Numeri 21:7 - সান্তালী বাইবেল

⁷ Unre hoṛko do senkate Moseko metadea, “Ale do Probhu Isor ar am upạrte kathale roṛ akatʼte ạḍile kại akada. Am do ńitokʼ Probhu Isor ṭhen nehõrokʼme jemon ale ṭhen khon bińkoe pharakʼko.” Unre Mose do hoṛko lạgitʼe nehõrena.

Numeri 21:7 Iomraidhean Croise

Genesis 20:17

Noa tayom Abraham do Isor ṭhene koeyana. Onate Isor do Abimelek, ar uniren bạhu ar uniren eṭakʼ maejiukoe bogeketʼkoa. Noate onko do gidrạ janamko reakʼ daṛeko ńam ruạṛkeda.

Genesis 20:7

Ńitokʼ do acʼren jãwãe ṭhen idi ruạṛkaeme. Uni do mitʼṭen nạbi hoṛ kanae. Uni do am lạgitʼe koeya, ar onate amakʼ jiwi do rukhiyạkʼtama. Menkhan jodi uni bam ruạṛkae, enḍekhan disạime, am ar amren hoṛ sanamgeko gujukʼa.”

1 Rapajko 13:6

Unre raj do Isorren hoṛe metadea, “Amren Probhu Isor nehõraeme ar iń lạgitʼ koeme jemon ińakʼ ti do arhõ mońj ruạṛokʼ.” Onate Isorren hoṛ do Probhu Isore nehõradea ar rajakʼ ti do arhõ lahate leka hoyentaea.

2 Rapajko 13:4

Inạ tayom Jehoahas do Probhu Isor ṭhene nehõrena ar Probhu Isor do uniyakʼe ańjomketʼtaea, ente Aramren raj do ạḍi bạṛicʼ Israelko cetanre jor julume calaoetʼ tahẽkana ar ona do uniye ńelkeda.

Jobakʼ 42:10

Job do acʼren gateko lạgitʼe koeketʼ khan Probhu Isor do Jobakʼ dhon dhuribe ruạṛkatʼtaea ar lahateakʼ khon bar dobṛae emadea.

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Sereńko 106:23

Onate uniye menkeda onko doe maraokoa; ar onageye kạmikea menkhan bachao akade Mose do uniyakʼ hijukʼ horreye teṅgoyena, jemon ḍahao maraoko reakʼ edre khone ruạṛ daṛeae.

Sereńko 78:34

Uni do onkoe gocʼketʼko tayom sarecʼ hoṛko do uniyakʼ kathako disạkeda; onko do arhõ uni secʼko ạcur ruạṛena ar jitkate uniko ńam baṛakedea.

Exodus 10:17

Onate dayakate niạ dhao baṛe ikạkạńpe. Ar aperen Probhu Isor ṭhen nehõrokʼpe jemon uni do iń cetan khon gujukʼ umule ocokʼ giḍikakʼ.”

Exodus 32:11

Unre Mose do acʼren Probhu Isor ṭhen nehõrenteye menkeda, “E Probhu Isor, amakʼ daṛeanakʼ ti tiạrkate okoe do amakʼ maraṅ daṛete Misor disạm khonem oḍok ạguakatʼko onko amren hoṛko cetanre cedakʼ nunạkʼ dom edrekʼ kana?

Exodus 32:30

Dosar hilokʼ Mose do hoṛkoe metatʼkoa, “Ape do ạḍipe kại akada. Menkhan ńit Probhu Isor ṭhen iń rakapʼ calakʼ kana. Hoedaṛeakʼ apeakʼ puruchun reakʼ mitʼṭecʼ bondobos iń hoeocoya.”

Exodus 8:28

Pharaoe menkeda, “Aperen Probhu Isor sewae lạgitʼ iń do hahaṅkarteń sen ocoapea. Menkhan ḍher sạṅgiń do alope calakʼa. Ar ńit aben do iń lạgitʼ nehõrokʼ ben.”

