Numeri 20:14 - সান্তালী বাইবেল

¹⁴ Tayomte Mose do Kades khon hoṛe kolketʼkote Edom disạmren raj ṭhene roṛgotʼkada, “Amren Israel boehako kanale, ale do mitʼṭecʼ katha lạiyamle meneda. Am do aleakʼ duk reakʼ katha dom baḍaegea.

Numeri 20:14 Iomraidhean Croise

Genesis 25:23

Probhu Isor do uniye metadea, “Amakʼ kukhire barea jạtrenkoakʼ etohopʼ hoyakana, janam khonge unkin do barea bõskin hoyokʼa. Mitʼṭen khon eṭakʼicʼakʼ daṛe do ḍherokʼa, ar maraṅicʼ do huḍińicʼren gutiye hoyokʼa.”

Genesis 25:25

Pạhilre okoeṭakʼ gidrại janamen uniyakʼ hoṛmo reakʼ roṅ do arakʼge tahẽkana ar hoṛmo do upʼte perecʼ tahẽkantaea. Onate uniyakʼ ńutum do Esau dohoyena (mane do “Upʼ ”).

Genesis 25:26

Ona tayom Esauakʼ iḍi sapʼakatʼ uniren boehae janamena. Onate uniyakʼ ńutum do Jakob dohoyena (metakʼme “Iḍi sapʼakatʼ”). Nukinkin janamokʼre Isahakakʼ umer do turui gel bochor tahẽkana.

Genesis 32:29

Jakob do uniye metadea, “Nehõram kạnạń, amakʼ ńutum baṛe lạiyạńme?” Uniye menkeda, “Ińakʼ ńutum do cedakʼem kuliyedińkana?” Ar noa katha menkate uni do Jakobe bhoradea.

Exodus 18:8

Probhu Isor do Israelko secʼ tahẽkate Pharao ar Misriko cetanre okae cekaketʼ ona jotowakʼ hońhartetʼe baḍae ocokedea. Ar calakʼ horre akoakʼ kosṭo reakʼ katha ar Isor cetʼlekae bańcaoketʼko ona hõe baḍae ocokedea.

Amos 1:11

Probhu Isore meneda, “Edom reakʼ pea ghạṭ iạte, hẽ, ponea ghạṭ iạte iń do khạṭige onkoń sạjạikoa, ente sanam daya mãyã bạgikate uni do tarwaṛeante acʼren boehako khudạu akadea. Ona chaḍa botoranakʼ edre do onkore ńelokʼkangea ar onako dohoakada.

Malaki 1:2

Probhu Isore meneda, “Iń do apeń dulạṛ akatʼpea, ” Menkhan apepe meneda, “Am do oka lekam dulạṛketʼlea” Probhu Isor doe roṛ ruạṛakeda, “Esao do cetʼ Jakobren boeha bae tahẽkana? Enhõ Jakob iń dulạṛkedea menkhan Esao do bạń moneyadea. Ińge uniyakʼ burukoń jarkharketʼtaea ar uniyakʼ ṭhạ̃i do hahaṅkarren toyokoakʼ iń hoyoco akada.”

Numeri 13:26

Onko mukhiyạ do Paran hahaṅkar reakʼ Kadeste Mose, Aron ar sanam Israel ṭhenko ruạṛ hecʼena. Ar ona disạm reakʼ jotowakʼko lạiyatʼkoa ar jo hõko udukʼatʼkoa.

Numeri 20:15

Aleren hapṛamko do Misor disạmteko senlena ar onḍe do ḍher bochor girobas akanle tahẽkana. Menkhan Misorren hoṛ do ale ar aleren hapṛamko cetanre bebạṛicʼko beoharetʼ tahẽkana ar onate ale do Probhu Isor ṭhenle rakʼkeda. Ar uni do aleakʼ rakʼe ańjomketʼtalete acʼren dutko kolkate Misor disạm khone oḍok ạguketʼlea. “Ar ńitokʼ ale do amakʼ rajosṭi reakʼ simạ ṭhen Kadesre menakʼlea.

Numeri 20:22

Inạ tayom Israelko do Kades khonko uṭhạuente Hor buruko seṭerena.

Dosar Biboron 23:7

“Menkhan Edomrenko do alope hirkhạwakoa, ente onko do aperen boeha kanako. Misorrenko hõ alope hirkhạwakoa, ente onkoakʼ disạmre ape do porjạtrenko lekatepe tahekana.

Josuạ 2:10

Misor disạm khon oḍok hecʼen tayom Probhu Isor cetʼleka arakʼ doreão reakʼ dakʼ ape samaṅ khone ańjetʼ ocoletʼ ona hõle ańjomakada. Sihon ar Og ńutuman jordan gaḍa purub secʼren Amorikoren barea rajakʼ oka dosape hoyoco akatʼ tạkin ona hõle ańjom akatʼa.

Josuạ 9:10

Ona chaḍa uni do Hisbonren raj ar Astarotre girobasokʼkan Basonren Og raj metakʼme jordan gaḍa purub secʼren Amorikoren rajkin cetanre okam ceka akatʼ ona hõle ańjom akada.

Josuạ 9:9

Onkoko roṛ ruạṛkeda, “Amren Probhu Isorakʼ ńutum ańjomkate amren golamko do ạḍi sạṅgiń khonle hecʼ akana. Misor disạmre uni okae cekaletʼ ona reakʼ sombat hõle baḍae akada.