Numeri 21:24 - সান্তালী বাইবেল

²⁴ Niạ lạṛhạire Israelko do uniko gocʼkedea ar Arnon khon Jabok gaḍa hạbicʼ uniyakʼ disạmko ạidạriyana. Onko do eken Amonrenkoakʼ simạ hạbicʼko ạidạriyana, ente Amonrenkoakʼ disạm reakʼ simạna do usạrateko parom hotʼ daṛeakʼ onka do baṅ tahẽkana.

Numeri 21:24 Iomraidhean Croise

Genesis 32:22

Ona ńindạge Jakob do beretʼkate taṛamate paromokʼ nonkan mitʼṭecʼ jaegate acʼren banar bạhu, banar kạ̃ṛmĩ ar gelmitʼ hoponko do gaḍae paromketʼkoa.

Nehemiạ 9:22

“Tayomte ḍher rajosṭi ar jạtrenko do onkoakʼ tirem jimạketʼkoa, onkoakʼ sanam jaega jumiko Israel jạtrenkom hạṭińatʼkoa. Onko do Hesbonren raj Sihonakʼ disạm ar Basonren raj Ogakʼ disạmem ạidạriatʼkoa.

Sereńko 136:19

Uni do Amorikoren raj Sihone gocʼledea; ente uniyakʼ dulạṛ do jaejuggetaea.

Amos 2:9

“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.

Numeri 21:13

Ar onḍe khon arhõ uṭhạukate onko do Arnon gaḍa paromkateko ḍerayena. Ar Amorikoakʼ disạm khon oka hahaṅkar ehopʼakan onare noa Arnon gaḍa hõ tahẽkana. Ona gaḍa reakʼ mitʼ secʼ do Moab ar eṭakʼ secʼ do Amorikoakʼ disạm tahẽkana.

Dosar Biboron 1:4

Amorikoren raj Sihon ar Edreyi nagraha reakʼ Bason disạmren raj Og bhagaokin tayom uni do onae sodorleda. Sihon do Hesbonre ar Og do Astarotreye rajokʼkan tahẽkana.

Dosar Biboron 29:7

“Ar noa ṭhạ̃irepe seṭeren tayom Hisbonren raj Sihon ar Basonren raj Og do abo sãote lạṛhại lạgitʼkin oḍok hecʼlena, menkhan unkin dobon bhagaoketʼkina.

Dosar Biboron 3:16

Menkhan Gilead khon Arnon soḍokʼ reakʼ adha simạ hạbicʼ sanam jaega ar onḍe khon Amonrenkoakʼ simạna Jabok gaḍa hạbicʼ iń do Ruben ar Gad gusṭiren hoṛkoń ematʼkoa.

Dosar Biboron 31:4

Amorikoren Sihon raj ar Og rajakʼ disạm Probhu Isor cetʼlekae jarkharletʼ onkage uni do onko jạtrenkoe maraokoa.

Josuạ 13:12

Niạ do tahẽkana Basonren raj Ogakʼ rajosṭi. Uni do Astaroth ar Edreyi khone rajokʼkan tahẽkana. Rephiyiko talare un anecʼ hõ okoe do jiwetʼko tahẽkan onko modre uni hõe tahẽkana. Mose do onkoe bhagaoketʼkote onkoakʼ disạme hatleda.

Josuạ 24:8

“ ‘Inạ tayom iń do jordan reakʼ purub secʼren Amorikoakʼ disạmteń ạguketʼpea. Onko do ape upạrteko lạṛhạiyena menkhan apeakʼ tire onkoń jimạkatʼkoa. Ar ape samaṅ khoniń marao giḍikatʼkoa ar onkoakʼ disạmpe dokholana.

Josuạ 9:10

Ona chaḍa uni do Hisbonren raj ar Astarotre girobasokʼkan Basonren Og raj metakʼme jordan gaḍa purub secʼren Amorikoren rajkin cetanre okam ceka akatʼ ona hõle ańjom akada.

Bikʼcạrko 10:11

Probhu Isor do Israelkoe roṛ ruạṛatʼkoa, “Misriko, Amoriko, Amonrenko ar Philisṭikoakʼ ti khon iń do cetʼ bạń bańcaoletʼpea?

Bikʼcạrko 11:13

Amonren raj do Jiptharen hoṛkoe metatʼkoa, “Israelko do Misor disạm khon oḍok hecʼkate jordan gaḍa aṛe aṛeteakʼ jaegako ar Arnon gaḍa khon Jabok gaḍa hạbicʼ ińakʼ sanam jaegako dokhol akada. Ona ńitokʼ mońj mońjte ruạṛkạtińme.”

Bikʼcạrko 21:8

Onko do mitʼ hoṛ armitʼ hoṛko kuliyana, “Israel gusṭiko modre cetʼ nonkan jãhãe hoṛ menaea, okoe do Mispare Probhu Isor samaṅre bae hạjir akan?” Unreko baḍaekeda, Jabes Gilead khon do celege onḍe bako senakana,