Numeri 22:6 - সান্তালী বাইবেল

⁶ Noko hoṛ do iń khon hõko daṛegea; onate dela hijukʼme ar onko sarapakome. Ar onka khan pasecʼ onko doń bhagaokoa ar ińakʼ disạm khoniń laga ńir daṛeakoa. Iń do noa kathań baḍaegea, am okoeyem bhorako onko do sạrige bhorko ńama ar okoeyem sarapako onkore sarap do paṛaokʼgea.”

Numeri 22:6 Iomraidhean Croise

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Genesis 27:29

Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

1 Rapajko 22:13

Ar okoeṭakʼ hoṛ do Mikạ hoho ạguiye lạgitʼe senlen uni do nạbiye metadea, “Ńelme, eṭakʼ nạbiko do jotoge rajakʼ jitạukʼ reakʼ kathageko meneda. Ar amakʼ katha hõ onkoakʼ katha lekage baṛe hoyokʼ ma. Am do bhạlại reakʼ kathagem roṛa.”

1 Rapajko 22:6

Onate Israelren raj do nạbikoe hoho jarwaketʼkoa. Onkoakʼ lekha do ponsae tahẽkana. Uni do onkoe kuliketʼkoa, “Ramot-Gilead upạrte lạṛhại lạgitʼ iń oḍok calakʼa seyiń ikạkakʼa?” Onkoko menkeda, “Do calakʼme, ente Probhu Isor do rajakʼ tire onae jimạ akada.”

1 Rapajko 22:8

Israelren raj do Jihudạren Jehosaphat raje metadea, “Ńit hõ nonkan mitʼṭen hoṛ menaea one uni hotete Probhu Isor bon kuli daṛeke, menkhan uni doń kurudae kana, ente uni do ińakʼ bhạlại reakʼ katha do tishõ bae roṛ akada, bạṛicʼakʼgeye nạbiya. Uni doe hoyokʼkana Imlạ hopon Mikạ.” Jehosaphate roṛ ruạṛkeda, “Raj do jemon onkan katha aloe roṛ.”

Nehemiạ 13:2

Niạ reakʼ karon do hoyokʼkana, Mose bidạlre onko do jomakʼ ar ńũi lạgitʼ dakʼ hõ Israelko bako ematʼko tahẽkana, ar onko sarapako lạgitʼ Biliamko bhaṛa ạguledea. Menkhan aboren Isor do sarap bodolteye bhoratʼ bon tahẽkana.

Sereńko 109:28

Onko doko sarapạńma, menkhan am do bhorạńme; onko do iń upạrteko teṅgolen khan lajaoreko paṛaokʼma, menkhan amren golam doe rạskạkʼa.

Kạhtukko 26:2

Ghaṛwa se bhạluạ cẽṛẽ cetʼleka hante nateko uḍạu baṛae, onkage ạuṛiyakʼ reakʼ sarap do baṅ pheḍ hijukʼa.

Jeheskel 13:6

Onkoakʼ dorson do eṛegea ar onkoakʼ gona-poṛa hõ sạriyakʼ do baṅkana. Onkoko meneda, iń do noa kathań meneda, onko do bạń kol akatʼkoa; enhõ onko doko asokʼkana onkoakʼ katha do purạukʼtakoa.

Mikạ 6:5

E ińren hoṛko, Moab raj Balak okae goṭaletʼ ar Beor hopon Biliam okae roṛ ruạṛletʼ ona baṛe hudiskate ńelpe. Siṭim khon Gilgol hạbicʼ apeakʼ calakʼ reakʼ katha disạipe jemon ape do ińiń kạmiletʼakʼ bańcaokʼ reakʼ kathape baḍae daṛeakʼ.”

Numeri 22:12

Menkhan Isor do Biliame metadea, “Noko hoṛ sãote alom calakʼa ar onko hoṛ hõ jãhãnakʼ alom sarapakoa, ente onko do ińren bhoran hoṛ kanako.”

Numeri 22:17

Uni do ạḍiye manotmea ar okam khoj onageye onkawama. Uni doe khojkana jemon senkate uni secʼ khon onko hoṛkom sarapako.”

Numeri 23:13

Tayomte Balak do Biliame metadea, “Dela iń sãote ar mitʼ jaegare hijukʼme. Onḍe khon am do Israelkom ńelkoa. Onkoren sanamkogem ńelńamkoa ona do baṅ, eken onkoren mitʼ mucạtʼrengem ńelńam daṛeakoa. Ar onḍe khon iń ńutumte onkom sarapakoa.”

Numeri 23:27

Tayomte Balak do Biliame metadea, “Dela, ar mitʼ jaegateń idimea. Pasecʼ Isor do kusite onḍe khon iń ńutumte onkoe sarapako.”

Numeri 24:9

Dhạcri kul ar kul eṅgal leka onko doko burumokʼa arko kunḍlạṅ hapekokʼa, unre onko beretʼko reakʼ do okoeye dilkea? Okoe apeko bhorape onkage onkore hõ bhor paṛaokʼma; ar okoe sarapko emape, onkage onko cetanre hõ sarap paṛaokʼma.”

Aposkạmi 16:16

Mitʼ din ona koejoṅ jaegatele calakʼkan tahẽkanre mitʼṭen kạ̃ṛmĩ sãotele ńapamena. Uni do mitʼṭen bạṛicʼ jiue ńamakawan tahẽkante darakan dinko reakʼ sanamakʼe lại daṛeakʼkan tahẽkana. Onate acʼren kisạ̃ṛakʼ do ạḍi lab hoyokʼkantae tahẽkana.

Dosar Biboron 23:4

Ente Misor disạm khon oḍok hecʼkate apeakʼ dãṛãn horre onko do jomakʼ ar dakʼante bako daramletʼpea, bickom sarapape lạgitʼ Mesopoṭamia disạm reakʼ Pethor nagraha khon Beor hopon Biliam do ṭakateko ạguledea.

Josuạ 24:9

Tayomte Sipor hopon Moabren raj Balak do Israelko sãote lạṛhại lạgitʼe sapṛaoena ar ape sarapape lạgitʼ Beor hopon Biliame hoho ạgukedea.

1 Samuel 17:43

Goliạt do Dạude metadea, “Iń do cetʼ seta kạnạń onate ṭheṅgawante iń ṭhenem hijukʼkana?” Uni do acʼren debotako ńutumte Dạude sarapadea.