Numeri 23:1 - সান্তালী বাইবেল

¹ Ona tayom Biliam do Balake metadea, “Nonḍe iń lạgitʼ eae goṭecʼ pinḍ benaome ar onare samaṅko lạgitʼ eae goṭecʼ ḍaṅgra ar eae goṭecʼ bheḍa bondobosạńme.”

Numeri 23:1 Iomraidhean Croise

2 Rapajko 18:22

Menkhan aperen Probhu Isor cetanrepe bhorsakʼ kana mentepe mitạń, enḍekhan uni do cetʼ uni Isor doe baṅkana one uniyakʼ than boṭkocʼko ar pinḍko Hiskiạ doe marao giḍiakatʼtae ar one Jihudạ ar Jerusalemren hoṛkoe metakokan Jerusalem reakʼ pinḍ samaṅrege dewa sewae hoyokʼtakoa mente?

1 Bõsbudạ 15:26

Okoe Liwiko do Probhu Isorakʼ bondobos sindukko gokʼ ạguiyetʼ tahẽkan onko do Isorgeye ạyuretʼko tahẽkante eae goṭen phẽṭaṛ ar eae goṭen bheḍako samaṅketʼkoa.

2 Bõsbudạ 29:21

Onko do rajosṭi lạgitʼ, mundil oṛakʼ lạgitʼ ar Jihudạ hoṛko lạgitʼ kại samaṅokʼakʼ lekate eae goṭen ḍaṅgra, eae goṭen bheḍa, eae goṭen bheḍa hopon ar eae goṭen meromko ạguketʼkoa. Ona tayom raj do naekeko, metakʼme Aronren bõsko Probhu Isorakʼ pinḍ cetanre onko samaṅko lạgitʼe hukumkeda.

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Jeheskel 33:31

Ińren hoṛ do hewa lekate am ṭhenko hijukʼkana ar amakʼ kathako ańjomeda ar am samaṅreko duṛubokʼ kana, menkhan onka do bako kạmikana. Mocatege onko do dulạṛ reakʼ kathako roṛeda menkhan onkoakʼ mon do labjoṅrege gaḍao akantakoa.

Jeheskel 45:23

Porob reakʼ eae din dinạmge uni do Probhu Isor ńutumte jeredokʼ samaṅokʼ lạgitʼ niphuṭ utạr eae goṭen ḍaṅgra ar eae goṭen bheḍa emokʼ hoyokʼtaea ar kại ńutumte samaṅokʼ lạgitʼ mitʼṭen merom boda hõ emokʼ hoyokʼtaea.

Numeri 22:41

Ar dosar hilokʼ setakʼ jokhecʼ Balak do Biliame soṅgekedete Bamot Bakʼal buruteye rakapʼena. Ar Biliam do onḍe khon Israelkoren eken mitʼ hĩs hoṛgeye ńelketʼkoa.

Numeri 23:2

Balak do Biliamakʼ katha lekageye kạmikeda ar unkin do mimitʼ pinḍre mimitʼ goṭecʼ ḍaṅgra ar mimitʼ goṭecʼ bheḍakin samaṅketʼkoa.

Numeri 23:29

Unre Biliame menkeda, “Nonḍe iń lạgitʼ eae goṭecʼ pinḍ benaome ar eae goṭen ḍaṅgra ar eae goṭen bheḍa samaṅko lạgitʼ bondobosạńme.”

Numeri 23:30

Biliamakʼ katha lekage Balak doe onkakeda. Uni do mimitʼ pinḍre mimitʼ goṭen ḍaṅgra ar mitʼṭenkate bheḍae samaṅketʼkoa.

Numeri 29:32

“Porob reakʼ eaeyakʼ dinre do eae goṭen ḍaṅgra, barea bheḍa ar gelpon goṭen mitʼ bochor umerren bheḍa hopon samaṅko hoyokʼa. Noko do jemon niphuṭ utạrko hoyokʼ.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.

1 Samuel 15:22

Unre Sạmuele menkeda, “Probhu Isorakʼ hukumpe batao lekhan uni tinạkʼe kusikʼ, unạkʼ do jeredokʼakʼ samaṅokʼakʼ ar janwar samaṅokʼakʼte bae kusikʼa. Janwar samaṅokʼakʼ khon uniyakʼ hukum manao ar bheḍawakʼ itil khon uniyakʼ katha bataotaege ḍher bhagea.