Numeri 21:23 - সান্তালী বাইবেল

²³ Menkhan Sihon raj do acʼakʼ rajosṭi talate Israelko bae parom ocowatʼkoa. Uni do acʼren lạṛhại phạdante hahaṅkarre Israelko upạrte lạṛhại lạgitʼe oḍok hecʼena. Uni do Jahas nagrahare seṭerkate Israelko sãoteye lạṛhạiyena.

Numeri 21:23 Iomraidhean Croise

Jesaea 15:4

Hesbon ar Eleale dokin rakʼeda; unkinakʼ aṛaṅ do Jahas hạbicʼ ańjom calakʼ kana. Ona iạte Moabren lạṛhại phạdko hõko rakʼeda ar onkoakʼ ontor do botorte thar tharaokʼ kantakoa.

Jirimiạ 48:21

Bilạn ṭạnḍi reakʼ noa sanam ṭhạ̃ikore bicạr reakʼ okte do seṭer akana- Holonre, Jahsare, Mephatre,

Jirimiạ 48:34

“Onkoakʼ rakʼjoṅ reakʼ aṛaṅ do Hesbon khon Elial ar Jahas hạbicʼ ańjomokʼ kana, Soar khon Horonayim ar Eglath Selisiạ hạbicʼ rakapʼ akana, ente Nimrim reakʼ dakʼ hõ ańjetʼ akana.

Amos 2:9

“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.

Numeri 20:18

Menkhan Edomren raj doe roṛ ruạṛkeda, “Baṅa, noa talate do bale parom calao ocoapea. Arpe parom calakʼ khan ale do lạṛhại lạgitʼle oḍok hijukʼa ar ape cetanre jhaple ema.”

Numeri 20:21

Ar Edomrenko akoakʼ disạm talate parom ocoako bako rebenlente Israelko do onko ṭhen khonko ruạṛ calaoena.

Josuạ 13:18

Jahas, Kedemot, Mephat,

Bikʼcạrko 11:20

Menkhan Sihon do Israelko bae pạtiạuatʼkote acʼakʼ disạm talate calakʼ reakʼ hukum bae ematʼkoa. Uni do acʼren sanam hoṛkoe jarwaketʼkoa ar Jahasreye ḍerayente Israelko upạrteye lạṛhạiyena.