Numeri 22:38 - সান্তালী বাইবেল

³⁸ Biliame roṛ ruạṛkeda, “Iń do ńitokʼ am ṭheniń hecʼakana. Menkhan iń apnarakʼ jãhãnakʼ roroṛ reakʼ daṛe do bạnukʼtińạ. Isor okaṭakʼe baḍae ocoyiń eken onageń roṛa.”

Numeri 22:38 Iomraidhean Croise

1 Rapajko 22:14

Menkhan Mikại menkeda, “Jiwetʼ Probhu Isorre kiriạkateń meneda, Probhu Isor okaṭakʼ memene mitạń eken onageń roṛa.”

1 Rapajko 22:16

Raj do uniye metadea, “Ar tinạkʼ dhao iń kiriạ ocomea baṅma, Probhu Isor ńutumte sạriyakʼ chaḍa ar cetʼ hõ bam lạiyạńạ mente?”

2 Bõsbudạ 18:13

Menkhan Mika doe menkeda, “Jiwetʼ Isorre kiriạkateń meneda, ińren Isor okae roṛ ińhõ inạgeń roṛa.”

Sereńko 33:10

Sanam jạtrenkoakʼ goṭawakʼge Probhu Isor doe ạuṛiyakʼ ocoytakoa; ar onkoakʼ hudisko hõ bae jo baha ocoytakoa.

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

Kạhtukko 19:21

Manwa monre ạḍi lekan phundi tahena, menkhan Probhu Isor okaṭakʼe ṭhik dohoakatʼ onage hoyokʼa.

Jesaea 44:25

Bhonḍ nạbikoakʼ cinhạ doń ạuṛiyakʼ ocoytakoa ar ńeńelko do lelha lekań hoyocokoa. Iń do ạkilankoakʼ ạkiliń ạuṛiyakʼ ocoytakoa ar onkoakʼ bidiyạ doń bebuj ocoya.

Jesaea 46:10

Etohopʼ khonge mucạtʼakʼ koń jạhireda, ar sedae khon oka baṅ hoyakan ona hõń lạiyeda. Ińiń men akada, ińakʼ monsubạ do ṭarhao akaege tahena; ar ińakʼ jotowakʼ monsubạń purạutińạ.

Jesaea 47:12

“Am do kuṛi jokhecʼ khon okaṭakʼ mantar ar guni lạgitʼem kurumuṭu ạguakatʼ ona kạmime. Hoedaṛeakʼa ona do ame jo baha ocomea, ar botorem janam ocoketʼge.

Numeri 22:18

Biliame roṛ ruạṛatʼkoa, “Balak do sona rupạte perecʼ acʼakʼ raj oṛakʼe imạńre hõ iń do ińren Probhu Isorakʼ hukum bahre senkate jãhãnakʼ ohogeń cekalea- baṅ do huḍińakʼkan ar baṅ do maraṅakʼ kạmikan.

Numeri 22:37

Balak do Biliame metadea, “Iń do cetʼ usạra bạń tolob akatʼmea? Tobe cedakʼ iń ṭhen do bam hecʼlena? Am puruskarme reakʼ daṛe do cetʼ bạnukʼtińạ?”

Numeri 22:39

Inạ tayom Biliam do Balak sãote Kiriat Husot atoteye calaoena.

Numeri 22:8

Unre Biliam do onkoe metatʼkoa, “Ńindạ do nonḍege tahẽ aṅgakʼpe. Ar Probhu Isor okaṭakʼe roṛ ruạṛạń onageń baḍae ocopea.” Onate Moabren onko mukhiyạ do uni sãoteko tahẽyena.

Numeri 23:16

Probhu Isor do Biliam sãoteye ńapamente uniyakʼ mocare kathae dohoadea, “Am do Balak ṭhen ruạṛ senkate noa katham lạiyaea.”

Numeri 23:26

Biliame roṛ ruạṛkeda, “Iń do cetʼ bạń lạiyatʼmea, Probhu Isor okae mitạń onage roroṛ hoyokʼtińạ mente?”

Numeri 24:13

Balak do sona ar rupạte perecʼ raj oṛakʼe imạńre hõ enhõ ińakʼ sana leka bhage ar bạṛicʼ do bạń men daṛeakʼa se Probhu Isorakʼ hukum birud hõ bạń sendaṛeakʼa, menkhan Probhu Isor okae mitạń eken onageń roṛ daṛeakʼa?