Numeri 20:15 - সান্তালী বাইবেল

^15-16 Aleren hapṛamko do Misor disạmteko senlena ar onḍe do ḍher bochor girobas akanle tahẽkana. Menkhan Misorren hoṛ do ale ar aleren hapṛamko cetanre bebạṛicʼko beoharetʼ tahẽkana ar onate ale do Probhu Isor ṭhenle rakʼkeda. Ar uni do aleakʼ rakʼe ańjomketʼtalete acʼren dutko kolkate Misor disạm khone oḍok ạguketʼlea. “Ar ńitokʼ ale do amakʼ rajosṭi reakʼ simạ ṭhen Kadesre menakʼlea.

Numeri 20:15 Iomraidhean Croise

Genesis 15:13

Unre Probhu Isor do uniye metadea, “Noa katha do khạṭigem baḍaea, am bõsren hoṛko do nonkan mitʼṭecʼ disạmreko girobasokʼa one okaṭakʼ do apeakʼ baṅkan. Onḍe onko do eṭakʼkoren guti hoekate ponsae bochor hạbicʼko santao ocokʼa.

Genesis 46:6

Ar okoe mĩhũ-meromko ar dhon-duribko Kanan disạmreko hameṭan tahẽkan onako joto soṅgekate Jakob ar uni gharońjren sanamko do Misorteko calaoena.

Genesis 46:7

Jakob do acʼren hoponko ar goṛom gidrạko, metakʼme acʼ bõsren jotoko soṅgekate Misorteye calaoena.

2 Samuel 12:18

Ruạ eae din tayom uni gidrạ doe gocʼena. Ar Dạudren kạmiyạko do gidrạ gocʼen reakʼ baḍae ocoye do bako dilleda. Onkoko menkeda, “Gidrạtae jiwetʼe tahẽkanre bon metade tahẽkanre hõ aboakʼ katha bae ańjomleda. Ar ńitokʼ do cekate bon metaea gidrạ doe gocʼena? Ar bon metae khan hoedaṛeakʼa uni do acʼakʼ jãhãnakʼe hạn botejtaea.”

Exodus 1:16

“Gidrạ janamko oktere Ibri maejiuko goṛowako jokhecʼ ben ńelkoa onko do koṛa hopon se kuṛi hoponko janametʼkoa; ar koṛa hoponko hoylen khan onko doben gocʼkoa ar kuṛi hopon do jiwetʼ ben dohokoa.”

Exodus 1:22

Tayomte Pharao do acʼren porjako cetanre noae hukumkeda, “Ibriko talare koṛa hoponko janamlen khan ape do Nil gaḍarepe khadlekoa, menkhan kuṛi hopon do jiwetʼpe dohokoa.”

Exodus 12:40

Misor disạmre Israel hoponko do jotote pon sae pegel bochorko tahẽkana.

Exodus 5:14

Mitʼ din Pharaoren sordarko do onkoko bahal akatʼko Israelkoren cakʼlaokoko dal baṛaketʼkoa arko metatʼkoa, “Din hilokʼ tinạkʼkate iṭạ benao reakʼ katha tahẽkan ńit do cedakʼ bape daṛeakʼkana? Ape do teheń hõ bape kạmi daṛe akada ar hola hõ bape daṛe akada.”

Numeri 11:5

Ale do Misor disạmre begor damte hakole jometʼko tahẽkana. Ona chaḍa taher, tormuj, kaḍa peaj, peaj ar rạsun reakʼ katha hõle disạyeda.

Numeri 16:13

Niạ hahaṅkarre gocʼ ocole lạgitʼge nonkan disạm khonem oḍok ạguakatʼlea onḍe do toa ar dumur rasa reakʼ jãhãn okulạnge baṅ tahẽkana. Ar niạge cetʼ baṅ ḍhera? Arhõ aleren mạlik hoyokʼem monejoṅkana.

Numeri 20:14

Tayomte Mose do Kades khon hoṛe kolketʼkote Edom disạmren raj ṭhene roṛgotʼkada, “Amren Israel boehako kanale, ale do mitʼṭecʼ katha lạiyamle meneda. Am do aleakʼ duk reakʼ katha dom baḍaegea.

Aposkạmi 7:15

Ado Jakob hõ Misorteye calaoena, ar onḍe do uni ar aboren hapṛamko hõko gocʼena.

Aposkạmi 7:19

Uni raj do aboren hoṛkoe ṭhokayetʼko tahẽkana ar aboren hapṛamko hõ ạḍiye santaoketʼkoa. Ar onkoren bale gidrạkoko janamokʼkan tahẽkanre onko do gocʼko lạgitʼ bahreteye giḍi ocoketʼkoa.

Dosar Biboron 26:6

Menkhan Misorren hoṛ do abo sãote bhage bako beoharleda. Onko do ạḍi kosṭoko ematʼbon tahẽkana ar abo cetanre hamal bojhako ladeyatʼ bon tahẽkana.