Numeri 21:33 - সান্তালী বাইবেল

³³ Ona tayom onko doko ạcurente Bason disạm reakʼ ḍaharteko laha idiyena. Unre Basonren raj Og ar uniren lạṛhại phạdko oḍok hecʼente onko sãote lạṛhại lạgitʼ Edrei nagrahareko seṭerena.

Numeri 21:33 Iomraidhean Croise

Sereńko 135:11

Uni do Amorikoren Sihon raj, ar Bashanren Og raj, ar Kananren sanam rapajkoe gocʼletʼkoa.

Sereńko 136:20

Uni do Basonren raj Oge gocʼledea; ente uniyakʼ dulạṛ do jaejuggetaea.

Sereńko 22:12

Iń beṛhaete sanḍ ḍaṅgra menakʼkoa; onko do Bashan disạmren daṛean bayarko lekako esetʼ ạcur akadińạ.

Sereńko 68:15

Bashan buru reakʼ sạr do ạḍi utạr jaega hạbicʼ menakʼa; ar ona reakʼ cuṛạko do ạḍi utạra.

Sereńko 68:22

Probhu Isore menkeda, “Iń do Bashan disạm khon onkoń ạgukoa; jalapuri reakʼ khạndriyakʼko khoniń rakapʼ ruạṛkoa,

Jesaea 33:9

Disạm do hińjrạukʼ kana ar loraokʼ kana, Lebanon doe lajao ocokʼkana ar tolmojokʼ kana, Saron do hahaṅkar leka hoyakana ar Basan ar Karmel reakʼ dare sakamko do ńur caba akana.

Jeheskel 27:6

Ar Bason disạm reakʼ Elon darete do amakʼ jahaj reakʼ ḍạḍuko benao akada; ar Kaprus khon Tạsur kaṭ ạgukate onko do amakʼ jahaj reakʼ anaṭetʼ benaokate hạti reakʼ ḍaṭateko sajao akada.

Jeheskel 39:18

Ape do daṛean hoṛkoakʼ jelpe joma ar dhạrtiren disạm cakʼlaokoakʼ mãyãmpe ńũiya; noko hoṛko do Bason disạmren moṭa soṭa bheḍa, bheḍa hopon, merom boda ar ḍaṅgra leka kanako.

Amos 4:1

E Samariạ buru cetan reakʼ Basonren mãṛ bitkilko, ańjompe baṛe. Ape do reṅgecʼ hoṛpe santaoetʼkoa ar nandanko dope lebetʼ jạuetʼkoa ar aperen jãwãe dope metakokana, “Bubulakʼ ạgualepe.”

Numeri 32:33

Unre Mose do Amorikoren Sihon rajakʼ rajosṭi ar Basonren Og rajakʼ rajosṭi do Gad ar Ruben gusṭiren hoṛko ar Manasi adha gusṭiren hoṛkoe hạṭińatʼkoa. Nui Manasi do Josephren hopone tahẽkana. Ato ar nagraha ar onako beṛhaeteakʼ jaega goṭage onko lạgitʼe dohokeda.

Dosar Biboron 1:4

Amorikoren raj Sihon ar Edreyi nagraha reakʼ Bason disạmren raj Og bhagaokin tayom uni do onae sodorleda. Sihon do Hesbonre ar Og do Astarotreye rajokʼkan tahẽkana.

Dosar Biboron 2:30

Menkhan Hesbonren Sihon raj do bae rạjilena. Aboren Probhu Isor do uniyakʼ mone keṭecʼ ocoketʼtaea jemon aboakʼ tireye paṛaokʼ, ar ńitokʼ do onage hoyakana.

Dosar Biboron 29:7

“Ar noa ṭhạ̃irepe seṭeren tayom Hisbonren raj Sihon ar Basonren raj Og do abo sãote lạṛhại lạgitʼkin oḍok hecʼlena, menkhan unkin dobon bhagaoketʼkina.

Dosar Biboron 32:14

Uni do palrenkoakʼ dahe ar bhiḍi meromko reakʼ toa, ar bhiḍi hoponkoakʼ jele jom ocokedea, Basan disạmren palren merom bodakoakʼ itil do guhum reakʼ mĩhĩ holoṅ tulucʼe jom ocokedea. E Israel, am do darkha reakʼ rasagem ńũ akada.

Dosar Biboron 4:47

Onko do Sihon ar Basonren raj Ogakʼ disạmko ạidạriana. Amorikoren nukin rajakʼ rajosṭi do jordan gaḍa reakʼ purub secʼre tahẽkana.

Josuạ 12:4

Rephayiko modre okoe sarecʼko tahẽkan onko modre Basonren raj Og hõe tahẽkana. Uni do Astarot ar Edreyi khone rajokʼkan tahẽkana.

Josuạ 13:12

Niạ do tahẽkana Basonren raj Ogakʼ rajosṭi. Uni do Astaroth ar Edreyi khone rajokʼkan tahẽkana. Rephiyiko talare un anecʼ hõ okoe do jiwetʼko tahẽkan onko modre uni hõe tahẽkana. Mose do onkoe bhagaoketʼkote onkoakʼ disạme hatleda.

Josuạ 9:10

Ona chaḍa uni do Hisbonren raj ar Astarotre girobasokʼkan Basonren Og raj metakʼme jordan gaḍa purub secʼren Amorikoren rajkin cetanre okam ceka akatʼ ona hõle ańjom akada.