Numeri 23:21 - সান্তালী বাইবেল

²¹ Uni do Jakobre cetʼ ghạṭge bae ńel akada, ar Israelkoakʼ bhạgre jãhãn dukge bae dohoakada. Onkoren Probhu Isor do onko sãorege menaea, ar onkoren rajakʼ sạhnạs do onko ṭhenge menakʼa.

Numeri 23:21 Iomraidhean Croise

2 Bõsbudạ 13:12

Isor do ale sãore menaea; unikangeae aleren mukhiyạ do. Uniren naekeko do sakwako oroṅetʼte ape upạrte lạṛhại lạgitʼ ale sãote menaea. E Israelren hoṛko, aperen hapṛamkoren Probhu Isor upạrte do alope lạṛhạiya, ente bape jo baha daṛeakʼa.”

Sereńko 103:12

Pạchim khon purub tinạkʼ sạńgińakʼkan, onkage aboakʼ kại hõ sạṅgińteye ocokʼ giḍikakʼa.

Sereńko 118:15

Dhorom hoṛkoakʼ oṛakʼre bańcaokʼ reakʼ rạskạ ańjomokʼkana; Probhu Isorakʼ daṛeanakʼ ti do bhageakʼe kạmiakada.

Sereńko 135:21

E Probhu Isor, okoe do Jerusalemreye tahenkan, uniyakʼ sarhao do Sion khon hoyokʼma. Probhu Isorakʼge sarhao hoyokʼtae ma.

Sereńko 23:4

Gujukʼ umul reakʼ lodamreń taṛamlere hõ muhinko reakʼ do bạń botorokʼ kana, ente am do iń sãore menama; ar amakʼ ṭheṅga ar ṭhuṅgrạ do muhin khonkin bańcaoińạ.

Sereńko 32:2

Bhạgangeae uni hoṛ, one okoeyakʼ dosko Probhu Isor doe ikạ akatʼtae, ar ontorre jãhãn eṛeteakʼ bạnukʼtae.

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

Sereńko 97:1

Probhu Isorgeye raj kana; dhạrti doe rạskạkʼma, ar sạṅgiń reakʼ dipko hõko kusikʼma.

Sereńko 99:2

Sionreye tahenkan Probhu Isor doe maraṅgea; sanam jạtrenko do uni taberen kanako.

Exodus 13:21

Probhu Isor do hore udukʼ idiyako lạgitʼ siń do mitʼṭecʼ rimil khunṭire ar ńindạ do marsal emokʼ lạgitʼ seṅgel khunṭire tahẽkate onko laha lahateye calakʼkan tahẽkana. Nonkate onko do siń ar ńindạ jao oktegeko sen daṛeakʼkan tahẽkana.

Exodus 3:12

Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Jesaea 12:6

E Sionren hoṛko, ape do andoṛpe ar rạskạte sereńpe, ente Israelren uni sonoticʼ do maraṅgeae ape talare.”

Jesaea 33:21

Onḍe daṛean Probhu Isor do aboakʼ bhạlại lạgitʼe tahena. Onḍe do osar osar gaḍa ar nalako tahena. Onḍe do lạukạ hõ baṅ calakʼa; ar jãhãn daṛeanakʼ jahaj hõ ona cetante baṅ calakʼa.

Jesaea 33:22

Probhu Isorge aboren hokren bikʼcạricʼ ar aboren cakʼlaoyicʼ do; Probhu Isorge aboren raj, unige abo doe rukhiyạbona.

Jesaea 38:17

“Ńelme, ińakʼ bhạlại lạgitʼge niạ bạṛicʼ jontronań jomeda menkhan nosṭokʼ reakʼ khorloṅ khon am do amakʼ dulạṛtem bańcao akadińạ. Ar ińakʼ joto kạikom capatʼ giḍi akada.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Jesaea 8:10

Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”

Jirimiạ 50:20

Onako dinre ar onako oktere Israel reakʼ ghạṭko ńam baṛakʼa menkhan mitʼṭecʼ hõ baṅ ńamokʼa, ar Jihudạ reakʼ kạiko hõ ńam baṛakʼa menkhan mitʼṭecʼ hõ baṅ ńamokʼa, ente jiwetʼ okoyiń dohoko onko doń ikạkoa.

Jeheskel 48:35

Nagraha beṛhaete bhit reakʼ jokha do hoyokʼa gel irạl hajar ḍaṅ. Ar un khon nagraha reakʼ ńutum do hoyokʼa, ‘Probhu Isor do nonḍege menaea.’ ”

Joel 2:27

Unrepe baḍae daṛeakʼa, ińge Israelko talare minạńa ar iń kangeạń aperen Probhu Isor do, ar iń do eṭagicʼ doń baṅkana; ińren hoṛ do ar tishõ bako lajao ocokʼa.

Levitikus 9:24

Ar Probhu Isor ṭhen khon seṅgel oḍok hecʼente pinḍ cetan reakʼ jeredokʼ samaṅokʼakʼ ar sanam itilkoe jomkeda. Ar noa ńelte hoṛ doko sạhnạskeda ar taberenteko sewakeda.

