Numeri 23:13 - সান্তালী বাইবেল

¹³ Tayomte Balak do Biliame metadea, “Dela iń sãote ar mitʼ jaegare hijukʼme. Onḍe khon am do Israelkom ńelkoa. Onkoren sanamkogem ńelńamkoa ona do baṅ, eken onkoren mitʼ mucạtʼrengem ńelńam daṛeakoa. Ar onḍe khon iń ńutumte onkom sarapakoa.”

Numeri 23:13 Iomraidhean Croise

1 Rapajko 20:23

Aram rajren gutiko hõ niạ sopolha rajko emadea, “Onkoren debotako do bururen debota kanako, onate onko do abo khon hõko daṛegea. Menkhan onko sãote bilạn ṭạnḍire bon lạṛhại enḍekhan khạṭige onko do bon bhagao daṛeakoa.

1 Rapajko 20:28

Unre Isorren mitʼ hoṛ do hecʼkate Israelren raje metadea, “Probhu Isor do niạ kathae meneda, ‘Aramrenko doko hudiseda Probhu Isor doe bururen Isor kana, bilạn ṭạnḍiren doe baṅkana; ona iạte iń do onko maraṅ lạṛhại phạdko amakʼ tireń jimạkoa, ar nonkatepe baḍae daṛeakʼa je, iń kangeạń Probhu Isor do.’ ”

Sereńko 109:17

Onko do sarap emokʼko kusiyakʼa, Onate ona ạsis do ako cetanrege paṛaoena; ar bhorako lạgitʼ do mońj bako ạikạua, onate bhor do onko khon sạṅgińte calaoena.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Numeri 22:41

Ar dosar hilokʼ setakʼ jokhecʼ Balak do Biliame soṅgekedete Bamot Bakʼal buruteye rakapʼena. Ar Biliam do onḍe khon Israelkoren eken mitʼ hĩs hoṛgeye ńelketʼkoa.

Numeri 22:6

Noko hoṛ do iń khon hõko daṛegea; onate dela hijukʼme ar onko sarapakome. Ar onka khan pasecʼ onko doń bhagaokoa ar ińakʼ disạm khoniń laga ńir daṛeakoa. Iń do noa kathań baḍaegea, am okoeyem bhorako onko do sạrige bhorko ńama ar okoeyem sarapako onkore sarap do paṛaokʼgea.”

Numeri 23:12

Biliame roṛ ruạṛkeda, “Probhu Isor ińakʼ mocare okaṭakʼ kathae emadiń ona do cetʼ begor lạiyteń tahẽdaṛeakʼa?”

Numeri 23:14

Niạ menkate Balak do Pisga buru muthnire okare Sophim ṭạnḍi menakʼ onḍe uniye idikedea. Onḍe uni do eae goṭecʼ pinḍ benaokate mimitʼ goṭecʼ cetanre mitʼṭenkate ḍaṅgra ar mitʼṭenkate bheḍae samaṅketʼkoa.

Josuạ 24:9

Tayomte Sipor hopon Moabren raj Balak do Israelko sãote lạṛhại lạgitʼe sapṛaoena ar ape sarapape lạgitʼ Beor hopon Biliame hoho ạgukedea.