Numeri 19:16 - সান্তালী বাইবেল

¹⁶ “Lạṛhại iạte se ṭạnḍireye gocʼakan nonkanicʼe joṭetʼ akade hoṛ hõ eae din hạbicʼ besapha akane tahena. Jãhãege topa se manwa jaṅe joṭed uni hõ eae din hạbicʼ besapha akane tahena.

Numeri 19:16 Iomraidhean Croise

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Jeheskel 44:26

Are saphalen tayom uni do eae din hạbicʼ tạṅgi hataṛ hoyokʼtaea.

Levitikus 21:1

Inạ tayom Probhu Isor do Moseye metadea, “Am do naekeko, metakʼme Aronren hoponko galmarao akome, onkoren peṛako modre jãhãegeye gocʼlenre ona iạte naeke do acʼ apnartetʼ aloe besaphakʼma.

Numeri 19:11

“Jãhãege jãhãn mạ̃ṛĩye joṭed enḍekhan uni do eae din hạbicʼ besapha akane tahena.

Numeri 19:15

Ar onḍenakʼ okako bhajan do oṭakʼge tahẽkan onako hõ besapha akan hoyokʼa.

Numeri 31:19

“Ar ape modre okoe do hoṛpe gocʼakatʼko se gocʼ hoṛpe joṭetʼ akatʼko khan onko eae din hạbicʼ ḍera bahrere tahen hoyokʼtapea. Ar tesar ar eae din hilokʼ do ape apnartetʼ ar bondikatepe ạguakatʼko hoṛko saphakʼ hoyokʼtapea.

Numeri 5:2

“Israelkom hukumakoa ḍeraren okoeko hoṛ do murhucʼ jom rog menakʼtako se okoeyakʼ hoṛmo khon besaphawakʼ oḍokokʼkan se mạ̃ṛĩ iạteko besaphage onkan hoṛ jemon ḍera khonko oḍok ocokʼ.

Numeri 6:6

Uni do jãhãn mạ̃ṛĩ ṭhen hõ bae sor daṛeakʼa.

Numeri 9:6

Ona jokhecʼ onko modren thoṛa hoṛ do mitʼṭecʼ mạ̃ṛĩko joṭetʼletʼte ar besaphako tahẽkante enhilokʼ bańcaokʼ porob bako palon daṛeada. Onate onko do enhilokʼge Mose ar Aron ṭhenko calaoena.

Mathae 23:27

“Hae, ape sostor baḍaeko, Phạrusiko ar phạsiarako do! Ape do cunte potao akatʼ topa lekanko kanape, one oka bahre ma mońjge ńelokʼkan, menkhan bhitri do gocʼ hoṛakʼ jaṅ ar joto lekan mạilạte perecʼge.

Luk 11:44

Hae ape do! Ente ape do begor cinhạ akatʼ topa lekanko kanape. One hoṛko do begor baḍaete ona cetanteko taṛam paromokʼ kan.”