Numeri 19:9 - সান্তালী বাইবেল

⁹ Sapha menae nonkan jãhãe hoṛ uni gạiyakʼ torocʼko hạr samṭaokate ḍera bahre jãhãn sapha ṭhạ̃iteye oḍok idiya. Ar ona torocʼ do Israelkoakʼ saphakʼ reakʼ dakʼ benao lạgitʼe dohokakʼa. Noa do chut khon saphakʼ lạgitʼ beohar hoyokʼa.

Numeri 19:9 Iomraidhean Croise

Levitikus 15:20

Inạko dinre jãhãnakʼrege uniye duṛubokʼ ona do jotoge besaphawakʼ hoyokʼa.

Sakariạ 13:1

“Iń phạdkoren Probhu Isorgeń meneda, enhilokʼ Dạudakʼ bõsren ar Jerusalemren hoṛkoakʼ kại ar besapha akanakʼ ạrupʼ saphae lạgitʼ mitʼṭecʼ jharna do jhijogokʼa. Ar enhilokʼ do disạm khon boṅgako sạṅgiń ocokʼa ar onkoakʼ ńutum do celehõ bako disạiya. Disạm khon onkoren nạbikoń sạṅgiń giḍikakoa ar bạṛicʼ jiuko hõń sạṅgińkoa.

Numeri 19:13

Jãhãege jãhãn mạ̃ṛĩye joṭed tayom apnarte bae saphakʼ enḍekhan uni do Probhu Isorakʼ sekʼwa tạmbui besapha ocoytaea. Ar onate uni hoṛ do Israelko tala khon meṭao utạre hoyokʼa. Uniyakʼ hoṛmore saphakʼ reakʼ dakʼ baṅ irci akawadete uni do besapha akangeye tahena ar uniyakʼ besapha do uni cetanrege tahẽ utạrokʼa.

Numeri 19:17

“Nonkan hoṛkoakʼ chut meṭaokʼ lạgitʼ do okoeṭakʼ gạiye atar ocoakan uniyakʼ thoṛa torocʼ miṭen celaṅre dohokate onare jharna dakʼ dulakʼ hoyokʼa.

Numeri 19:18

Ar ona tayom sapha menae nonkan mitʼṭecʼ hoṛ do husopʼ reakʼ ḍạr ona dakʼreye topoya ar ona tayom do tạmbu ar ona bhitri reakʼ jinisko ar hoṛko cetanreye irciya. Manwa jaṅ se topa se mạ̃ṛĩye joṭetʼ akatʼ hoṛ cetanrehõ ona dakʼ do irciyae hoyokʼa.

Numeri 19:3

Uni ạgukate naeke Eliasar ṭhenpe jimạyea. Ar ḍera bahre idikate uni samaṅrepe gurea.

Numeri 19:8

Okoe uni gạiye atare uni hõ acʼakʼ kicricʼko saphae hoyokʼtaea are ḍạbrạ saphakʼa ar ạyupʼ hạbicʼ besapha akane tahena.

Numeri 6:12

ar ona sãote acʼ apnar hõ lahate leka Probhu Isor ńutumte begar tahen reakʼe kiriyạkʼa. Ona chaḍa dos akatʼ reakʼ samaṅokʼakʼ lạgitʼ uni do mitʼ bochor umerren mitʼṭen bheḍa hopone ạguiyea. Ar tinạkʼ din Probhu Isor ńutumte begar akane tahẽkan onako din do bạtilokʼtaea, ente onako dinre uni do besapha akane tahẽkana.

Numeri 8:7

Onko do nonka lekam saphakoa: onko cetanre saphakʼ reakʼ dakʼem irciyakoa. Ar ona tayom do holatʼte goṭa hoṛmoko hoyo saphakʼa ar kicricʼko saphaetakoa.

Numeri 9:13

Menkhan besapha hoṛe baṅkan se daṛan horren hoṛ hõe baṅkan ar bańcaokʼ porob bae manao, enḍekhan uni do niṭ akatʼ oktere Probhu Isor ńutumte bae samaṅletʼte acʼakʼ jạtrenko khone marao ocokʼa. Uni do acʼakʼ kại reakʼ kuṛạiye ńama.

2 Korinthiko 5:21

Jisu Mạsire jãhãn kại do baṅ tahẽkana; menkhan Isor do aboakʼ kạiko unireye ladekeda ar unige kạiyicʼe hoyocokedea, jemon Mạsi tulucʼ jopoṛao akan bon tahente Isorakʼ dhoromte dhorom bon hoyokʼ.

2 Korinthiko 7:1

E dulạṛiạ gateko, abon lạgitʼ noako gokʼakʼ menakʼte delabon, jel ar jiu reakʼ joto chut khon apnar bon saphakʼma, ar Isor botorae tulucʼ sonot reakʼ hortebon laha idikʼma.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Ibriko 9:13

Okoeko bhõnḍ akan tahẽkan onko cetanre merom ar ḍaṅgrawakʼ mãyãm se pheṭãṛ atar akade reakʼ torocʼko chiṭiạu akokan tahẽkana; onate onkoakʼ do eken bahre hoṛmo saphakʼkan tahẽkana.