Numeri 23:19 - সান্তালী বাইবেল

¹⁹ Isor do manwae baṅkana onate uni do eṛe kathae roṛa; uni do manwa khon hõ bae janam akana, onate moneye bodoltaea. Uni okae men ona do hoyokʼgea, ar acʼakʼ gokʼakʼ do jaogeye purạueda.

Numeri 23:19 Iomraidhean Croise

Genesis 26:3

Ńitokʼ noa disạmre thoṛa din lạgitʼ tahẽ hataṛokʼme. Ar iń do am sãote tahẽkate amiń bhorama. Noako disạm do am ar am bõsren hoṛkoń emakoa. Ona chaḍa iń do amren baba Abraham ṭhen okań kiriạlen ona hõń disạ dohoya.

Genesis 28:15

Iń do am sãotege minạńa; ar jãhãtegem calakʼ iń do amiń rukhiyạmea. Noa disạmtege arhõń ruạṛ ạgumea. Ar okań galmarao akatʼme ona ạuriń purạu hạbicʼ iń do bạń bạgi giḍimea.”

1 Rapajko 14:11

Uniyakʼ bõsren okoeko nagrahareko gujukʼ onko do setakoko jomkoa ar bilạn ṭạnḍire okoeko gujukʼ onko do cẽṛẽkoko jomkoa. Iń Probhuge niạ katha doń meneda.’

2 Rapajko 15:12

Probhu Isor do Jihu okae metade tahẽkan, “Amakʼ bõsren pon piṛhi hạbicʼ Israelakʼ siṅghạsonreko duṛupʼa” ar ona do purạuena.

2 Rapajko 7:2

Raj do okoe gutiye goṛowade tahẽkan uni guti do Isorren hoṛe metadea, “Ńelme, Probhu Isor do serma reakʼ duạrkoe jhicʼlere hõ onka do ohoge hoylena?” Elisaeye roṛ ruạṛkeda, “Amakʼ mẽtʼtege noa dom ńela, menkhan am do ona reakʼ cetʼge bam jom ńama.”

1 Bõsbudạ 17:17

E Isor, niạge cetʼ amakʼ mẽtʼre baṅ ḍhera; one amren gutiren bõsakʼ tayom daram reakʼ katha hõm roṛakatʼ. E Probhu Isor, iń do mitʼṭen maraṅ hoṛ mentem udukʼ idiń kana.

Sereńko 110:4

Probhu Isor doe kiriạ akana, “Am do jaejug hạbicʼ Melkisedek lekan naeke kanam.” Noa reaṅ uni do ar bae kastaokʼa.

Sereńko 132:11

Probhu Isor do Dạud ṭhen noageye kiriạlena one okaṭakʼ do tisge bae rạpud, “Amren mitʼṭen hopon do amakʼ siṅghạsonreń duṛubea.

Sereńko 77:9

Isor do cetʼ dayakʼe hiṛińkeda? Uni do cetʼ edre iạte acʼakʼ dayaye bond dohoakada?

Sereńko 89:34

Ińiń dohoakatʼ bondobos do bạń rạpuda; ińakʼ moca okae menetʼkan ona do bạń bodola.

Sereńko 89:35

Ińakʼ sonot gokʼakʼte iń do mitʼ dhaogeń roṛ dohoakada iń do Dạud ṭhen tisge eṛe do bạń roṛa;

Jesaea 21:17

Kedarren dhinkiạko modre thoṛa hoṛge jiwetʼko tahena. Israelren Probhu Isor do niạ kathageye meneda.”

Jesaea 31:2

Enrehõ uni doe ạkilangea, uni do ghoṭnakoe hoeocoya; acʼakʼ katha do bae ruạṛtaea. Uni do bạṛicʼko upạrte ar onkoren gokʼṛoko upạrteye beredokʼa.

Jesaea 40:8

Ghãs do rohoṛokʼa ar baha do ńurokʼa menkhan aboren Probhu Isorakʼ katha do jaejug tahẽ akan tahenkana.”

Jesaea 46:11

Ińakʼ monsubạ purạutiń lạgitʼ iń do sạṅgiń disạm khon mitʼṭen hoṛiń hoho ạguiyea; uni do purub disạm khon sendra cẽṛẽ lekae hijukʼa. Ar iń okań menakatʼ ona doń purạugea ar okań goṭa akatʼ ona hõń hoeocoygea.

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

Jirimiạ 4:28

Dhạrti doe homor halaṅa ar coṭ sermako do ńutokʼa, ente ińge noa katha doń meneda. Noa do ińgeń ṭhik dohoakada; ona khon do bạń pạc ruạṛokʼa, ona doń hoeocoygea.”

