Numeri 20:1 - সান্তালী বাইবেল

¹ Bochor reakʼ pạhilakʼ candore Israelko do Sin hahaṅkar ṭoṭha reakʼ Kades ṭhen senkateko ḍerayena. Ar unre Mạriạm do onḍeye gocʼena arko topakadea.

Numeri 20:1 Iomraidhean Croise

Genesis 14:7

Ona tayom noko rajko doko ạcurente En-Mispạt, metakʼme, Kadesteko boloyena. Onko do Amalekikoakʼ goṭa disạmko hatkeda ar Hasason- Tamar nagrahare okoe Amoriko tahẽkan onkoko bhagaoketʼkoa.

Sereńko 29:8

Ar ona aṛaṅte hahaṅkar do dal dalaokʼa; Probhu Isor do Kades reakʼ hahaṅkare dal dalao ocoyeda.

Exodus 15:20

Aronren miserat Mạriạm do mitʼṭen maejiu nạbigeye tahẽkana. Uni do toblae sapʼkeda, ar uni tayom tayomte eṭakʼ maejiuko hõ tobla sapʼkate enecʼ enecʼteko oḍok hecʼena.

Exodus 2:4

Ar gidrạwakʼ cetʼ hoyokʼa mente ona ńel lạgitʼ uniren ạjittetʼ do onḍe khon thoṛa sạṅgiń ńokʼreye teṅgo akan tahẽkana.

Exodus 2:7

Unre gidrạren ạjittetʼ do hecʼkate Pharaoren hoponerae metadea, “Iń do cetʼ am lạgitʼ mitʼṭen Ibri maejiu iń hohoạguama, jemon nui gidrại nunu harawam?”

Jeheskel 47:19

Dạkhin secʼ reakʼ simạna do doreão reakʼ Tamar khon Kadesh reakʼ Meribath dakʼko hạbicʼ senkate Misor reakʼ rohoṛ gaḍa secʼte maraṅ jalapuri hạbicʼ. Ar noage hoyokʼa dạkhin reakʼ simạna do.

Mikạ 6:4

Iń do Misor disạm khoniń oḍok ạgu akatʼpea, ar golam khoniń chaḍao akatʼpea. Ape goṛowape lạgitʼte Mose, Aron ar Mạriạm tekoń kolletʼkoa.

Numeri 12:1

Mose do Kus jạtren mitʼṭen maejiue baplaledea. Nui Kus jạtren maejiu iạte Mạriạm ar Aron do Mose upạrte katha roroṛkin ehopʼena,

Numeri 12:10

Ona rimil khunṭi tinre ńapamokʼ tạmbu bạgikate cetante rakabokʼ ehopʼena unre ńelena, Mạriạmakʼ hoṛmore murhucʼ jom rog do him leka ponḍge rakapʼena. Ar Aron hõ Mạriạm secʼe beṅgetʼketʼ khan hoṛmore murhucʼ jom roge ńelketʼtaea.

Numeri 12:15

Ona iạte Mạriạm do eae din hạbicʼ ḍera bahrete idikateye doho ocoyena. Ar uni ạuri ruạṛ ạguiye hạbicʼ hoṛko do bako uṭhạulena.

Numeri 13:21

Unre onko do senkate Sin hahaṅkar khon ehopʼkate Hamat secʼ Rehob hạbicʼ disạmko ńelkeda.

Numeri 13:26

Onko mukhiyạ do Paran hahaṅkar reakʼ Kadeste Mose, Aron ar sanam Israel ṭhenko ruạṛ hecʼena. Ar ona disạm reakʼ jotowakʼko lạiyatʼkoa ar jo hõko udukʼatʼkoa.

Numeri 20:22

Inạ tayom Israelko do Kades khonko uṭhạuente Hor buruko seṭerena.

Numeri 20:28

Ona tayom Mose do Aronakʼ hoṛmo khon naeke kicricʼe bocʼketʼte uniren hopon Eleasare horokʼadea. Ar Aron do ona buru muthniregeye gocʼena. Ona tayom Mose ar Eleaser do buru khonkin pheḍ hecʼena.

Numeri 26:59

Amramren oṛakʼ hoṛakʼ ńutum do Jokebed tahekana. Misor disạmre Liwi gusṭiko talare uniyakʼ janam do hoylena. Uniyakʼ kukhire Amramren hopon Aron, Mose, ar unkinren misera Mạriạmakʼ janam hoylena.

Numeri 27:14

Ente Sin hahaṅkarre Israelko tinre dakʼ lạgitʼ kạphạriạukʼko ehopʼletʼa unre Israelko samaṅre iń sonotiń reakʼ hukum do baben bataoleda.” Ona do Sin hahaṅkarre Kades ṭhenakʼ Meribah reakʼ dakʼge.

Numeri 33:36

Inạ tayom onko do Sin hahaṅkar talate Kadeste senkateko ḍerayena.

Dosar Biboron 1:46

Nonkate ape do Kadesre ḍher dinpe tahẽyena ar onḍege ḍher dinpe khemaokeda.

Dosar Biboron 2:14

Kades bạgikate Sered soḍokʼ paromokʼte pegel irạl bochor lagao atʼbon tahẽkana. Kades bạgi oṭowakʼ lahare ḍerare okoe palṭonko tahẽkan onko sanamkoge niạ pegel irạl bochor bhitrite Probhu Isorakʼ gokʼakʼ reakʼ katha lekateko gocʼena.

Dosar Biboron 32:51

Cedakʼ je, Sin hahaṅkarre Kades reakʼ Meriba-dakʼ ṭhen Israel hoponko talare iń tulucʼ biswạsben rạputʼleda ar Israel hoponko talare baben sonotledińạ.

Bikʼcạrko 11:16

Misor khon oḍokʼ hecʼ tayom Israelko do hahaṅkar ṭoṭha secʼte arakʼ jalapuri hạbicʼko senlena ar ona tayom do Kadesteko calaolena.