Numeri 21:14 - সান্তালী বাইবেল

^14-15 Probhu Isorakʼ lạṛhại ńutumanakʼ puthire menakʼa, “Nagraha secʼ sen akan Supha ṭoṭha reakʼ Owaheb ar Arnon ar ona reakʼ nalako ar buru nala reakʼ dhasna, noako do Moab simạnarege japakʼ akana.”

Numeri 21:14 Iomraidhean Croise

2 Samuel 1:18

Uni doe hukumkeda niạ sereń do jemon Jihudạ gusṭirenkoko cetʼ ocokʼ. Niạ sereń do Jasar ńutumanakʼ puthire ol akana.

Jesaea 16:2

Cẽṛẽ do tukạ khon oḍok kate cetʼleka hantenateye uḍạu baṛae onkage Moabren hoṛko do Arnon gaḍa taṛam paromokʼ jaega ṭhenko ạcur baṛaea.

Numeri 21:13

Ar onḍe khon arhõ uṭhạukate onko do Arnon gaḍa paromkateko ḍerayena. Ar Amorikoakʼ disạm khon oka hahaṅkar ehopʼakan onare noa Arnon gaḍa hõ tahẽkana. Ona gaḍa reakʼ mitʼ secʼ do Moab ar eṭakʼ secʼ do Amorikoakʼ disạm tahẽkana.

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Dosar Biboron 2:24

“Ona tayom Probhu Isor doe metadińa, ‘ape do oḍok hijukʼpe ar Arnon gaḍa paromkate calakʼpe. Ńelpe, iń do Hesbonren Amorikoren Sihon raj ar uniyakʼ disạm do apeakʼ tireń jimạ akada. Ape do uniyakʼ disạm dokhol iạte lạṛhại lạgitʼpe uskạukoa.

Josuạ 10:13

Onate siń cando doe teṅgo thirena ar ńindạ cando hõe teṅgoyena, one tin hạbicʼ Israel do acʼren bạiriko cetanre ạuriye hala purạu.” Noa katha do Jaserakʼ puthire ol akana. Unre siń cando do tala sermareye teṅgo thirena ar hạsurokʼ do mitʼ dine dirikeda.

1 Samuel 18:17

Mitʼdin Sạul do Dạude metadea, “Ińren maraṅicʼ hoponera Merab do am sãoteń baplakaea. Onate am do eken iń secʼ khon birbanṭa leka Probhu Isor lạgitʼ lạṛhạime.” Sạul do Dạud cetanre acʼakʼ ti rakabtae bae menetʼ tahẽkanre hõ Philisṭikoakʼ tite uni gocʼ ocoye do moneteye khojgokʼkan tahẽkangea.