Numeri 19:18 - সান্তালী বাইবেল

¹⁸ Ar ona tayom sapha menae nonkan mitʼṭecʼ hoṛ do husopʼ reakʼ ḍạr ona dakʼreye topoya ar ona tayom do tạmbu ar ona bhitri reakʼ jinisko ar hoṛko cetanreye irciya. Manwa jaṅ se topa se mạ̃ṛĩye joṭetʼ akatʼ hoṛ cetanrehõ ona dakʼ do irciyae hoyokʼa.

Numeri 19:18 Iomraidhean Croise

Sereńko 51:7

Husopʼ dare reakʼ ḍạrte saphayińme, onate iń doń sapha utạrokʼa; ạrupʼ saphayińme, onate iń do pĩṛĩtʼ pĩṛĩtʼ ponḍ iń hoyokʼa.

Sereńko 51:9

Ińakʼ kại secʼ do alom beṅgetʼakʼa; ińakʼ sanam ghạṭ baṛe ikạitińme.

Jesaea 52:15

Menkhan uni do aema jạtren hoṛkoe saphakoa, ar uni khạtirte rapajko do moca sikubokʼtakoa; ente okaṭakʼ baṅ lại akawatʼko tahẽkan onageko oroma.”

Numeri 19:17

“Nonkan hoṛkoakʼ chut meṭaokʼ lạgitʼ do okoeṭakʼ gạiye atar ocoakan uniyakʼ thoṛa torocʼ miṭen celaṅre dohokate onare jharna dakʼ dulakʼ hoyokʼa.

Numeri 19:19

Sapha menae hoṛ do chut hoṛ cetanre tesar ar eae din hilokʼre ona dakʼe irciaya ar eae din hilokʼ do uniye saphakʼa. Ar okoeye sapha ocokʼkan uni do acʼakʼ kicricʼkoe saphaetaea are ḍạbrạ saphakʼa ar enhilokʼ ạyupʼ khon doe saphakʼa.

Numeri 19:9

Sapha menae nonkan jãhãe hoṛ uni gạiyakʼ torocʼko hạr samṭaokate ḍera bahre jãhãn sapha ṭhạ̃iteye oḍok idiya. Ar ona torocʼ do Israelkoakʼ saphakʼ reakʼ dakʼ benao lạgitʼe dohokakʼa. Noa do chut khon saphakʼ lạgitʼ beohar hoyokʼa.

Johan 17:17

“Sạriyakʼ hotete am lạgitʼge onko do begar dohokom. Amakʼ katha kangea ona sạriyakʼtetʼ do.

Johan 17:19

Onko iạte am lạgitʼ iń doń begar akana jemon sạriyakʼ hotete onko hõko begar ocokʼ.

1 Korinthiko 1:30

Jisu Mạsi tulucʼpe mitʼakan ona do Isor khonge hoyakana. Jisu Mạsige abo lạgitʼ Isor ṭhen khone emakan akel do; unige aboren dhoromicʼ, sonoticʼ ar chakʼḍaoicʼ.

Ibriko 9:14

Menkhan okoe do jaejug sonot Jiu hotete Isor ṭhen acʼtetʼge niphuṭ dãṛẽ lekateye emen uni Jisuakʼ mãyãm do aboakʼ bibekre bin joanakʼ kạmi khon arhõ bạ̃ṛtiye sapha bona, jemon jiwetʼ Isor bon sewa daṛeae.

Ibriko 9:19

Joto hoṛko ṭhen ạn-ạriko reakʼ mimitʼ hukum lại saḍe tayom Mose do pheṭãṛ ar meromkoakʼ mãyãme hataokeda ar ona sãote dakʼ mesalkate jeṅgetʼ arakʼ bheḍawakʼ upʼ ar husopʼ dạrte ona ạn-ạriko reakʼ puthire ar hoṛko cetanre onaye chiṭiạukeda.