Numeri 19:7 - সান্তালী বাইবেল

⁷ Inạ tayom naeke do acʼakʼ kicricʼko dakʼteye saphaetaea are ḍạbrạ saphakʼa. Ar inạ tayom do ḍera bhitriteye bolo daṛeakʼa, menkhan ạyupʼ hạbicʼ besapha akan tahen hoyokʼtaea.

Numeri 19:7 Iomraidhean Croise

Levitikus 11:24

“Noko iạte ape dope besaphakʼa. Ar okoe onkoakʼ mạ̃ṛĩye joṭed uni do ạyupʼ hạbicʼ besapha akane tahena.

Levitikus 11:25

Ar jãhãege onkoren mitʼṭecʼ reakʼ mạ̃ṛĩye joṭed enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena.

Levitikus 11:27

Pon jaṅgate taṛam jiwiyanko modre okoe do talkateko taṛam onko hõko besaphagea. Ar okoe onkoakʼ mạ̃ṛĩye joṭed uni do ạyupʼ hạbicʼ besapha akane tahena.

Levitikus 11:28

Ar jãhãege onkoakʼ mạ̃ṛĩye idiy uni do acʼakʼ kicricʼe saphaetaea ar ạyupʼ hạbicʼ besapha akane tahena. Ape lạgitʼ noko jiwiyanko doko besaphagea.

Levitikus 11:31

Kạṭicʼ jiwiyanko modre noko do ape lạgitʼko besaphagea. Nokoakʼ mạ̃ṛĩ okoeye joṭed uni hõ ạyupʼ hạbicʼ besapha akane tahena.

Levitikus 11:32

Noko modren mitʼṭecʼ hõ jãhãnakʼ jinis cetanreye gocʼkate ńur akan tahen enḍekhan ona hõ besaphawakʼ hoyokʼa. Baṅ do kaṭ reakʼ jãhãn bhajan, baṅ do kicricʼ, baṅ do harta, baṅ do bosta, jãhãn sapapʼakʼge, ar onate jãhãnakʼgeko kạmi ona joto do besaphawakʼ hoyokʼa. Ona jinis do dakʼre topo dohokakʼ hoyokʼa. Ar ạyupʼ hạbicʼ besaphage tahena, ar ona tayom do saphawakʼ hoyokʼa.

Levitikus 11:39

“Apepe jomko nonkan jãhãn janware gocʼlen khan ar jãhãe uniyakʼ mạ̃ṛĩye joṭetʼ lekhan uni do ạyupʼ hạbicʼ besapha akane tahena.

Levitikus 11:40

Ar jãhãe uni gocʼ akan janwarakʼ jele jom enḍekhan uni do acʼakʼ kicricʼe saphaetaea ar ạyupʼ hạbicʼ besapha akane tahena. Ar jãhãege uni gocʼ akanicʼakʼ mạ̃ṛĩ titeye sapʼ idiy enḍekhan uni do acʼakʼ kicricʼ saphaetae hoyokʼtaea ar ạyupʼ hạbicʼ besapha akane tahena.

Levitikus 14:46

“Jãhãege oneko siń akatʼ dinre oṛakʼteye bolokʼ enḍekhan uni do enhilokʼ ạyupʼ hạbicʼ besapha akane tahena.

Levitikus 15:5

Hoṛmo khon besaphawakʼ oḍokokʼkantae hoṛakʼ aṭetʼ okoeye joṭed uni hõ acʼakʼ kiricʼko saphaetae hoyokʼtaea, ar ạyupʼ hạbicʼ besapha akane tahena.

Numeri 19:10

Okoe hoṛ uni gạiyakʼ torocʼe samṭao idiy uni hõ kicricʼkoe saphaetaea ar ạyupʼ hạbicʼ besapha akane tahena. Noage Israelko ar onare girobasokʼ kan eṭakʼ jạtren hoṛko lạgitʼ piṛhike piṛhi mitʼṭecʼ niạm do tahẽna.

Numeri 19:19

Sapha menae hoṛ do chut hoṛ cetanre tesar ar eae din hilokʼre ona dakʼe irciaya ar eae din hilokʼ do uniye saphakʼa. Ar okoeye sapha ocokʼkan uni do acʼakʼ kicricʼkoe saphaetaea are ḍạbrạ saphakʼa ar enhilokʼ ạyupʼ khon doe saphakʼa.

Numeri 19:21

Israelko lạgitʼ noa do mitʼṭecʼ tahẽ utạrakʼ niạmge hoyokʼa. “Okoe hoṛ noa saphakʼ reakʼ dakʼe irciy uni hõ acʼakʼ kicricʼkoe saphaetaea. Ar jãhãege noa saphakʼ reakʼ dakʼe joṭed enḍekhan uni do ạyupʼ hạbicʼ besapha akane tahena.

Numeri 19:22

Besapha akan hoṛ jãhãnakʼgeye joṭed onage besaphawakʼ hoyokʼa ar uni joṭetʼakʼ jinis okoeye joṭed uni hõ ạyupʼ hạbicʼ besapha akane tahen.”

Numeri 19:8

Okoe uni gạiye atare uni hõ acʼakʼ kicricʼko saphae hoyokʼtaea are ḍạbrạ saphakʼa ar ạyupʼ hạbicʼ besapha akane tahena.

Ibriko 13:11

Kại ńutumte dãṛẽ samaṅ akatʼ janwarakʼ mãyãmante Israelren maraṅ naeke do sonot utạrakʼ jaegateye calakʼkan tahẽkana, menkhan janwarkoakʼ hoṛmo do Israelkoakʼ tahen jaega khon bahrete idikateko atar giḍikakʼkan tahẽkana.