Exodus 8:4

Onko roṭe do am cetanre ar amren hoṛko cetanre ar amren kạmiyạko cetanreko don baṛaya.’ ”

Exodus 8:8

Pharao do unre Mose ar Aron hohoatʼkinteye metatʼkinạ, “Probhu Isor nehõrae ben jemon uni do iń ar ińren hoṛko cetan khon roṭekoe ocokʼko. Iń do hoṛkoń sen ocoakoa jemon senkate Probhu Isor ńutumte dãṛẽko samaṅ daṛeakʼ.”

Jesaea 26:16

E Probhu Isor, kosṭokʼre onko do amko ńam baṛaketʼmea; ar amakʼ sạjại paṛaoatʼkore onko do nehõrate khae khoe koejoṅko phuṭạuatʼmea.

Jirimiạ 15:1

Unre Probhu Isor do ińe metadińạ, “Mose ar Sạmuel hõ hecʼkate iń samaṅrekin teṅgolenre hõ enhõ ińakʼ mon do noko hoṛ secʼ ohoge ạcurlena. Iń samaṅ khon noko do laga ńirkom; onko doko sen joṅma.

Jirimiạ 37:3

Enhõ mitʼdin Sedekiạ raj do Selemiạ hopon Jehukal ar Maseya hopon naeke Sephaniạ tekin Jirimiạ nạbi ṭhen kolketʼkinteye roṛgotʼkada, “Am do dayakate, aboren Probhu Isor ṭhen ale lạgitʼ koeme.”

Hosea 5:15

Ar tin hạbicʼ onko do akoakʼ dos bako aṅgoc ar iń secʼ bako moneyakʼ unhạbicʼ iń do ińakʼ jaegate ruạṛ senkate onḍeń tahena. Onkoakʼ duk kosṭore onko do gagoj salakʼ iń ṭhenko ruạṛ hijukʼa.”

Numeri 11:2

Noa iạte onko do Mose ṭhenko rakʼkeda ar uni do Probhu Isor ṭhene koekeda. Ar onate seṅgel do ĩṛĩcʼena.

Mathae 27:4

“Kại akadạń, ente bin dusạnicʼ gocʼ ocoye lạgitʼ iń soprot akadea.” Onkoko metadea, “Onate aleakʼ do cetʼ? Amge ńeljoṅme.”

Aposkạmi 8:24

Unre Simone roṛ ruạṛkeda, “Abenge Probhu ṭhen iń lạgitʼ koeben jemon aben okaṭakʼ ben roṛakatʼ ona ińre alo hoyokʼ.”

Romiko lạgitʼ Pạul Apostolakʼ ciṭhi 10:1

E boehako, Israelko lạgitʼ ińakʼ ontor reakʼ sana ar Isor ṭhen ińakʼ koejoṅ do noage, onko jemon kại khon bańcaoko ńam.

Dosar Biboron 9:20

Aron marao giḍikae reakʼ edre hõ rakapʼade tahẽkana menkhan ona jokhecʼ Aron lạgitʼ hoń nehõrlena.

Jakob 5:16

Onate ape apere kạiko aṅgocpe ar ape ape lạgitʼ koejoṅpe, jemonpe bogekʼ. Isorakʼ sana leka okoeye calakʼkan uni do koejoṅ reakʼ daṛe menakʼtaete onae hoeocoya.

1 Samuel 15:24

Unre Sạul do Sạmuele metadea, “Iń doń kại akada. Ar Probhu Isorakʼ hukum ar amakʼ kathako bạń manao akada. Hoṛko botorte iń do onkoakʼ katha lekageń kạmi akada.

1 Samuel 15:30

Sạule menkeda, “Iń doń kại akada; enhõ ińakʼ nehõr do niạge, iń jạtren murubbiko ar Israelko samaṅre ińakʼ manot baṛe dohoytińme. Jemon iń do amren Probhu Isorriń sewa daṛeae onate iń sãote dela calakʼme.”