Daniel 4:28

Noako sanam do Nebukadnesar raj cetanre paṛaoena. Ar gelbar cando tayom tinre uni do Babelre raj doṅgol reakʼ chatreye dãṛãbaṛae kan tahẽkana unreye menkeda, “Ińakʼ maraṅ daṛe hotete ar ińakʼ ṭhonok sodorokʼ lạgitʼ raj naṅgraha lekate okań benao akatʼ ona do cetʼ noa maraṅ Babel do baṅkana?”

Hosea 11:9

Ińakʼ botoranakʼ edre do bạń sodora, Ephrayim do ar bạń marao utạrea, ente iń doń Isor kana, manwa do baṅa; iń do amreń tahenkan uni sonoticʼ kangeạń. Edre do bạń ạguiya.

Mikạ 7:20

Ḍher din lahare am do aleren hapṛamko ṭhen cetʼlekam gokʼletʼ onkage Abraham ar Jakob bõsrenko ṭhen pạtiạranicʼ baṛe tahenme ar amakʼ asambheṛ dulạṛ baṛe sodorme.

Habakkuk 2:3

Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Malaki 3:6

“Iń kangeạń Probhu Isor do, ińakʼ jãhãn mon bodol do bạnukʼtińạ. Ona iạte E Jakob bõsrenko, ape do bape marao ocokʼa.

Numeri 14:35

Noko bạṛicʼ jạtren hoṛko okoe do iń upạrte dolko pakaoetʼ onko sanamkoge niạ hahaṅkarreń marao cabakoa. Iń Probhu Isorge noa katha doń meneda.”

Numeri 23:18

Biliam do unre Isor emakʼ niạ katha lạlạiye ehopʼkeda: “E Balak raj ma beretʼme, ar ańjomme; E Sipor hopon, ińakʼ katha baṛe luturakʼme.

Luk 21:33

Ot ar serma do cabakʼa, menkhan ińakʼ kathako do jaejug hạbicʼ tahena.

Romiko lạgitʼ Pạul Apostolakʼ ciṭhi 11:29

Isor okae dan ar okoeye hohowae ona babotre acʼakʼ mon do bae bodoltaea.

Romiko lạgitʼ Pạul Apostolakʼ ciṭhi 9:6

Isorakʼ katha je eṛeteakʼ hoyakan ona do baṅa, ente okoe Israel jạtrenko talareye janam akan onko sanamkoge khạṭi Israel doko baṅkana.

2Timothi 2:13

Abo do bepạtiạrko bon hoylenre hõ uni do pạtiạricʼgeye tahena, ente acʼtetʼ do ohoe baṅ daṛelena.

Titus lạgitʼ Pạul Apostolakʼ ciṭhi 1:2

Iń do jaejug jion ńam reakʼ aste Mạsiń sewawae kana. Dhạrti ạuri sirjạure bin eṛeyicʼ Isor do noa jion imạń reakʼe gokʼ akawạdińa.

Ibriko 6:18

Isorakʼ gokʼakʼ ar kiriạ do tishõ baṅ bodolokʼa. Okoe secʼ hõ Isor do eṛe bae roṛa, uni do noa gokʼakʼreye kiriạ akana, jemon abo samaṅre oka as menakʼ ona kajakte sapʼ dohoy lạgitʼ bạ̃ṛti udgạu bon ńam.

Ibriko 7:21

menkhan Jisuye maraṅ naekeye jokhecʼ doe kiriạlena. Sonot sostorre noa reaṅ ol akana, Probhu Isor doe kiriạyena, “Am do jaejug hạbicʼ naeke kanam.” Noa babotre uni do acʼakʼ mon bae pheraotaea.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Jakob 4:5

Ape do cetʼpe hudiseda, sonot sostorre ạuṛiyakʼge noa kathae meneda je, sonot Jiu, one Isor do aboakʼ ontorreye emakade, uni do aboakʼ bhokti ńam lạgitʼe koyokʼ hor akada mente?

Josuạ 21:45

Probhu Isor do Israelko bhạlạiko reakʼ okae gokʼatʼko tahẽkan ona reakʼ mitʼṭecʼ hõ sarecʼ do baṅ tahẽlena, uni do jotogeye purạukeda.

1 Samuel 15:29

Okoe doe Israelkoren ṭhonokicʼ kan uni do eṛe katha bae roṛa se mon hõ bae bodoltaea. Uni do manwa doe baṅ kana, onate mone bodoltaea mente.”

1 Samuel 3:12

Iń do Eliyakʼ bõs reaṅ okako kathań roṛakatʼ ona reakʼ pạhil khon mucạtʼ hạbicʼ Eli upạrte jotowakʼgeń purạua.