda, menkhan uniyakʼ taṛam do Probhu Isorgeye sojheyetʼtaea.

Jesaea 51:16

Ińakʼ kathako do apeakʼ mocareń emakada ar ińakʼ ti reakʼ umulreń danaṅ akatʼpea. Serma do acʼakʼ jaegareń dohoakada ar dhạrti do rehetʼ iń bạisạu akada. Ar Sion doń men akawadea, ‘am dom ińren hoṛ kana.’ ”

Jesaea 59:21

Onko lạgitʼ ińakʼ bondobos do noage: ińren Jiu okoe do apere menae ar ińakʼ okako katha apeakʼ mocareń emakatʼ ona do ape, aperen hoponko ar onkoren hoponkoakʼ moca khon baṅ adokʼa; ona do ńit khon jaejug hạbicʼ tahẽ akae tahena. Iń Probhu Isorge noa katha doń meneda.”

Jirimiạ 1:9

Ona tayom Probhu Isor do ti tiạrkate ińakʼ mocae joṭetʼketʼteye metadińạ, “Nitokʼ do amakʼ mocare ińakʼ kathakoń dohokeda.

Numeri 22:20

Ona ńindạ Isor do hecʼkate Biliame galmaraoadea, “Noko hoṛ hõ hohoam lạgitʼko hecʼakana onate onko sãote calakʼme, menkhan iń okań metam eken onagem kạmiya.”

Numeri 22:35

Probhu Isorren goḍet do Biliame metadea, “Am do onko hoṛko sãote calakʼme, menkhan iń okaṭakʼ iń metam eken onagem roṛa.” Unre Biliam do Balake kolletʼko mukhiyạko sãoteye calaoena.

Numeri 23:16

Probhu Isor do Biliam sãoteye ńapamente uniyakʼ mocare kathae dohoadea, “Am do Balak ṭhen ruạṛ senkate noa katham lạiyaea.”

Numeri 23:4

Unre Isor do uni sãoteye ńapamena. Ar Biliam doe menkeda, “Iń do eae goṭecʼ pinḍ iń benao akada ar mitʼke mitʼ pinḍ cetanre mitʼṭenkate ḍaṅgra ar mitʼṭenkate bheḍań samaṅketʼkoa.”

Numeri 23:6

Unre Biliam do Balak ṭhene ruạṛ calaoena. Are ńelkeda, Balak do Moabren sanam mukhiyạko tulucʼ samaṅ akatʼko janwar ṭhene teṅgo akana.

Luk 12:12

Ente unre cetʼko roroṛ hoyokʼtapea ona do sonot Jiugeye cetʼapea.”

Johan 11:51

Kaeapha do noa katha apnar khone roṛleda ona do baṅ menkhan uni do ona bochorren maraṅ naekeye tahẽkana. Onate uni doe nạbileda, Jihudi jạtrenko lạgitʼ Jisugeye gujukʼa mente.

Dosar Biboron 18:18

Iń do onkoren Israel boehako tala khon onko lạgitʼ am leka mitʼṭen nạbiyiń teṅgo akoa. Ar uniyakʼ mocatege ińakʼ kathakoń roṛa, ar iń oka lạlạiyiń hukumae onage uni doe roṛa.