Numeri 23:15 - সান্তালী বাইবেল

¹⁵ Ona tayom Biliam do Balake metadea, “Am do jeredokʼ samaṅokʼ lạgitʼ janwarko sorrege tahẽhataṛokʼme, ar iń do Probhu Isor sãoteń ńapam hecʼlenge.”

Numeri 23:15 Iomraidhean Croise

Numeri 22:8

Unre Biliam do onkoe metatʼkoa, “Ńindạ do nonḍege tahẽ aṅgakʼpe. Ar Probhu Isor okaṭakʼe roṛ ruạṛạń onageń baḍae ocopea.” Onate Moabren onko mukhiyạ do uni sãoteko tahẽyena.

Numeri 23:14

Niạ menkate Balak do Pisga buru muthnire okare Sophim ṭạnḍi menakʼ onḍe uniye idikedea. Onḍe uni do eae goṭecʼ pinḍ benaokate mimitʼ goṭecʼ cetanre mitʼṭenkate ḍaṅgra ar mitʼṭenkate bheḍae samaṅketʼkoa.

Numeri 23:16

Probhu Isor do Biliam sãoteye ńapamente uniyakʼ mocare kathae dohoadea, “Am do Balak ṭhen ruạṛ senkate noa katham lạiyaea.”

Numeri 23:3

Ona tayom Biliam do Balake metadea, “Okoe janwarkoante jeredokʼ samaṅokʼakʼem samaṅketʼ am do onko ṭhenge tahẽhataṛokʼme ar iń do onteń senlenge. Pasecʼ Probhu Isor do iń sãote ńapamokʼ lạgitʼgeye hijukʼkan. Ar iń ṭhen okae sodor onage amiń lạiyama.” Niạ katha menkate Biliam do nonkan mitʼṭecʼ burureye rakapʼena one onare jãhãn dare nạ̃ṛĩge baṅ tahẽkan.

Josuạ 24:10

Iń do Biliamakʼ katha bạń luturada, menkhan uni do apeye bhoratʼpea. Ar ińge Balakakʼ ti khoniń bańcaoketʼpea.