Numeri 20:29 - সান্তালী বাইবেল

²⁹ Ar Israel hoponko do tinreko baḍaekeda, Aron doe gocʼena unre goṭa Israel jạtrenko pegel din hạbicʼ uni lạgitʼko homor halaṅkeda.

Numeri 20:29 Iomraidhean Croise

Genesis 1:10

Isor do ona rohoṛ jaega reakʼ ńutum do ote dohokeda, ar jarwa akan dakʼ do jalapuriye metatʼa. Isore ńelkeda ona do ạḍi mońjge hoyakana.

Genesis 50:10

Onko do jordan gaḍa aṛe reakʼ Atadkoakʼ khạrại hạbicʼko senena ar Joseph do apattetʼ lạgitʼ eae din hạbicʼe homor halaṅkeda. Ar uni sãote hoṛko hõko homor halaṅkeda.

Genesis 50:3

Nonkate pongel din paromena. Ente noa kạmi do pongel din hạbicʼge lagaokʼkan tahẽkana. Ar Misorren hoṛ do Israel lạgitʼ eae gel din hạbicʼko homor halaṅkeda.

Aposkạmi 8:2

Ar adom Isor bhokti hoṛ do Stephanko topakedea ar uni lạgitʼ ạḍiko rakʼ homorkeda.

Dosar Biboron 34:8

Ar Israelko do Moab reakʼ bilạn ṭạnḍire Mose lạgitʼ pegel din hạbicʼko homor halaṅkeda. Ar ona tayom do homor halaṅokʼ reakʼ dinko mucạtʼena.

1 Samuel 25:1

Tayomte Samuel doe gocʼena. Ar Israelren sanam hoṛko do jarwa mitʼkate uni lạgitʼko homor halaṅkeda. Onko do Ramare uniyakʼ oṛakʼregeko topakadea. Ona tayom Dạud do Paran hahaṅkarteye calaoena.