Numeri 14:18

‘Probhu Isor do ạḍi anecʼ edrekʼicʼ ar dayateye kisạ̃ṛgea uni do behok ar hul ikʼkạyicʼ kanae menkhan dusiyicʼ doe sạjạiyea; ar apatkoakʼ kại do hoponko ṭhen pe pon piṛhi hạbicʼe pańja halayetʼkana.’

Numeri 14:19

Misor disạm bạgiyakʼ khon ńitʼ hạbicʼ cetʼlekam ikạ akatʼko onkage amakʼ ona asambheṛ dayate onko hoṛakʼ ghạṭko ikạkatakom.”

Numeri 16:3

Onko do Mose ar Aron upạrte dol pakaokate hecʼenteko menkeda, “Aben do ạḍi ben taṛam lahayeda. Goṭa Israel somajren mitʼke mitʼ hoṛ do Probhu Isor ńutumteko begar ocoakana ar Probhu Isor hõ onko sãote menaea. Menkhan Probhu Isorren hoṛko cetanre cedakʼ apnarteben usulokʼ kana?”

Numeri 9:22

Bar din hoyokʼ se mitʼ cando hoyokʼ se ona khon ḍher din hoyokʼ, tinạkʼ din rimil sekʼwa tạmbu cetanre tahenkan tahẽkan unạkʼ dinge Israelko do ḍerareko tahenkan tahẽkana. Menkhan rimil ocokʼlen khan onko do arhõko mohnḍakʼkan tahẽkana.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Romiko lạgitʼ Pạul Apostolakʼ ciṭhi 6:14

Ape do kạiren golamko dope baṅkana, ente Isorakʼ daya tạriren kanape, ạn-tạriren dope baṅkana.

Romiko lạgitʼ Pạul Apostolakʼ ciṭhi 8:1

Okoe Jisu Mạsireko kolom mitʼakan Isor do onko sạjạiyokʼ lek kanako mente bae hudiskoa.

2 Korinthiko 2:14

Isoriń sarhaoede kana, Mạsi tulucʼ bon mitʼ akante ar Isor do acʼakʼ jitạuakʼre jaogeye ạyuretʼbon kana. Mạsi baḍaeye do mitʼṭecʼ mahkaokʼkan so leka. Isor do acʼakʼ jitạuwakʼre ona jut so ale hotete sanam jaegareye mahkao ocoyeda.

2 Korinthiko 5:19

Metakʼme, Isor do manwawakʼ ghạṭko bae lekhayetʼtakote Mạsi hotete acʼ tulucʼe samgeyetʼkoa, ar ona samge reakʼ kathako baḍae ocoko reakʼ dạyik do aleye emakatʼlea.

2 Korinthiko 6:16

Isorakʼ mundilre boṅga muṭhạnkoakʼ jaega do okare? Aboge coṅ jiwetʼ Isorakʼ tahen oṛakʼkan bon. Sonot sostore meneda, “Iń do ińren hoṛko talareń girobasokʼa, ar onko tulucʼ iń dãṛãna. Iń do onkoren Isorriń hoyokʼa, ar onko do ińren hoṛko hoyokʼa.”

Dosar Biboron 31:23

Probhu Isor do Nunren hopon Josuạ noae hukumadea, “Daṛeanicʼ hoyokʼme ar monre dil dohoyme. Ente oka disạm emokʼ lạgitʼ iń gokʼletʼ ariń kiriạlen onḍe do amgem idikoa. Ar ińge am sãoteń tahena.”

Dosar Biboron 32:5

“Acʼren hoṛko do unire bạṛicʼko beohar akada. Onkoakʼ dos dạgi iạte uniren hopon ar hoponera doko baṅkana. Onko do bin pạtiạran ar phepṛa hoṛ kanako.

Dosar Biboron 33:5

Tinre Israelren mukhiyạko, ar onko sãote Israel khũṭren sanamkoko jarwayena. unre Jisurun raj do Probhu Isorgeye tahẽkana.”

Dosar Biboron 9:24

Iń do ape tis khoniń baḍae akatʼpe un khongeń ńelakada, ape do Probhu Isor upạrtepe ṭhok ạguakada.

Bikʼcạrko 6:13

Gideone menkeda, “Menkhan E ińren Probhu Isor, am ale sãote menam khan enḍekhan ale cetanre noako do cedakʼ hoyokʼkana? Ar okayena uniyakʼ ona hahaṛa kạmiko one uniyakʼ katha aleren hapṛamko ṭhen khonle ańjomakatʼ, Probhu Isorge Misor disạm khone oḍok ạguletʼkoa mente? Menkhan ńitokʼ uni do aleye dea giḍiakatʼlea ar Midiạnrenkoakʼ tireye jimạ akatʼlea.

1 Samuel 25:28

Amren kạ̃ṛmĩyakʼ behokakʼ do dayakate ikạkakʼme. Probhu Isor do khạṭige ińren mạlikakʼ bõse teṅgo ṭarhaoa, ente uni do Probhu Isorakʼgeye lạṛhại kana. Ar ńit hạbicʼte amre cetʼ bạṛicʼakʼge baṅ ńel akana ar baṅ ńamokʼa.