Numeri 19:2 - সান্তালী বাইবেল

² “Niạ do iń emakʼ mitʼṭecʼ ạn-ạri kana: aben do Israelkoben metakoa jemon nonkan niphuṭ utạricʼ mitʼṭen arakʼ gạiko ạguam okoe do hoṛmore jãhãn dos bạnukʼtae ar uniyakʼ tarenre tishõ arãṛ baṅ lade akawade.

Numeri 19:2 Iomraidhean Croise

Exodus 12:5

Uni hopon do merom boda se bhiḍi pal khon bachao akade mitʼ bochorren mitʼṭen bheḍa hoponge. Uniyakʼ hoṛmore jãhãn khũt alo baṛe tahentae ma.

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Rak̕joṅ 1:14

Ińakʼ ghạṭko do arãṛ lekae tol joṛao akatʼtińạ; uniyakʼ titege onako doe tol mitʼakada. Ar ińakʼ tarenreye lade akawạdińạ, Probhu Isorge ińakʼ daṛe doe caba akattińạ. Ar okoe bạń teṅgo daram daṛeako onkoakʼ tireye soprot akadińa.

Levitikus 1:10

“Noa jeredokʼ samaṅokʼakʼ do bheḍa se meromteye hoyocoe khan uni do mitʼṭen niphuṭ merom boda se bheḍa baṛeye ạguiyema.

Levitikus 1:3

“Uni do ona jeredokʼ samaṅokʼakʼ ḍaṅgrateye menetʼ khan enḍekhan uni do niphuṭ ạnḍiạ ḍaṅgrage ạguiye hoyokʼtaea. Probhu Isor jemon uni cetanreye kusikʼ onate uni do ńapamokʼ tạmbu reakʼ duạr ṭhen ḍaṅgrae ạguiyea.

Levitikus 14:6

Ar jiwetʼicʼ cẽṛẽ, debdạru kaṭ, jeṅgetʼ arakʼ sutạm ar husopʼ dạṛ do jharna dakʼ cetanre gocʼ akade cẽṛẽwakʼ mãyãmreye topoya.

Numeri 19:1

Inạ tayom Probhu Isor do Mose ar Arone galmaraoatʼkinạ.

Numeri 19:6

Uni gại tinreye atarokʼa unre naeke do debdạru reakʼ kaṭ, husopʼ ḍạr ar jeṅgetʼ arakʼ sutạm ona cetanreye khadlekakʼa.

Numeri 31:21

Eleasar naeke do lạṛhạiko senlen palṭonkoe metatʼkoa, “Noa do hoyokʼ kana Mose hotete Probhu Isore emakan ạn-ạri.

Luk 1:35

Serma goḍete menkeda, “Sonot Jiu do am cetanreye hijukʼa ar maraṅ Isorakʼ daṛegeye umulkama. Noa iạte okoeṭakʼ sonot Hopone janamokʼ uni do Isorren Hopone ńumogokʼa.

Dosar Biboron 21:3

Ar mạ̃ṛĩ khon okaṭakʼ nagraha do joto khon sorre menakʼ nagraharen murubbiko do nonkan mitʼṭen phẽṭaṛko hataoea okoe do kạmire baṅ lagaoakade ar tarenre tishõ arãṛ baṅ lade akawade.

Ibriko 7:26

Nonkan mitʼṭen sonoticʼ, bin dusiyicʼ ar niphuṭ utạricʼ maraṅ naekege jạruṛ tahẽkan tabona. Uni do kại hoṛko khone begargea ar Isor do serma khon hõ bạ̃ṛti usule rakapʼ akadea.

Ibriko 9:10

Onako do eken hoṛmoteakʼ kana, metakʼme jom-ńũ ar dhorom reakʼ niạm lekate saphakʼ reaṅge. Onako do sanamakʼ jut aroe okte hạbicʼge kạmire lagaolena.

1 Patras 1:19

ape dope kiriń chaḍao akana niphuṭ ar bedagan Bheḍa Hopon Jisu Mạsiyakʼ mãyãmte.

1 Patras 2:22

Uni do bae kại akada uniyakʼ mocare jãhãn phorphundi hõ baṅ tahẽkana.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

1 Samuel 6:7

“Ńitokʼ ape do mitʼṭecʼ nãwã sagaṛ benaope ar toa kin emokʼ nonkan barea gại hataokinpe one unkin cetanre tishõ arãṛ baṅ lade akawatʼkin. Ar unkin do ona sagaṛrepe joṛaokinạ, menkhan unkinren mĩhũ hopon do unkin khonpe ocokʼkinạ.