Numeri 22:23 - সান্তালী বাইবেল

²³ Gadha eṅga do Probhu Isorren goḍet tarwaṛe sapʼkate teṅgo akane ńelkede khan hor bạgikate eṭakʼ secʼe pheḍena. Ar Biliam do gadha eṅga arhõ horte calakʼ lạgitʼe dalkedea.

Numeri 22:23 Iomraidhean Croise

2 Rapajko 6:17

Ona tayom Elisae doe koekeda, “E Probhu Isor, uniyakʼ mẽtʼ baṛe jhicʼkatae me jemone ńeńel.” Unre Probhu Isor do uni gutiyakʼ mẽtʼe jhicʼketʼaea. Uni doe ńelkeda Elisae beṛhaeteakʼ burure do seṅgel reakʼ rãt gạḍi ar sadomkote perecʼgea.

1 Bõsbudạ 21:16

Inạ oktere Dạud do cetan secʼ beṅgetʼketʼteye ńelkeda, Probhu Isorren goḍet do rimilreye teṅgo akana ar uniyakʼ ti reakʼ tarwaṛe do Jerusalem cetanre tul akana. Noa ńelte Dạud ar murubbiko do gõṛẽ kicricʼko horokʼ akatʼ tahẽkanrege otreko taber hapeyena.

Jirimiạ 8:7

Kisni hõ acʼakʼ niṭakatʼ okteye baḍaekana, mala potam, bhạluạ ar kõkʼ hõ akoakʼ ruạṛ hijukʼ reakʼ okteko baḍaekana, menkhan ińren hoṛko do ińakʼ ạn-ạri secʼ bako moneyakʼ kana.

Daniel 10:7

Iń Daniel do eskarge ona dorsoniń ńelkeda; iń sãoten hoṛ do ona bako ńel ńamleda, menkhan onko do nunạkʼko botorena je, onko doko ńir okoyena.

Numeri 22:22

menkhan uni calakʼe ńelkede khan Isor do uni cetanreye edreyena. Ar uni tạkicʼ darame lạgitʼ Probhu Isorren goḍet do horreye teṅgoyena. Biliam do gadha eṅgare decʼkateye calakʼkan tahẽkana. Ar acʼren barea gutikin hõ acʼ sãotekin tahẽkana.

Numeri 22:24

Probhu Isorren goḍet do ona tayom barea darkha khet reakʼ nanha hor talareye teṅgoyena. Ar ona hor reakʼ banarsa aṛe do pạcri tahẽkana.

Aposkạmi 22:9

Unre okoe iń sãoreko tahẽkan onko hõ ona marsalko ńelkeda, menkhan iń tulucʼ okoeye galmaraoketʼ uniyakʼ katha do bako bujhạuleda.

Josuạ 5:13

Jerikho sorko seṭeren khan Josuạ do bocʼ tarwaṛe tire menakʼtae mitʼṭecʼ hoṛ acʼ samaṅre teṅgo akane ńelkedea. Unre Josuạ do uni ṭhen sorenteye kulikedea, “Am do okoe secʼren kanam aleren, se bạiriko secʼren?”

2 Patras 2:16

menkhan acʼakʼ bạṛicʼ kạmi iạte uni do mitʼṭen abola gadha ṭhene dhomkao ocolena. Uni gadha do manwa leka kathae roṛketʼte uniyakʼ koṅkatetʼe akoṭletʼtaea.

Jihudạwakʼ ciṭhi 1:11

Hae onko hoṛ do! Onko do Kạin reakʼ horteko calao akana, ar lab lạgitʼ Biliamakʼ bulạureko khadle akana ar Koraho reakʼ ṭhokteko nosṭoyena.